أي إسفسارات هنا.. لتفادي المواضيع والزحمة..والكل حيفيدكم..(girls&boys)

[ŠsooOOooŠsăa]

المشاركة الأصلية كتبت بواسطة دفء الروح مرحبا ... كنت حابة اسال ايش نظام الترم الصيفي بالنسبة لطالبات الانتساب ادب انجليزي؟؟ في مواد معينة بتكون في الصيف ؟؟ و لا ما في بالمرررة ؟؟؟ لو سمحتو افيدوني؟؟ و شكرا

الى الآن مو اكيـد انو يكوون فـ صيفي ,,
واذا كان فـ بالعاده ينزلو مواد المستوى السابع والثامن بس
واعتقد والله اعلم انو الانتساب مالهم صيفي ..

[beautiful soso]

يابناات ايش اسوي انا نزلت ماده مع ايمان بو ترعه في يوم الاحد والثلاثاء والان متفاجئه انا الشعبه غيروها
وخلها سبت واتنين وربوع هو ع كيفهم طيب انا مواصلاتي ما تسمحي لي ادوام السبت من بدري
بالله عليكم قولولي ايش اسوي

[ŠsooOOooŠsăa]

المشاركة الأصلية كتبت بواسطة beautiful soso يابناات ايش اسوي انا نزلت ماده مع ايمان بو ترعه في يوم الاحد والثلاثاء والان متفاجئه انا الشعبه غيروها وخلها سبت واتنين وربوع هو ع كيفهم طيب انا مواصلاتي ما تسمحي لي ادوام السبت من بدري بالله عليكم قولولي ايش اسوي

الله المستعان ,, مابيدك شي حاولي تغيري الشعبه اذا امكن ,,
او انك غيري المادة نفسها بأي مادة 2 ..

والله يوفقك وييسرلك امورك ياحق ..

[doll]

جزاكِ الله خير يا ŠsooOOooŠsăa، طيب أنا شيكت على الخطة لقيت متطلب الشعر مقدمة في الأدب و أنا الحمد لله مخلصتها و الصراحة ما أبغى دراما مع إيمان بوترعه ولا مع ابتسام عشان كدا فكرت في الشعر ، ايش رأيكم؟

[ŠsooOOooŠsăa]

المشاركة الأصلية كتبت بواسطة doll جزاكِ الله خير يا ŠsooooooŠsăa، طيب أنا شيكت على الخطة لقيت متطلب الشعر مقدمة في الأدب و أنا الحمد لله مخلصتها و الصراحة ما أبغى دراما مع إيمان بوترعه ولا مع ابتسام عشان كدا فكرت في الشعر ، ايش رأيكم؟

وجزاك ياعسل ..

يس فـ الخطه الادب متطلب للشعر بس بالعادة مايرضو انك تضيفي مواد من المستوى السابع وانتي باقي ماخلصتي مواد الخامس والسادس هذا من جهه ,,
ومن جهه 2 الشعر مادة شويتين جامدة واحسها تتطلب منك مجهود جدا كبير ,, فـ احسن شي خليك ماشيه حبه حبه ولاحقه ع الشقا صدقيني ,,
خذي الدراما مع ايمان تراها انسانه جدا كويسه وخلووقه وتقدر الي يقدرها ويحترمها وحاولي قد ماتقدري تشاركي معاها دايما وتحفظيها اسمك وتحسسيها انك انسانه مجتهده ,, صدقيني ماراح تظلمك وراح تعطيك حقك ..

والله يوفقك ..

[noufa_na]

بنات بليز ابي شوركم ضروووووري شو رايكم انا اخذت دراما مع ايمان بوترعه وريسيرش مع سوزان فكهاني
ايش رايكم احذف الريسيرش لأني مره خايفه واخذ دراما في نفس الوقت مع ابتسام بدل ايمان لأني اخذت معاها رايتنق وحملتها مره
لأن لو ابضيف دراما مع ابتسام لازم احذف الريسيرش ايش رايكم
بنات بليز الله يوفقكم ردو عليا مره محتاره
خايفه من ايمان لأني مجربتها وخايفه من سوزان في الريسيرش ايش اسوي انصحوني اللي مجربين

[doll]

الصراحة إيمان بو ترعه أبدا ما أقدر أخد معاها لأني جربتها قبل كدا و نقصتني و أنا و بنات كتير و لما طلبنا نشوف درجاتنا رفضت و قعدت تقول انتو طالبات مجتهدات و راح تعوضوها...إلخ (يعني مجتهدين و نقصتيهم الباقي كيف) بالعربي ودتنا البحر و رجعتنا عطشانيين غير الشكاوي عليها من البنات الترم اللي راح، يعني دحين البويتري من أي ناحية صعب ، استغفر الله و الله محتارة يا رب تيسرها يا كريم...

[سوسو2]

بنات ايش هي ماده chs 233 هذي ماده حره الي يعرفها يعطيني خبر

[nour al3mr]

قرات عنها انها صحة الطفل وتغذيته
من قسم الاقتصاد المنزلي ..
وفي بنات قالواانها سهله على صعبه
تتكلم عن الامراض اللي تصيب الطفل وسبل الوقايه...

[الأمواج]

بنات أنا إن شاء الله هذا الترم حأخذ مقدمة في اللغويات ومقدمة في الأأدب..
في ناس تقول ماتنفع تأخذيها في نفس الترم صح وإلا لا...
وإذا صح ليش؟؟؟؟؟..
أتمنى إجابتي...