معهد لتعليم اللغه الانجليزيه مجانا للجنسين

[nelofer]

المشاركة الأصلية كتبت بواسطة حلم راقي الساعه كم حددوا لك؟

الساعه 11:41 مع استاذه حياة

[nelofer]

المشاركة الأصلية كتبت بواسطة فندام انا من المتقدمين الي انقبلو بالمعهد وبدات الدراسة من المستوى الثاني وانتهيت منو والان باقي اسبوع واخلص المستوى الثالث وبعدها انتقل باذن الله للمستوى الرابع الي هو اخر مستوى بالبرنامج المقابلات الشخصية للمتقدمين بتكون عادة في الفترة الصباحية من الساعه 9 الى غاية الساعه 12 او الساعه 1 اذا ماخاب ظني المهم انها تكون بالفترة الصباحية حتى لو اتغير موعدها وبالقابلة الشخصية حتتوجه عدة اسئلة للمتقدم / المتقدمة منها على سبيل المثال ايش هواياتك فين تعمل لكن اهم سؤال وجه لي وللمجموعه الي انقبلو معايا هو ايش هدفك من تعلم اللغة الانجليزيه او ليش بدك تطور نفسك في اللغة الانجيلزيه وهما هنا كان بدهم اجابه محددة الي قال غيرها تم استبعاده فالي كانت اجابته على هذا السؤال اني طالع بعثه تم استبعاده والي قال بدي اعرف اتكلم واجاري اصحابي تم استبعاده والي قال انو الانجليزيه لغة مهمة ولازم اتعلمها تم استبعاده اما المتقدمين الي كانت اجابتهم تتمحورحول نقطة انو متطلبات العمل هي الي فرضت علينا ضرورة تعلم اللغه الانجليزيه وانو الاستمرار بالوظيفه وتحسين الوضع الوظيفي هو الي يفرض علينا تعلم اللغه الانجليزيه هؤلاء تم قبولهم وهذا حسب كلام المشرف على المركز في اول لقاء لنا بالمركز بعد ان تم قبولنا وبالنسبه للمتقدمين الي مازالو يدرسو فالافضل تكون اجابتهم على هذا السؤال هو الرغبة في الحصول على وظيفه هو سبب رغبتي في تعلم اللغة الانجليزيه لانو اتقان اللغه الانجليزيه شرط اساسي للحصول على الوظيفه في كل القطاعات تقريبا

يعطيك الف عافيه اخوي ماقصرت

بس بسألك المستوى شهر يكون ولالا؟؟؟ وكيف تحس دراستهم يفهمو وتحسنت اللغه عندك ومشكور

[فندام]

المشاركة الأصلية كتبت بواسطة nelofer يعطيك الف عافيه اخوي ماقصرت بس بسألك المستوى شهر يكون ولالا؟؟؟ وكيف تحس دراستهم يفهمو وتحسنت اللغه عندك ومشكور

المستوى مدته شهرين والبرنامج مكون من 4 مستويات بس طبعا ممكن تبدئي من المستوى الثاني بالبدايه قبل الدراسة في اول يوم حتجتمعو في القاعة الكبيرة وتجي وحدة من المدرسات وتتكلم مع كل وحده منكم مدة قصيرة عشان تحدد مستوها فلو بداتي الدراسة من المستوى الثاني وهو الافضل كذا تصير مدة دراستك 6 اشهر بدل 8 لانو المستوى الاول للمبتدئين الي مره ماعندهم شي باللغة الانجليزية

والمدرسين الي بالمعهد مرة كويسين وكلهم من بلدان ناطقة بالانجليزيه وانا عن نفسي جدا استفدت من الدراسة بالمعهد ومستوايا صار احسن

[الله اكبر]

مي يبدا التسجيل وهل حاليا متاح التسجيل

[ديزاين]

هل الدوره حتبدا برمضان اللي عنده فكره ياريت يقول ... وكيف المقابله الشخصيه ؟

[الله اكبر]

ردو علينا

[QLQ20]

بخصوص المعهد اختصارا للوقت والجهد اتصلي على رقمهم واستفسري .اعتذر منك لي فترة مقطوع عن المعهد والمعهد ماشاء الله دايم في تطور مستمر وتحديث للاانظمه وبالتوفيق لك :)

[فندام]

المشاركة الأصلية كتبت بواسطة الله اكبر ردو علينا

الافضل تتصلي بالمعهد وتستفسري منهم عشان تاخدي العلم الاكيد رقم الاتصال 6647993 تحويلة 3100 او 3101

[فندام]

المشاركة الأصلية كتبت بواسطة ديزاين هل الدوره حتبدا برمضان اللي عنده فكره ياريت يقول ... وكيف المقابله الشخصيه ؟

برمضان مافي دراسة بالمعهد رمضان اجازة بالنسبة للمقابلة الشخصية حتتوجهلك عدة اسئلة مثل ايش وظيفتك ايش اهدافك المستقبلية بس اهم سؤال حيكون ايش هدفك من تعلم اللغة الانجليزية لازم اجابتك تكون انو متطلبات العمل هي الي يتفرض عليا ضرورة تعلم اللغة الانجليزية في المرة الاخيرة كل المتقدمين الي كانت اجابتهم على هذا السؤال تتمحور حول هذي النقطة انقبلو والي اعطو اجابات اخرى تم استبعادهم ولو كنت لسى ماتوطفتي قولي انو رغبتي بالصول على وظيفة هو السبب الي يدفعني لتعلم اللغة الانجليزية
وعشان تعرفي ادا كان فيه تسجيل او لا الافضل تتصلي بالمعهد وتستفسري منهم رقم الاتصال 6647993 تحويلة 3100 او 3101

[beto5311]

السلام عليكم

متى يبدا التقديم في المعهد مره ثانيه ؟؟؟