بنات الدراما وشكسبير مع د.عمر

[LAURA H]

لا أنا حذفتها خلاص,,

[ابله ميمي]

السلام عليكم
انا بديت اذاكر الملزمه بس بليز للي عندهم خبره Wedooهل لازم اقرا المسرحية ولا لازم الملزمه لان school for scandol مررررره كلماتها وجعت راسي بليز دليني
واحلى الاماني لاتنسينا من نصايحك

[ام حمدان]

يعني ايش الي صار معاكي ياود بالضبط حذفتي دراما وشكسبير ولا لا ؟ طمنيني

[wed0o0]

المشاركة الأصلية كتبت بواسطة ام حمدان يعني ايش الي صار معاكي ياود بالضبط حذفتي دراما وشكسبير ولا لا ؟ طمنيني

لا اللي انحذف السوسيو وشكسبير تقول مايصير اخذه وانا لسه مااخدت مقدمة في الادب

قهررررر كنت مخلصة اول قصة :تاجر البندقية وبادئة في التانية

استغربت كيف طيب خلولي الدراما وانا مااخدت الادب!!!؟ بس سكت ومافتحت فمي عشان مايحذفوها كمان

اما الادب اللي هم اضافوه من عندهم قلتلها تحذفه لاني ماادري شي عن المنهج الجديد ومايمديني اذاكره , وكتبتلها بياناتي في ورقة الحذف والاضافة وقالت خلاص حاحذفلك هي.. وللآن مااتحذفت

[LAURA H]

الله يهديهم بس..
ربي يعينك يا ود..

[wed0o0]

آمييين يالورا

تصدقوا كنت متحمسة للمذاكرة اول بس بعد اللي سار كسلت .. نفسي اذاكر واخلص لان الوقت بيمضي لكن مدري ليه حاسة بيأس لي 3ايام اذاكر في الملزمة بس صفحتين!! .. الكلام واضح ومفهوم بس مدري اجلس اقرا الصفحة مرتين و3 واسرح وبالي هنا وهنا



الله يعين

[ام حمدان]

هههه شوفوا بالله يعني النظام حبك معاه شكسبير والدراما عادي ماعنده مشكله معاها صراحه نظام تحفه




الله يعينك ويعين الجميع وهالتصرفات العشوائيه الغير مراعيه لظروف الطلبه لازم نلقى لها حل ماراح نسكت بس خلي امتحانتنا تخلص على خير ونفرح بنجاحنا وماراح نسمح لتصرف مثل هذا يتكرر ماراح نخلي احد مانشتكي له من الي يصير

[wed0o0]

مين اللي حيسمعلنا؟!!

[majed_123]

المشاركة الأصلية كتبت بواسطة wed0o0 مين اللي حيسمعلنا؟!!

افااااا من يسمعك والله فيه من يسمعك , رب العباد وقريب جداً , ارفعي امرك لية يجيك الفرج باذن الله شدي حيلك وخلي الكسل ,,,,,,,

تحياتي

[wed0o0]

ونعم بالله

والله جلست ابكي لما حذفولي المادتين..قلت انا متى حتخرج من الجامعة اذا كل شوية يطلعولنا بشغلة

اول سنة غيرو الخطة الدراسية وزادت كم مادة

وبعد كدا مواد واستاذات اللــــــــــــــــــه يجازيهم من عندهـ .. افتكر وحده قالت ماحتجيب شي من الكتاب
وجانا سؤال صفحتين او 3 من الكتاب

واللي نكون متأكدين من اجاباتنا ومن نجاحنا وبعدين ناخد 60 ويمكن تكون اهون من الf ال 60 صرت افرح لما اشوفها

وهذه السنه غيرو المناهج ..ياليت شي جديد وممتع ومن عصرنا..لا.. مناهج قدييييييييييييييييمة بس اسمه انهم غيروا المناهج

ودحين هذه المشكلة واللعب في جداول البنات بدون مايراعو الوقت والضغط اللي صار وقت الدورة والمذاكرة بعدها.. دحين لماقربت الاختبارات يحذفوا ويضيفو بكيفهم وبدون انذار وخبر!

لما رحت الجامعة دخلت على وحدة استاذة او مشرفة او ماادري اش وظيفتها ابا اسألها عن وحدة..اقولها السلام عليكم..ماترد!!.. قلت يمكن ماسمعت..السلام عليكم "مرة ثانية" .. ماترد!!

قلت لو سمحتي فين الاستاذة فلانه.. رفعت عينها كأنها بترفع جبل وكأن اللي قدامها مو انسان !!.... ياناس : القاء السلام سُنة , ورد السلام واااااااجب

ليش هذه المعاملة والاحتقار هذا.. يقولوا اتعاملو برُقي انتو طالبات جاااامعة.. طيب انتو استاذات وموظفات في الجامعة



حسبي الله ونعم الوكيل

الظلم ظلمات يوم القيامة

حسبي الله على كل اللي يقصد الظلم والتهاون في حقوق الطلاب والطالبات


سامحوني ع الاطالة بس والله اللي بيصير فينا موقليل

الله يهونها ويسهلها علينا يــــــــــــــــــــــــــــــــــــــــارب