تجمع صيادلة دفعه 10 >> تساؤلات >>نقاشات

[Jodah]

المشاركة الأصلية كتبت بواسطة عاشقة الزهور مشكورين على الردود مرة ارتحت مشكورة jodah وسوما وانا كمان كانت حلمي وخفت ماأنقبل فيها بس حمدالله قبلونا وحابه أسال كم طالبه في الكلاس ؟

تقريبا 60

عدد حلو

و وقت المعامل تنقسموا لقروبين كل قروب 30 طالبة

[مشمشانا]

^ـــــــــــــــــــــــــــــــــــــ^

البطاااقاات من وين نغيرهاااا

من المجمع الطبي ولا من الجامعة نفسها ؟

[sooma]

المشاركة الأصلية كتبت بواسطة مشمشانا ^ـــــــــــــــــــــــــــــــــــــ^ البطاااقاات من وين نغيرهاااا من المجمع الطبي ولا من الجامعة نفسها ؟

هلا مشمشانا


البطاقات بعد تقريبا شهر او شهرين من الدراسة راح يبلغوكم انكم تروحو للعمادة في شطر الطالبات علشان تغيروها .. ويجيبولكم باص يوديكم ويجيبكم :)

[as3d214]

عندي سوال احنا درستنا في النهاية لطلاب جامعة الملك عبدالعزيز

نصير ايش ؟ ؟

صيدلي اكلينيكي ولاصيدلي حاف


لاني اعرف انو الصيدلة الاكلينيكية يبغالها تكملة دراسه

ياريت تفيدوني

[ميعاد]

عــندي سؤال للصيدلآنيـآت الجدد..

حتروحوا للدوره المصطلحــآت الطبيه , ولالا...؟

ومتى وقت التسجيل..

مااينفع اروح من دون مااسجــل , .

[sooma]

عزيزتي مشمشانا البطاقات بعد ما تبدأ الدراسة بشهر او شهرين

الشؤون التعليمية بكليتنا راح تقوللكم روحو العمادة في شطر الطالبات
لتغيير البطاقة وحيوفرولكم باص يوديكم ويجيبكم :)

[pharma D Asooom]

السلام عليكم ورحمه الله وبركاته
مبررررروك لنا دخولنا الصيدله والله انا ماكنت مقتنعه بس انتم حمستوني وخلتوني اقتنع من خلال ردودكم يارب نصير احلى قروب
وانا كمان مع مشمشانا ابي اعرف من وين نجدد البطايق

وكمان عن دوره المصطلحات يحق لنا نسجل ؟؟؟
بليز اللي بتسجل بالدوره ترفع يدها >> بشوف كم وحده بقابل من صحباتي الجدد بالدوره

[مشمشانا]

المشاركة الأصلية كتبت بواسطة pharma d asooom السلام عليكم ورحمه الله وبركاته مبررررروك لنا دخولنا الصيدله والله انا ماكنت مقتنعه بس انتم حمستوني وخلتوني اقتنع من خلال ردودكم يارب نصير احلى قروب

اتحمسي اتحمسي اكثر وان شاء الله نسير احلى قرووووووووووووووووووب

بالنسبة للاقتناع انا متاكدة انو لو اديتي الكلية شوية وقت راح تحبيها
وتحمدي ربك انو انقبلتي فيها ^ـــــــــــــــــــــــــــــــــ^

الحمد لله انا جبت نسبة تدخلني طب الاسنان بس رغبتي كانت وما زالت الصيدلة
صح اخويا و عماني و ناس كثير اعرفهم قالو ليه دخلتي صيدلة وانتي تقدري تدخلي الطب
و الناس اللي جايبة اقل منك دخلتو بس انا مقتنعة بالصيدلة واحس انو دا المجال اللي حابدع فيه

حبيت اوضح لك و لبعض البنوتات اللي دخلو الصيدلة مو باقتناع
انو الكلية دي جدا رائعة انا بقرا عنها من 6 سنوات تقريبا و ابغاها
بس المشكلة انو كثير كثير حاطين عنها فكرة سيئة بس اللي لازم تعرفوه
انو لو دخلتي وانتي كاره شي حتعملي حاجز بينك وبينو بس لو دخلتي بحماس
راح تبدعي وتنمدجي و تكسري كل الحواجز نصحية مني اقراي عن المجال بس دائما دوري الايجابيات

آسفة على الاطالة بس حبيت اوضح وجهة نظري

[Jodah]

المشاركة الأصلية كتبت بواسطة مشمشانا اتحمسي اتحمسي اكثر وان شاء الله نسير احلى قرووووووووووووووووووب بالنسبة للاقتناع انا متاكدة انو لو اديتي الكلية شوية وقت راح تحبيها وتحمدي ربك انو انقبلتي فيها ^ـــــــــــــــــــــــــــــــــ^ الحمد لله انا جبت نسبة تدخلني طب الاسنان بس رغبتي كانت وما زالت الصيدلة صح اخويا و عماني و ناس كثير اعرفهم قالو ليه دخلتي صيدلة وانتي تقدري تدخلي الطب و الناس اللي جايبة اقل منك دخلتو بس انا مقتنعة بالصيدلة واحس انو دا المجال اللي حابدع فيه حبيت اوضح لك و لبعض البنوتات اللي دخلو الصيدلة مو باقتناع انو الكلية دي جدا رائعة انا بقرا عنها من 6 سنوات تقريبا و ابغاها بس المشكلة انو كثير كثير حاطين عنها فكرة سيئة بس اللي لازم تعرفوه انو لو دخلتي وانتي كاره شي حتعملي حاجز بينك وبينو بس لو دخلتي بحماس راح تبدعي وتنمدجي و تكسري كل الحواجز نصحية مني اقراي عن المجال بس دائما دوري الايجابيات آسفة على الاطالة بس حبيت اوضح وجهة نظري

احب الحماااااااااااااااااااااااااس ان شاء الله دايما كدا

كان دكتور خالد اللهيبي من الدفعة اللي قبلنا يقلنا الحماس هو الوقود اللي حتشتغلوا بيه

ما ابغى اطلع كل الكلام اللي عندي لأني ناوية ان شاء الله اعملكم موضوع منفصل وفيه باذن الله الانجازات الخاصة بدفعتنا وصدقوني مررررة حتتحممسوا لمن تشوفوه ان شاء الله

[sooma]

المشاركة الأصلية كتبت بواسطة pharma d asooom السلام عليكم ورحمه الله وبركاته مبررررروك لنا دخولنا الصيدله والله انا ماكنت مقتنعه بس انتم حمستوني وخلتوني اقتنع من خلال ردودكم يارب نصير احلى قروب وانا كمان مع مشمشانا ابي اعرف من وين نجدد البطايق وكمان عن دوره المصطلحات يحق لنا نسجل ؟؟؟ بليز اللي بتسجل بالدوره ترفع يدها >> بشوف كم وحده بقابل من صحباتي الجدد بالدوره

نعم أعتقد لانكم في حاجتها وحتكون فقط مصطلحات طبية من الجامعة

جاكي مسج عنها في الجوال ؟؟

انا سمعت انه في بنات من كلية الاسنان سجلو فيها
وانا أقللك روحي واستغللي الفرصة

وان شاءالله فيه دورة ثانية من أجتهاد بنات سنة ثالثة طب والاطباء المبدعون ( سنة خامسة طب ) لسه ما نزل اعلانها حتكون دورة شاملة مقدمة عن جميع المواد الطبية الاساسية بالاضافة الي المصطلحات الطبية