سؤالي : هل لايزال التسجيل مفتوح في الجامعة العربية المفتوحة عن برنامج الدبلوم التربوي

[eeewy]

المشاركة الأصلية كتبت بواسطة تراكم امنيات ياربي من جد هذي الجامعه تلحس المخ ومابعد درسنا.....على قد ماقرأت عن طريقتهم بس موفاهمه....المهم دخلت على الالتحاق وزيكم يجيني التقويم الاكاديمي وقديم....وننتظرك aws1111 يارب يردو عليك ونفهم سالفتهم...عشان مايكون تقديم الاوراق يدوي واحنا هنا نستنى

ياقلبي يااختي الغالية aws1111 اوكي خلاص نحنا بإنتظارك راح نستنى ردك

اختي الغالية تراكم امنيات .. تخيلي التقديم يكون يدوي ونحنا ماندري ..

[eeewy]

بنات اتصلت على الجامعة العربية المفتوحة وقالولي انهم راح يحدثوا صفحة الجامعة اليوم خلال 24 ساعة وراح تشتغل معاكم الايقونات بس تمر 24 ساعة .. على فكرا ترى سألتهم كيف هيكون النظام قلي راح نعبي النموذج وهيكون في النموذج رقم الطلب المهم نطبعو ونستنى لبعد العيد راح يكون التسجيل ودفع الرسوم .. يعني لمن عبي النموذج راح يجينا رقم طلب وبكدا راح نستنى لبعد العيد عشان ندفع الرسوم والتسجيل .. يارب يسرلنا امورنا يارب وانو يكون من نصيبنا دراسة الدبلوم التربوي في الجامعة العربية المفتوحة يارب جميعنا يارب

[aws1111]

المشاركة الأصلية كتبت بواسطة eeewy بنات اتصلت على الجامعة العربية المفتوحة وقالولي انهم راح يحدثوا صفحة الجامعة اليوم خلال 24 ساعة وراح تشتغل معاكم الايقونات بس تمر 24 ساعة .. على فكرا ترى سألتهم كيف هيكون النظام قلي راح نعبي النموذج وهيكون في النموذج رقم الطلب المهم نطبعو ونستنى لبعد العيد راح يكون التسجيل ودفع الرسوم .. يعني لمن عبي النموذج راح يجينا رقم طلب وبكدا راح نستنى لبعد العيد عشان ندفع الرسوم والتسجيل .. يارب يسرلنا امورنا يارب وانو يكون من نصيبنا دراسة الدبلوم التربوي في الجامعة العربية المفتوحة يارب جميعنا يارب

مساء خير... انفتح التسجيل صباياااا.

[eeewy]

المشاركة الأصلية كتبت بواسطة aws1111 مساء خير... انفتح التسجيل صباياااا.

من جد الله يبشرك بالخير يارب .. دحين اروح اسجل ونشوف ايش راح يصير .. استناكي يا أختي aws1111

[aws1111]

المشاركة الأصلية كتبت بواسطة eeewy من جد الله يبشرك بالخير يارب .. دحين اروح اسجل ونشوف ايش راح يصير .. استناكي يا أختي aws1111

اسمعي دقي عليهم مرة ثانية \هم فاتحين فققط للثانوية وماني عارفة كيف نسجل احن الدبلوم .. لانه عارضين فققط 3 تخخصات ...

[eeewy]

بنات انا اتصلت على الدكتور مصلح حقت الجامعة العربية المفتوحة عشان كنت بستفسر منو اكتر عن دي المشكلة بس لقيت جوالو مقفل .. ان شاءالله خير يارب .. بنات الي عندها اي خبر او اتصلت عليهم الله يسعدكم تقولنا ايش قالولها .. انا فوق كتبتلكم ايش قالولي لمن اتصلت قبل شوية عليهم .. بنات انا بإنتظاركم

[eeewy]

5وكي راح اتصل دحين .. طيب ايش هيه ال 3 تخصصات عشان لمن اكلمو اقولو

[aws1111]

المشاركة الأصلية كتبت بواسطة eeewy 5وكي راح اتصل دحين .. طيب ايش هيه ال 3 تخصصات عشان لمن اكلمو اقولو

اسمعي كمان سنة تخرج حدهم 2011 .. قولو فيه بنات متخرجين 2012 كيف سوي؟؟

[aws1111]

1-برنامج البكالوريوس في تقنيات المعلومات والحوسبة
2-برنامج البكالوريوس في إدارة الأعمال
3-الغة الانجليزيه

والدبلوم غير مكتوب بينهم!!!!!!!!!!!

[eeewy]

اتصلت عليهم دوبو وقلي انو غريبة مانزلت ايقونة الدبلوم التربوي قلي المفروض كان ينزل .. وقلي كمان هوا ماعندو خبر عن دا الموضوع ومايقدر يجاوبني لانو الدكتور مصلح وقسم القبول والتسجيل ماهم موجودين دحين راح يجوو في شهر 10 .. فقلتلو طيب يعني نحنا ايش راح نسوي والدبلوم مو نازل في النموذج .. فقلي اتصل بكرا على الجامعة الصباح لانو دوامهم غلق دحين وهمه راح يجاوبوني .. واعطاني رقم التحويلة عشان بكرا لمن اتصل عليهم دا رقم التحويلة في 254 وفي كمان 400 .. يعني نستنى لحدت بكرا .. ااااااااخ بس هههههههههه .. ان شاءالله خير يارب