][ تجمع للجداول و تعديلها و الحذف و الإضافة ][

[LeLou]

المشاركة الأصلية كتبت بواسطة الشيمآء السلام عليكم ~ بالنسبة للمواد الحرة فأنا أخدت سيرة نبوية مع د. سمر ، تحليل كمي 2 مع د. سوزان. التحليل الكمي ح تكون اختيار حلو لطالبات الرياضيات و الإحصاء و أي أحد لو أساس مزبوط في الحسابات و كده :$ المنهج بالعموم ياخد مبادئ رياضية و يطبقها على أمثلة اقتصادية :) يعني مثلًا الدوال الخطية، التربيعية، الأسية و اللوغاريتمية! تاخدوا طرق حلها بعدين تبطقوها على الطلب و العرض، عدد السكان، الأقساط و هكذا .. فيه المحددات و المصفوفات، فيه تفاضل شي بسيط متبوع بتطبيقاتو، فيه النهايات العظمى و الصغرى، فيه برمجة خطية، و آخر شي نظام الفوائد البسيطة و المركبة. أكرر و أقول اللي مالو في الرياضيات بلاش ياخدها، ح يغلب :$$ كمان سمعت مرة بنات يتكلموا عن دولة أموية مع د. سمر، إنو نفس نظامها في سيرة، بس استفسروا أكتر :) .

و عليكم السلام و رحمة الله و بركاته..

جزاكِ الله خيرًا عزيزتي الشيمآء على الـنصائح و الإفادة..
أعرف بنت كمان أخذت تحليل كمي تقول مرة سهلة لكن زي ما قلت يبغالها ماث..
ممكن و ما عليكِ أمر تدينا رمز و رقم المادة؟!

و شكرًا جزيلاً لكِ مستشارتنا||~

[زهرة الماضي]

يعطيكم العافيه

بس دول فرع الرئيسي ولا الفيصليه؟

لانو انا بالفيصليه

[LeLou]

المشاركة الأصلية كتبت بواسطة زهرة الماضي يعطيكم العافيه بس دول فرع الرئيسي ولا الفيصليه؟ لانو انا بالفيصليه

لا فرع رئيسي..
بالنسبة للفيصلية تقدري تستفسري في منتدى كلية العلوم للبنات إن شاء الله يفيدوك أكثر مننــا..

هنا: منتدى كلية العلوم للبنات

بالتوفيق||~

[الشيمآء]

ليلوش :)
econ204 ، كلية الاقتصاد و الإدارة .
العفو

زهرة الماضي :)
اللي أعرفو في الفيصلية مقدمة اللغة الفرنسية حلوة

[LeLou]

المشاركة الأصلية كتبت بواسطة الشيمآء ليلوش :) econ204 ، كلية الاقتصاد و الإدارة . العفو زهرة الماضي :) اللي أعرفو في الفيصلية مقدمة اللغة الفرنسية حلوة

مع الأسف طلعت تعارض معايا ..

أنا مشكلتي أبغى مادة تكون إثنين و أربعاء من 8 لــ 9 و نص،، في دا الوقت بالذات و مو أي ساعة ثانية..

حاليًــا لقيت علوم القرآن الكريــم و أضفتها و إن شاء الله تكون كويسة و نستفيد منها ..

[flowerqueen]

السلام عليكم ورحمة الله وبركاته
رمضان كريم

ابغى اعرف اذا الشعب المغلقة في احتمال تتوسع لانه ضروري اضيف كيمياء عضوي وبيولوجيا الخلية او احياء دقيقة لاني اضفت من ثاني يوم تفتح فيه الحذف والاضافة وكانت الشعب مغلقة

[NSMR]

وعليكم السلام ورحمة الله وبركاته ..
الشعب المقفله يمديكي تضيفيها من عند مشرفتك او مشرفة القسم حقك بس كمان اضيفي بدالها مادة اذا كلمتيهم وقدرو يضيفوهـ تحذفي المواد اللي حطيتيها بدالها ..


بيو كيميائية ☹ الله يسعدك يَ شيخه مرا ارتحت ان جدولي تمام ♥♥

بس بسألك في التغذيه كل اللي يعطو ذي المادة مو تمام بالشرح اش رايك احذفها واحط فيزيائية او طاقة حيوية ولا اخذ معاهم وامشي حالي *-*

[بنت عبد الله]

السلام عليكم
انا طالبه احياء وسجلت ماده كيمياء عضوي مع د. ليلى طيب مين يعرها ابي اعرف كيف اسلوبها وشرحها واسالتها ومين افضل هيا او دينا باخطمه الله يجرى الجنه مين ترد عليه

[flowerqueen]

انا سالت المشرفة حقتي وقالتلي المواد اللي لازم اضيفها ومن ضمنها كيمياء حيوية التغذية وانا اضفت المادة عند دكتورة سمعت انها ماتشرح فماني عارفة ايش اسوي فعشان كده ماهقدر انصحك بشي

[^_^ bio]

المشاركة الأصلية كتبت بواسطة بنت عبد الله السلام عليكم انا طالبه احياء وسجلت ماده كيمياء عضوي مع د. ليلى طيب مين يعرها ابي اعرف كيف اسلوبها وشرحها واسالتها ومين افضل هيا او دينا باخطمه الله يجرى الجنه مين ترد عليه

استاذه ليلى اسلوبها مرررره حلو وشرحها تفهمي منو بس لازم تذاكري اول باول وتكتبي معاها الملاحظات الي بتقولها لانو هي الي بتجي بالاختبار واذا مافهمتي ماعندها مشكلة تعيدلك الشرح واذا مافي وقت تروحيلها لمكتبها وتشرحلك بعد كل شابتر كانت بتعطينا كويز وبيجي منو بالاختبار الاستاذه الثانيه ماعرفها الماده مو مرررره صعبه ولا مؤه سهله وسط اهم شي ذاكري اول باول.

بنات محد قد اخذ مع فاتن احمد السليماني ميكرو او سناء عطاس محتاره بينهم قريت انو الاولى بتخلي البنات هما الي يشرحو بتىكد والي اخذت مع سناء تقولي كيف شرحها