{ إجتمــاع طلآب و طآلبات ,, StAt 210}

[Smaile]

^^^^^^
كلامك صح وانا قد نزلت موضوع اسال نفس سؤال بسومة بس اصلا تبان المادة اللي الواحد منجد يواجه صعوبة فيها واللي مجرد كسل
والله لو تدرسني استاذة تفهم كان ماجيت ولا طلبت من احد يشرحلي او يحللي وغير عن كدا انا حاطة في بالي انه اذا كنت اخد من احد شي مثلا زي مادة الاحتمالات رح احاول اساعد اي احد في الحوسبة والبرمجة لاني فاهمته
انما الاعمال بالنيات وماشاءالله محد رح يكون زي الاستاذ احمد طول عمره وهوا يحل ويساعد ومحد يعطي في المنتدى كثره ولا سال كذاب او لا لكن قال اللي مايحل واجباته بنفسه رح يجي وقت الاختبار وينخسف لانه ماكان يحاول فكدا كدا اللي كان يكذب على قولتك هوا الخسرا
حبيبتي نحترم وجهة نظرك وقد يكون فيها شي من الصحة وابدا ماننسى فضلكم انت واسوم بعد الله في فهمي لشابتر ون جزاكم الله الف خير

[CrEaTiVe4ever]

المشاركة الأصلية كتبت بواسطة smaile ^^^^^^ كلامك صح وانا قد نزلت موضوع اسال نفس سؤال بسومة بس اصلا تبان المادة اللي الواحد منجد يواجه صعوبة فيها واللي مجرد كسل والله لو تدرسني استاذة تفهم كان ماجيت ولا طلبت من احد يشرحلي او يحللي وغير عن كدا انا حاطة في بالي انه اذا كنت اخد من احد شي مثلا زي مادة الاحتمالات رح احاول اساعد اي احد في الحوسبة والبرمجة لاني فاهمته انما الاعمال بالنيات وماشاءالله محد رح يكون زي الاستاذ احمد طول عمره وهوا يحل ويساعد ومحد يعطي في المنتدى كثره ولا سال كذاب او لا لكن قال اللي مايحل واجباته بنفسه رح يجي وقت الاختبار وينخسف لانه ماكان يحاول فكدا كدا اللي كان يكذب على قولتك هوا الخسران حبيبتي نحترم وجهة نظرك وقد يكون فيها شي من الصحة وابدا ماننسى فضلكم انت واسوم بعد الله في فهمي لشابتر ون جزاكم الله الف خير

صحيح كلامك ..

وجزاك الله خير على ردك .. أحرجتيني صراحة ..

الإعتذار مو عيب فأعتذر من الجميع .. بس كان شيء بداخلي وطلعتو ..

الله يوفقك و يوفقكم جميييعاً ..

:)

[CrEaTiVe4ever]

نجي نكمل شرحنا ياحلوين <<محد لو نفس بعد ردي الجارح :S

نبدأ بسكشن 4.2 :

عنوان السكشن [ some simple proposition ] <<بعض الفرضيات البسيطة ..

السكشن مررررررررة سهل كلو قوانين ونطبق عليها ..

نبدأ بأول فرضية بس قبلها نوضحها شويتين ..
بيقولنا لأي حادثة E والمكملة E^c هما دائماً حادثتين متناقضتين ( واحنا عرفنا اش هيا الحوادث المتناقضة ) ..
حنقول انو اتحاد EUE^c = S

وهذا يوضح [axiom 2- 3 ]
1=P(S)=P(EUE^c)=P(E)+P(E^c)a
^^
نجي نفصلها :
زي ما قولنا الإتحاد \ الإتحاد \ السيمبل سبيس
كالجمع تماماً \

[F,E,E1....En any events - then :l ]
^
لنعتبر F,E,E1 ...الى En اي حوادث :

[Proposition 4.1] ا..

P(E^c) =1-P(E)a

^
قانون المكملة ..

مثــــال ع الفرضية :
لو احتمال ظهور الـH عند القاء قطعة نقود عدة مرات =3/8
فما هو إحتمال ظهور الـ T =؟!

حنجيب المكملة لها اللي هيا من 4.1
=1-3/8=5/8

ومجموعهم = فراغ العينة [ SIMPLE SPACE] ..

نجي لـ 4.2:

نقول لو عندنا الحادثة E والحادثة F ..
وبإعتبار أن الحادثة E هيا جزء من الحادثة F .. هذا يعني أن الحادثة F هيا أكبر من الحادثة E ..

مثــــــــــــــــال عليها : [ الأمثلة من تخريفي ]
نقول أنو الجبنة جزء من السمبوسة بالجبنة <<البنت جيعانة خخ
يعني بإفتراض انو الجبنة E والسمبوسة F
فبالطبيعي انو تكون السمبوسة أكبر من الجبنة ..

مثــــــــــــــال آخر :
نقول إنو بإفتراض ان الصفحة E والكتاب F
هذا يعني ان الـE جزء من الـF ..
وإن الـF أكبر من الـE ..

وهذا يوضح لنا الـ 4.2 ..

طيب نجي لـ 4.3 :
الفرضية دي توضحلنا العلاقة بين التقاطع و الإتحاد ..
كيف ؟!
تعالو نشوف ..

إذا فاكرين الرسومات اللي في صفحة 27 .. بالزبط رسمة A -B
منها حنفهم دي الفرضية ..

إعتبرو ان الـ F هيا دائرة O
والـ E دائرة تانية O
والـ ( EF ) هيا OO فلما نجمع الـ F مع الـ E حيسير عندنا منطقة حسبناها مرتين وهيا الجزء المظلل في رسمة B ونفس دا الجزء هوا التقاطع .. فنطر نطرحو [ نستبعدو ] ..
ليش؟!
لأن لو ما استبعدنا يسير أنا جمعت دي المنطقة مرتين .. وهذا خطأ ..
حيطلع نتيجة احتمالنا خاطئة ..
فهمتو؟!

نجي لمثال 4a حيشرحلنا دي الفرضية :

بقولنا انو بنت اسمها [J] أخذت كتابين معاها في إجازتها ..

وبيقول انو احتمال انها تحب كتابها الأول = 0.5
واحتمال انها تحب كتابها التاني =0.4
واحتمال انها تحب الإتنين مع بعض = 0.3

فما هو احتمال انها ماتحب ولا واحد منهم =؟!

حنقول انو احتمال انها تحب على الأقل واحد منهم يساوي ..

P(B1 U B2 )= P(B1)+P(B2)-P(B1B2)=.5+.4-.3=.6

ولأنو طلب مننا انو نجيب احتمال انها ماتحب ولا واحد منهم حنجيب المكملة للنتيجة اللي جبناها ..

1-0.6=0.4
وهو المطلوب ..

Proposition 4.4

هادي الفرضية توضحلنا انو نقدر نعمل اتحاد لعدة حوادث E,F,G...n من الحوادث ..
وهذا بقانون التوزيع اللي أخذنا نهاية صفحة 26 ..

وموجودة بالكتاب ص 34 ..

وتعرف بفرضية inclusion - exclusion identity

توضيح : هادي العملية (n/r) هيا نفسها (nCr) يعني توافيق ..

واللي مو عارف مثلاً يفرق بينها يعني كيف أعرف الـn في المسألة من الـ r حنقول انو داااائماً الـ n أكبر أو تساوي الـ r وعمرها ماجات أصغر منها ..

وحنتعرف عليها لما نحل مسائل أكثر قدام بإذن الله ..

2.5 .. Sample space having equally likely outcomes

من الطبيعي أن نعتبر أن كل النتائج في فراغ العينة متساوية في فرص الظهور ..

ولنقل أن S={1,2...N}a

P(1)=P(2)=P(N)a
^
^^
هذا يعني أن فرصة ظهور الإحتمال 1 هي نفس فرصة ظهور الإحتمال 2 إلى N من الإحتمالات ..

واحتمال الحادثة 1
P(1)=1/N إلى N

واحتمال حدوث أي حادثة
P(E)1= عدد النتائج في الـE/عدد النتائج في الـS


وبالتطبيق :
مثــــــــــــــــال 5A :

أستاذتنا أضافة حالتين زيادة وقالت عشان تعرفو تحلوها في كل الحالات وتمرنو نفسكم أكثر فتعالو نشوفها مع بعض :) ..

فحأكتب الحالتين وأترجم المثال ..

أولاً المثال اش بيقول ؟!
بيقول انو لو رمينا حجرين نرد ماهو احتمال انو مجموع النتيجتين من من الحجرين يساوي الـ 7
دا اللي في المثال ..

الإضافة حنسميها فقرة A
[The points on the upturned faces are be equal

النتيجة من الأوجه المقلوبة لكلا الحجرين متساوية ..

فقرة B :
[The multiplicatian of upturned faces will equal 12

نتيجة ضرب الأوجه المقلوبة لكلا الحجرين يساوي 12

نجي نحل المثال

E={(1,6),(6,1),(2,5),(5,2),(3,4),(4,3)}a
P(E)=6 >>> P(E)=6/36

فقرة A

B= {(1,1),(2,2),(3,3),(4,4),(5,5),(6,6)}a
P(B)=6 >>>> P(B)=6/36=1/6

فقرة B

C= {(2,6),(6,2),(3,4),(4,3)}a
p(c)=4 >>> p(c)= 4/36 =1/9

مثــــال 5b :
بيقول انو لو 3 كور سحبنها عشوائياً من صندوق يحتوي 6 كرات بيضاء و5 سوداء ..

فما احتمال انو تكون وحدة بيضاء واثنتان سوداء ..

نجي نحلها ..
عندنا طريقتين للحل [1]..

P الاحتمال= عدد طرق الإختيار المطلوبة /عدد الطرق الكلية ..

مجموع الـ 6+5=11
واللي حنسحبها 3 ..

اذاً عدد الطرق الكلية يساوي 11C3

احتمال ان وحدة بيضاء من 6
و2 سوداء من 5
اذاًعدد طرق الإختيار المطلوبة = 6C1 ×5C2

ونحطها البسط ع المقام وتطلع معانا ..

الطريقة الـ[2] ..

A={WBB,BWB,BBW}a

يا حتكون الأول بيضاء والثانية سوداء سوداء
ياسوداء بيضاء سوداء
ياسوداء سوداء بيضاء ..

فحنقول
6×5×4
=120
يالأولى ياالتانية يالتالتة ..
5×4×3
=120
نفس الشيء
5×4×3
=120
والكلية اللي هيا 3 مرات للسحب
11×10×9
=990

120+120+120
÷
990

وحيطلع الناتج معانا :) ..


مثــــــــــــــال 5c :

بيقولنا لجنة تتكون من 5 أعضاء ..
ويتم اختيارها من مجموعة مكونة من 6 رجال و9 نساء ..
فما هو احتمال ان تتألف اللجنة من 3 رجال و امرأتين ؟!

حنعمل نفس الطرق السابقة ..

6C3×9C2/15C5
=240/1001

مثال 5L:

بيقول انو مجموع أعضاء لاعبي التنس بنادي يساوي 36 ..
و28 لاعبي سكواش ..
و18 لاعبي تنس كرة الريشة ..
وأضف إلى ذلك .. 22 من الأعضاء يلعبون التنس والإسكواش .. 12 يلعبون التنس والريشة ..
و9 يلعبون كلا السكواش وتنس الريشة .. و4 كل هذه الرياضات ..

فكم عدد الأعضاء في هذا النادي يلعبون على الأقل لعبة واحدة من هذا الرياضات ؟َ

هذا المثال جمعلنا كذا قانون وفرضية .. منها 4.3 صـ32 و 4.4 صـ34

نقدر نمثلهم بالرسم اذا احتجنا نفهم أكثر [رسم الدوائر واستبعاد التداخل ]..

خلونا نعتبر الـ N عدد الأعضاء في النادي sample space ..

ونقول
T=tennis
S=squash
B=badminton

n(T)=36 , n(TS)=22
n(S)=28 , n(TB)=12
n(B)=18 , n(SB)=9
n(TSB)=4

P(T U S U B)=P(T)+P(S)+P(B)-P(TS)-P(TB)-P(SB)+P(TSB)=36+28+18-22-12-9+4/N
=43/N

اذاً 43 هو عدد الأعضاء بالنادي اللذين يمارسون رياضة واحدة على الأقل ..

طيب نجي لسكشن 2.6 :
هنا الخلاصة اما أن تكون الحوادث سلسلة تزايدية أو تناقصية ..

هذا يعني الـ Proposition 6.1

وموجود في الكتاب صـ 49 ..

ومالقيتلو مثال عشان نفهمها أكثر فاللي عندو لا يقصر :) ..

طيب .. هنا وصلنا لنهاية التشابتر 2 بحمد الله وتوفيقه ..

أتمنى اني أكون ساعدكم لو بشي بسيط ..
وأتمنى انكم تسامحوني على كُـــــــــــــل شيء أزعجكم مني ..
أوأخطأت أو قصرت فشرح نقطة معينة .. ما أنا الا بشر أُخطئ وأصيب ..

وبإذن الله حنزل مسائل الباب اللي معانا .. ومسائل خارجية للتطبيق على كل جزئية عما قريب ..

هذا قد قلت ما قلت ان صواباً فمن الله .. وإن خطأً فمن نفسي والشيطان ..

مُوفقيــــــــــــــــن حبايبي

[جلنـــار]

creative

جزاكِ الله كل خير عزيزتي

مجهود تشكري عليه

الله لا يحرمك أجره

موفقه ياقلبي :)

[Smaile]

حبيبتي والله مشكورة ع الشرح ترى قلوبنا بيضة واحنا اخوات
ومستحيل انسى انك فهمتيني الاحصاء جزااااك الله خير والله اني اجلس استنى شرحك
اهم شي السمبوسة جوعتيني ^_^

[CrEaTiVe4ever]

المشاركة الأصلية كتبت بواسطة جلنـــار creative جزاكِ الله كل خير عزيزتي مجهود تشكري عليه الله لا يحرمك أجره موفقه ياقلبي :)

وجزاكِ ياعسل ..

ورد تشكري عليه

بارك الله فيك :) ..

تسلمي ياشوقر .. لنا ولكم والجميع يارب :)

المشاركة الأصلية كتبت بواسطة smaile حبيبتي والله مشكورة ع الشرح ترى قلوبنا بيضة واحنا اخوات ومستحيل انسى انك فهمتيني الاحصاء جزااااك الله خير والله اني اجلس استنى شرحك اهم شي السمبوسة جوعتيني ^_^

تسلميييييييي ..

من جد ..

وجزااااااك كُل خير ..

ههههههههه .. حياك ع العشاء سمبوسة جبنة << مع نفسك خخ

بالتوفيق ياعسل :) ..

[مهموم والله]

الله يعطيكي العافية كرريييتف على مجهودك المميز وربي لايحرمك الاجر

انا اخالفك في نقطة ذكرتيها سابقا بخصوص الاجتهاد وانه لو ذاكروا ماراح يكون فيه صعوبة ولا راح يحتاج لوضع اسئلة او من هالقبيل .

بالنسبة لي انا الحمدلله كل المواد من السنة الماضية في التحضيري درجاتي عالية فيها وكنت اذاكر واجتهد والحمدلله قدرت احقق الدرجات يلي كنت اتمناها الا الاحصاء المادة الوحيدة يلي كنت اكرف فيها وادخل الاختبار زي الاهبل بدون مبالغة .

لانه باختصار الاحصاء يعتمد على الفهم اكثر من التطبيق وهذه مشكلة اعاني منها خصوصا اي كلمة انجليزية مافهمتها بالسؤال ممكن تحله بشكل غلط فلاتعممي صدقيني فيه ناس يبذلو مجهود بس مو قادرين يفهمو هالمادة الغثيثة ..

اختبارنا يوم السبت الجاي وانا والله بدون مبالغة رغم مذاكرتي لو ادخل الاختبار بالشكل يلي انا فيه الان راح اخذ f بكل جدارة ..

مشكلتي كل مافهمت شرح الدكتور وقرأت شرحكم اروح اشوف الاسئلة احس كاني ماذاكرت شيء والله رغم انه الامثلة بالشرح حليتها صح بس يوم اذاكر الاختبار حق الدوري الاول السنة الماضية حسيت نفسي زي الاطرش في الزفة بسبب انه افكار الاسئلة مختلفة جدا ..

ماا اقول الا الله يستر يارب وان شاء الله نعدي الاحصاء والبرمجة على خير ونجيب كلنا الفل مارك باذن الله عزوجل ..

دُمتم بخير

[كوكو شانيل]

مآشآء الله تبآرك الله ،
يكفي إنك قآعدة تكتبي الشروحآت والدنيآ إختبآرـآت ..!

حآسة بيكي وبتعبك وإنتي بتكتبي والله

بس احتسبي أجرك

الله يسعدك ويوفقك ياارب ويديكي على قد نيتك إنتي وأسآمة ..~

صدقآ صدقآ أحووووبك ي بت

[مهموم والله]

يابنات ممكن تفيدونا بأوقات اختباراتكم ..

لانه نحن اختبرنا الثقافة يوم الخميس والاختبارات الباقية راح تبدأ من الخميس الجاي فما ادري لو انتو في هالاسبوع الجاي بتختبروا فأتمنى تفيدونا بطريقة الاختبارات خصوصا البرمجة لانه حاس نفسي مضيع فيها نبغى نعرف كيف نظام الاسئلة ومن هالقبيل ..

دُمتم بخير

[كوكو شانيل]

^

^

اختبآر الإحصآء يوم الإتنين اللي بعد الجآي

اختبآر البرمجة يوم التلوت الجآي

اختبآر الحوسبة أعتقد يوم السبت بس مو بكرـآ اللي بعدو

الأسآليب والثقآفة بعد الإجآزة بإذن الله

بالتوفيق ^^