أجمل تضحيه" وأقوى قرار اتخذته " ,رغم التحديات ! رأيكم ؟

[ابو ناهد]

أخوي زمان يافن أنا اشد المعجبين بتجربتك اللي اعتقدها بإذن الله ناجحة،،،،
أنا شخصياً أريد الاستفادة من تجربتك ووضعي مشابه جداً لوضعك وأريد أن استفيد منك واخوض نفس المغامرة ياليت تشرح لي كيف الطريقة وإذا فيه وسيلة للاتصال للتواصل معك أكون لك من الشاكرين.
طبعاً خريج ثانوي 1428
موظف قطاع خاص
خلصت الترم الأول من الجامعة خطه أ
معدلي فوق4
آسف على الازعااااج وانتظر ردك

[SupervisorHHA]

المشاركة الأصلية كتبت بواسطة زمان يافن السلام عليكم ورحمة الله وبركاته (((أشجع قرار )) انا ولله الحمد انهيت السنه التحضيريه ومعدل لا بأس به (انتساب),,,, والان اريد ان احول الى جامعه اخرى انتظام وتخصص انقلش بإذن الله ! سنة تخرجي من الثانويه 1426,,, {{ علما بانني موظف وقدمت استقاله واريد اكمال الدراسه انتظام رغم التزاماتي الماديه $ طبعا اخذت حقوقي $ (ورفضوا اعطائي موافقه لاكمال دراستي انتساب تخصص انقلش )وغامرت بترك الوظيفه لانني ارغب بالحصول على شهادة البكالوريوس علما بان راتبي في وظيفتي تقريبا 9500 ريال , لكن طبيعة العمل مشقه وجهد بدني وياخذون من وقتي الكثير طبعا درست عندهم دبلوم وبعدها توظفت لكن ماحصلت على شهادة دبلوم يعني موظف عندهم بمسمى ثانوي, لكن اريد ان اشتري راحتي ومستقبلي ايضا ! وارجوا منكم الدعاء لي بالتوفيق ! {{مارأيكم ,, لكن بدون تجريح }}

اول شي الجامعه والشهاده شي ضروري في الحياه وطلب العلم من المهد الى اللحد والله يوفقك في دراستك وحياتك
ثاني شي صدمتني يوم قلت راتبك 9500 وثانوي
انا خريج دبلوم من الجامعه وتدريب مع اكبر الشركات وخبره 10 سنوات والحمدلله راتبي باقي ماوصل لراتبك لكن نعمه وفضل من ربي ولله الحمد
لكن الخيره فيما اختاره الله شد حيلك وإن شاء الله تكون فرصك في الحياه افضل وظيفيا وتعليميا
دعواتي لك بالتوفيق والسداد في دراستك
والله يوفق الجميع

[زمان يافن]

المشاركة الأصلية كتبت بواسطة ابو ناهد أخوي زمان يافن أنا اشد المعجبين بتجربتك اللي اعتقدها بإذن الله ناجحة،،،، أنا شخصياً أريد الاستفادة من تجربتك ووضعي مشابه جداً لوضعك وأريد أن استفيد منك واخوض نفس المغامرة ياليت تشرح لي كيف الطريقة وإذا فيه وسيلة للاتصال للتواصل معك أكون لك من الشاكرين. طبعاً خريج ثانوي 1428 موظف قطاع خاص خلصت الترم الأول من الجامعة خطه أ معدلي فوق4 آسف على الازعااااج وانتظر ردك

هلا وغلا اخووي :
- انهيت السنه التحضيريه وبعدها اخذت كشف درجات معتمد ومختوم من عمادة القبول والتسجيل بالجامعه.
- بعدها ذهبت الى الجامعه اللي ابي انقلها وسجلت بياناتي مع معروض,طبعا وقتها كانوا فاتحين موعد التحويل والنقل وغيره واعتقد كان بنهاية شهر 7 !
-وانتظرت وكنت اراجعهم بإستمرار ولما طلعت النتيجه قبلوني عندهم انتسااب فقط السبب تاريخ تخرجي من الثانويه مضى عليها ست سنوات, وحاولت معهم وقلت لهم اني يوم سجلت بجامعة الملك عبدالعزيز كان لي خمس سنوات من تاريخ تخرجي من الثانويه وقدمت وكتبت معروض جديد وكنت بإستمرار اراجعهم حفظوا وجهي, بعدها وولله الحمد تم قبولي.
-الخطوه اللي بعدها بعد ماتم قبولي حذفت الترم عندهم , عشان استقيل من العمل واضبط وضعي.
- قدمت استقالتي من العمل ولازم اداوم عندهم وقتها , وبعد شهر تم الموافقه على طلب الاستقاله !!
-بعدها رجعت وكملت الترم الثالث والان انا ولله الحمد الترم السادس !!
((للمعلوميه : المعدل اللي من الجامعه السابقه ما يحسبونه لك , تبدأ بمعدل جديد وهذا من مصلحتك , يعادلون لك المواد وتكمل ))
(( ولاتنسى تاخذ وصف للمقررات جميعها السابقه عشان يعادلون لك المواد اللي درستها ))

بالتوووفيق تقبلوا تحياتي,,,,

[بــنــت الــوطــــن]

وعليكم السلام ورحمة الله وبركاته

اول ماشفت قراركـ صرت متوسطه لا مع ولا ضد بس ماشاء الله مشيت بالدراسه وعندكـ عزيمه واصرار

شهادة البكالوريوس مرغوبه بهالزمن وبالقادم راح يكون الدكتوراه والماستر ارغب بكثير من البكالورويس

وماشاء الله الحين انت مستوى سادس مقبل عالتخرج الله يوفقكـ وتتخرج بمعدل عالي وتلقى وظيفه احسن من اللي تركتها ومبرووكـ المولوده

[زمان يافن]

المشاركة الأصلية كتبت بواسطة بــنــت الــوطــــن وعليكم السلام ورحمة الله وبركاته اول ماشفت قراركـ صرت متوسطه لا مع ولا ضد بس ماشاء الله مشيت بالدراسه وعندكـ عزيمه واصرار شهادة البكالوريوس مرغوبه بهالزمن وبالقادم راح يكون الدكتوراه والماستر ارغب بكثير من البكالورويس وماشاء الله الحين انت مستوى سادس مقبل عالتخرج الله يوفقكـ وتتخرج بمعدل عالي وتلقى وظيفه احسن من اللي تركتها ومبرووكـ المولوده

الله يبارك فيك بنت الوطن .... وعقبالكم جميعاً .... !

نعم بعد البكالوريوس إن شاء الله أكمل الماستر والدكتوراه بإذن الله ....... !!
بالتوفيق للجميع تقبلوا تحياتي ,,,,

[ابو ناهد]

معليش أخوي زمان كثرت عليك بس لعلي استفيد وأفيد غيري انت بتكمل 3سنوات فقط بعد التحضيرية اللي كانت انتساب
وبصراحة وش الجامعة اللي قبلتك
الله يوفقك دنيا وآخرة
By the way I like your try

[زمان يافن]

هلا وغلا ابو ناهد
نعم بعد ما وافقوا تم معادلة المواد ,,, وبديت من السنه الثانيه انتظام وبمعدل جديد والان باقي لي السنه الجايه واخلص انشاءالله !
طبعا الجامعه اللي رحت لها هي جامعة الحدود الشماليه للاسباب كثيره منها ... :
- جامعه ناشئه ... يعني في امور يتغاضون عنها مثل تاريخ التخرج من الثانويه.
- خطة التدريس بالجامعه نفس خطة التدريس بجامعة الملك عبدالعزيز ( يعني السنه التحضيريه نفس المواد والخطه بالضبط ) عشان كذا عادلوا لي المواد وبديت سنه ثانيه !!
تقريبا خطة كلية الاداب قسم انجليزي مشابهه لجامعة الملك عبدالعزيز مع اختلاف المواد العامه مثل مقدمة في العلوم الطبيعيه لاتوجد بجامعة الحدود الشماليه ... !!

وأي استفسار انا حاضر ....
بالتوفيق للجميع ,,,

[زمان يافن]

السلام عليكم ورحمة الله وبركاته
كما وعدتكم راح يتم تحديث الموضوع حتى تخرجي !!!
ولله الحمد والمنه الان باقي لي 32 ساعه عن التخرج الترم السابع 17 ساعه والثامن 15 ساعه بمشيئة الله !!! وتم رفع المعدل الى 4.55 (ماشاءالله تبارك الله )
ابشركم تم التقديم على معهد رياده ( فرع لبنك التسليف ) وذلك لفتح مشروع تجاري والحمدلله تمت الموافقه عليه , والان باقي اللمسات النهائيه لفتح المشروع !!
ارجوا منكم الدعاء لي بالتوفيق والسداد ....
واسأل الله العلي القدير أن يوفقكم وييسر لكم دراستكم وعقبال اعلا المراتب بإذن الله ...
تقبلوا فائق احترامي

[زمان يافن]

السلام عليكم ورحمة الله وبركاته
كما وعدتكم راح أحدث موضوعي بإستمرار
أبشركم الأن باقي لي شهر وكم يوم تقريباً واتخرج و المعدل ثابت ولله الحمد والمنه
وعديت اختبار كفايات المعلمين
ياسرررع الأيام <<<<< 😊
مغامرة جميلة وشاقة << استفدت منها الصبر وعدم اليأس وتعلمت منها الكثير والكثير !!!!
اللهم لك الحمد حتى ترضى ولك الحمد اذا رضيت ولك الحمد بعد الرضى ولك الحمد على كل حااااال

[سليطين9]

ما شاء الله تبارك تعالى..
الله يوفقك في حياتك العلمية والعملية عقبال الماستر والدكتوراه بإذن الله
بصراحة موضوعك اليوم قرأت من البداية إلى النهاية ..
موضوع من عام 2011 وصلنا لعام 2014
أتخيلت كأنني أتفرجت مسلسل وصلت للحلقة ما قبل النهاية ..
وكمان اتخيلت في بداية الموضوع وجهك مرهق وكاره العمل ومتحير وبتغامر بترك العمل
والآن وجهك مبتسم ومبسوط وعدى عليك المشقة الدراسية ومنتظر التخرج بشغف وعندك مشاريع مستقبلية .