كل اللي إنطردت من التخصص تدخل رجاء

[berry blossom]

في اعلام للإنتساب؟

وكم طالبين المعدل؟

[توتة03]

المشاركة الأصلية كتبت بواسطة berry blossom في اعلام للإنتساب؟ وكم طالبين المعدل؟

http://www.skaau.com/vb/showthread.php?t=112271

[بنت ناس]

السلام عليكم ورحمة الله وبركاته
شوفو حبيباتي انا متخرجة من الهم الي اسمو ادب انجليزي الترم الي فات
والصراحة النظام الجديد بجد يقهر بس الي "انطردوا" وانا اعتبرهم محظوظات
لا يزعلوو
بعد التخرج عرفت اني كنت غلطانة لما اخترتو والله العظيم يا بنات شي يحطم
تصدقو انو تخصص الانجليزي في سوق العمل مالو داعي
اتذكر مرة اتصلت على شركة وسالتهم اذا في وظايف شاغرة تخيلو اش قال لي """"السنترال"""""
((على فكرة هذي شركة مو مدرسة)) قلت لو معليه بس انا مو غبية لدرجة اني مااعرف على فين اتصلت. وفي النهاية قالي في وظيفة مندوبة.
يعني الي راحت للادارة والاقتصاد برافو عليها
حاليا سوق العمل بيطلب موظفات ادارة اعمال ويطلبو في الموارد البشرية
يعني لو انتو تخرجتو من دا القسم اش الي حيحصل؟؟؟؟؟
حيفضلوكم على الي متخرجة من الادب الانجليزي لانو للامانة في الانجليزي بندرس شي مااااااااااااااااله علاقة بسوق العمل ولا بتدريس كمان.
والله يوفقكم ويختار لكم الي فيه خير
وعلى فكرة قبل شهر قررت ادرس مرة ثانية في جامعة كندية تخصص ادارة اعمال بس لما افتكرت الدراسة وقلقها غيرت رائي .

[لوزانا]

المشاركة الأصلية كتبت بواسطة بنت ناس السلام عليكم ورحمة الله وبركاته شوفو حبيباتي انا متخرجة من الهم الي اسمو ادب انجليزي الترم الي فات والصراحة النظام الجديد بجد يقهر بس الي "انطردوا" وانا اعتبرهم محظوظات لا يزعلوو بعد التخرج عرفت اني كنت غلطانة لما اخترتو والله العظيم يا بنات شي يحطم تصدقو انو تخصص الانجليزي في سوق العمل مالو داعي اتذكر مرة اتصلت على شركة وسالتهم اذا في وظايف شاغرة تخيلو اش قال لي """"السنترال""""" ((على فكرة هذي شركة مو مدرسة)) قلت لو معليه بس انا مو غبية لدرجة اني مااعرف على فين اتصلت. وفي النهاية قالي في وظيفة مندوبة. يعني الي راحت للادارة والاقتصاد برافو عليها حاليا سوق العمل بيطلب موظفات ادارة اعمال ويطلبو في الموارد البشرية يعني لو انتو تخرجتو من دا القسم اش الي حيحصل؟؟؟؟؟ حيفضلوكم على الي متخرجة من الادب الانجليزي لانو للامانة في الانجليزي بندرس شي مااااااااااااااااله علاقة بسوق العمل ولا بتدريس كمان. والله يوفقكم ويختار لكم الي فيه خير وعلى فكرة قبل شهر قررت ادرس مرة ثانية في جامعة كندية تخصص ادارة اعمال بس لما افتكرت الدراسة وقلقها غيرت رائي .

هذي رغبة واختيار انا حابه هذا التخصص ومو لغرض شغل او شئ

انا ادرس انتساب انجليزي وبنفس الوقت ادرس دبلوم برمجة حاسب

لاني عارفة انه ممكن الانجليزي مايكون مطلوب في بعض الشغلات

بس انا حااابته

بس انا قلت اجمع بين اثنين هذا راح يفيدني ان شاء الله

الله يوفقك ويسهل لك بوظيفة ويوفقني وياك يارب

[الله يوفقني]

يابنات والله الشي الي يحرق القلب مو انه انا بنطرد من هلقسم لا والله هاذي اكيد خيره من ربي لان سبحان الله ربي مارح يضيعنا احنا نطلب علم

ياجمااااااااااااااااااااااااااااعه الشي الي يحرق القلب ويفقع المراره انه ليش من الاساس دخلونا ونزلو جداول وهيئونا انه خلاص احنا انجليزي و شرينا الكتب ودفعنا الفلوس عالاقل كان هالكلام ماصار وكانوا من البداااااااااااااااااااايه حددوا نسبه معينه مثل نسبة التحويل للانتظام على اساس الواحده تفكر مده وتستخير وش تدخل لكن الان لازم مافكر باي شي معين واشوف اش الاقسام الي حضراتهم رح يدخلوني فيها ليه هالقهر ليييييييييييييييييه بس لا اله الا انت سبحانك اني كنت من الظالمين

[AL-AOLANI]

الله يعوضك خير

[بنت ناس]

لوزانا حبيبتي انا كمان سويت المستحييييييييييييييييل بس عشان اتخصص في الانجليزي والحمدلله تخرجت من دا القسم لوحدي يعني ماكنت احضر دورات ولا كانت عندي مساعدة من مدرسة او صديقات(احيانا) كنت ادرس في البيت واروح الجامعة فقط للاختبار وماصار دا الشي الا بسبب حبي للقسم بس معليش اش الفايدة انك تتدفعي كل ترم 3 وفي النهاية ماحتستفيدي منها؟؟؟؟؟؟؟؟؟؟؟؟؟
وفي النهاية ولله الحمد الارزاق بيد رب العالمين والله يوفقكم في الدنيا""والاخرة""

[اضاءات]

ياعزيزاتي ..
الوظيفة رزق .. زي القسمة والنصيب
لاني لاحظت انه في ناس تتوظف بوظايف مالها علاقة بتخصص دراستها
صحبتي معاكم بالقسم تخرجت السنة الماضية وتشتغل حاليا بوظيفة ادارية
صح انه اللغة المستخدمة في شغلها كله بالانجليش لكن انجليش عادي حق المحادثة اليومية وماله علاقة بالمرة بالادب الانجليزي
الله يختار لنا ولكم الي فيه الخير

أم حمدان
ترى العذاب في كل مكان .. انتظام او انتساب
في دي الجامعة او حتى في غيرها من الجامعات والكليات الاهلية
ما أقول غير الله يلطف بنا إلى ان ننتهي من الدراسة ولا يذلنا لأحد