جامعة الملك عبدالله للعلوم والتقنية ....

[همس المشاعر]

طبعا يحق لاي احد التقديم على المنحة الدراسية

[روآن..!]

السلام عليكم

أخيراً لقيت موضوع عن كاوست....!!!!

قصدي يعني كمان ناس مقدمين عليها تعبت وانا ادور :(

الله يخليكم جاوبوني :(

خلاص تخرجي قريب ..

دحين انا سمعت ان التسجيل للسنه الجايه حيبدأ في آخر سبتمبر تقريباً

طيب هما حياخدوا معدل الترم اللي راح اللي هو قبل التخرج صح؟ لو نزل طيب ايش الوضع << لا قدر الله!

كمان التوفل لو ما يمديني اختبره قبل التسجيل اقصد قبل سبتمبر ، عادي اختبره في سبتمبر او بعده ؟
هل لازم لما اقدم تكون كل اوراقي مخلصه؟ لأن الترم اللي راح في بنات - حسب كلامهم - وقت التقديم كانو لسه يختبروا!! بس بعدين اختفوا البنات و ما ادري ايش صار فيهم :(

طيب دحين هي قائمه على الابحاث ، انا ما عندي ولا بحث..! كيف الوضع؟

الدراسه حتكون محاظرات ولا بات مو؟

مين يختار موضوع البحث؟ هل لازم اكون مقرره من البدايه ولا الدكتور المسئول عليا مثلا هو اللي يحدد؟

معليش لو اسئلتي غبيه بس لأن من جد تعبت وانا ادور على احد يرد عليا..

الله يوفقكم و يسعدكم اللي يعرف يجاوب.. :)

بالتوفييق

[همس المشاعر]

بالنسبة للتقديم عادي تقدمي حتى لو ماعندك لغة وحتى لو ما تخرجتي بعدين يختبرونك عندهم لو ماجبتي الدرجة المطلوبة يعطونك كورسات تقوية

بالنسبة للتقديم عادي قدمي ولو نزل عن الممتاز ما اعتقد ياخذونك لازم معدل البكالوريس عالي


اما البحث او الرسالة فهم نظامهم مقررات وتقدري تقدمي على ماستر ومايكون عندك مشرف بس تشدي حيلك لان لازمهم معدل مرة عالي عشان تقدري تكملي دكتوراة عندهم

الماستر تقريبا سنتين وفي الاخر بحث هم بعدين يحددونه

[روآن..!]

^
^
^
أختي

ربي يسعدك و ييسر لك أمورك و يفرج كرباتك قولي آمين :)

شيكت على اوقات التوفل في الموقع حقهم و الإختبارات في جده للنساء في اكتوبر للأسف مافي وقت بعدها على الأقل في نوفمبر :(

أحس ما حيمديني لو من دحين اقدم على الإختبار و اتجهز و اختبر في اكتوبر!

سؤال يخص التوفل معليش خارج عن الموضوع ( هل صحيح الغرفه التجاريه ينعمل فيها إختبار التوفل؟ )
لسه ما سجلت فما اعرف الأماكن..

[همس المشاعر]

والله ماعندي فكرة بس في اغلب المعاهد

بالنسبة للتوفل مو شرط للقبول ولكن لازم توضحي لهم ان عندك محاولات وهذا لصالحك

[روآن..!]

مشكوره اختي :)

الله يوفقك

[الو11111في]

السلام عليكم ورحمة الله وبركاتة
اختي همس المشاعر انتي تقولي عادي تقدمي ولو ماتخرجتي؟؟
كيف يعني عادي اقدم وانا ادرس بكلريوس؟
وكمان انا ادرس محاسبة ؟
عادي اقدر ادرس ف اي تخصص موجود فالجامعة؟
للمعلومية انا بنت بس مستخدمة معرف خيو

[همس المشاعر]

عادي لما تسجلي تكتبي وقت او تاريخ التخرج المتوقع عادي - بالنسبة لتخصص انتي قدمي وشوفي اش يصير معك

[nedo tan]

السلام عليكم ورحمة الله وبركاته
حابة اقولكم عن تجربتي انا قدمت على الماستر في جامعة الملك عبدالعزيز ولكن ماجبت الدرجة المطلوبة لاختبار ستيب وكنت بالوقت نفسه مقدمة على ماجستير جامعة الملك عبدالله تم قبول طلبي وعمل مقابلة اكاديمية عن طريق السكايبي ثم بعده بشهر تم مراسلتي عن طريق الايميل لاجراء الامتحان عندهم مع مقابلة ادارية عملتها دكتورة نجاح عشريمع واحد امريكي والحمدلله تم قبولي عندهم .. الان بالصيف في كورس للانجليزي لتقوية الضعف كما ذكرت اخت همس المشاعر وانا الاسبوع القادم رح اكون بالجامعة هما رح يحجزولي ويعملولي الاجراءات انا كنت حابة اسال اخت همس المشاعر انو اهلي يقدرون يجون عندي زيارة ؟

[عماد الحسن]

عليكم السلام ورحمة الله ،،
أشكر الأخت القديرة لهذه المشاركات المفيدة ومبروك عليكم القبول في جامعة كاوست
استفدنا كثير من هذه المعلومات والخبرات وأتمنى منكم الاستمرار في المنتدى لنعرف الجديد منكم

دعواتنا لكم بتسهيل الأمور وبدأ الدراسة في أقرب فرصة،
وننتظر مشاركة الأخوات في الموضوع للرد على أسئلتكم.