قيمي استاذتك ...للطالبات

[gubruzzli]

السلام عليكم
تشكري علي الموضوع الجميل دا
اولا ..الي لاحضتو انو الحمدلله اغلب الاستاذات كانو رائعات ومتعاونات جدا جدا ...وكانو يسهلو لنا المنهج بطريقه سهله ورائعه ....وبعض المواد كنا نذاكرها من البوربوينت (السلايدات)وماكنا بحاجه لشراء كتب (بعض المواد)...
مادة القانون التجاري
للاستاذه الرائعه وحي لقمان جزاها الله كل خير كانت تحدد لنا المهم والمطلوب والاسئله كانت سهله الحمدلله بس طويله شويه 100 سؤال وتعرفو الماده كيف دسمه لكن كانت معاها سهله وممتعه
مادة تحرير كتابي(عربي)
للاستاذه خلود مطيري برضو الحمدلله سهله وكانت تعطينا المهم والمطلوب مع انو اغلب المحاضرات ماكانت مسجله..واسئلة الامتحان كويسه ومباشره
مادة اساسيات المحاسبه الماليه251
للاستاذه امال كانت المذاكره من البوربوينت والكتاب وكان شرحها جدا طيب لكن انا ما حبيت الماده دي والله يعديها ع خير يارب
برضو عندالدكتوره امال قدمه في ادارة اعمال
ماده مقدمه في نظم المعلومات
كنا نذاكرها فقط من البوربوينت للاستاذه سلمي بالرغم انو الماده دي كانت حلوه لكن انا للاسف ما اعطيتها حقها من المذاكره والاسئله كانت سهله للي ذاكر
ماده مقدمة في ادارة الموارد البشريه251
للاستاذه نسرين مع انو الكتاب كان يفجع وقريب 700 صفحه الا انها لخصت لنا وقالت لنا نذاكر من البوربوينت تبعها والحمدلله الاسئله كانت كويسه
وبالتوفيق للجميع يارب

آمال احمد حسن العمودي (( محاسبه ))

بالنسبة لي الاستاذه شرحها كان سريع والنقطه كانت تشرحها مره وحده في المحاضره وهذا الشيء كان مررره مزعجني .. واستعنت بمحاضرات الاستاذ عبدالله الاسكندراني وفادني جدا اكثر .. طبعا راجعت من محاضرات السنترا برضوا .. والاسئلة تقريبا مقبوله ..

اماني محمد يسلم كعدور (( تسويق ))


هي رائعه بس ماعطتنا محذوف من الفصول يعني في المفردات ماكان فيه مكتوب اي شيئ عن المحذوف في الماده بس هي اعطتنا في المحاضرات ايش المحذوف يعني بالمختصر المحذوف ماهو مكتوب بالمفردات وفيه بنات ممكن ماكانوا يتابعو سنترا وبكذا ماراح يعرفون شيء عن الحذف .. طبعا الحذف كان مايتعدى اصابع اليده والاكتاب كلووو معانا .. بس الحمدلله الاسئله كانت حلوه صحيح متعبة وفيها شويه صعوبه بس برضوا كانت حلوه


نسرين عبدالرحيم احمد حسن (( موارد بشريه ))

وش اقول وش اخلي .. استاذه جدًا رااااااااااااائعه فديتها يسعدها ربي من كل النواحي من الشرح الى الاسئله كانت شامله معانا المهم في الماده واللي ماهو معانا كانت تقولوا اول بأول وبأخر محاضره عطتنا اسئلة ((15 سؤال)) مراجعه .. وجات كلللها في الاختبار يعني ضمننا 30 درجة :) والمذاكره كانت من السلايدات فقط يعني مرره ريحتنا من الكتاب الكبير فديتها الله يوفقها ياليت كل الاستاذات مثلها ..

[ميان 11]

طيب صبايا مين تعرف هدول الاستاذات دنيا الجحدلي مقدمة ف الرعاية الصحية

او رومية سجاد

[همة عالية]

الله يعطيكم العافية على الموضوع
جدا استفدت منه .

[manoos]

بستفسر عن استاذة ابتسام الضمور بستفسر عن طريقة شرحها واسئلتها
نازل لي ادارة مشاريع عندها '*

[*توتا*]

يعطيكم العافيه ي بنات بستفسر عن الاستاذات

نوره السبيعي *مقدمه اداره الاعمال* //وفيه وحده ناديه احمد الحربي
تماضر الحارثي *مقدمة نظم ادارية*
ابرار الحربي *مبادئ التسويق*

تعبت وانا ادور عنهم وكيف طريقهم بس مو لاقيه شي مررا ي ليت تفيدوني

[noha_94]

توتا انا معاك في نفس المواد و نفس الاستاذات بحثت عنهم و مالقيت شي شكلهم كلهم جديدات لسا ان شاءالله احد يقدر يفيدنا ......



:)

[ريم ريم ريم]

جربت تغريد مفيد كامل بليبله كلية الاعمال في رابغ

[s7oor]

السلام عليكم ..!
حآبهه آستفسر عن بعض الاستاذات ياليت اللي عندهآ
اي معلومهه عن آي استاذه من اللي بقولهم تفيدني واكون
شاكره لها لآني بحثت كثير وم لقيت اي معلومه عنهم ..
أ.مرآم البكر ( مقدمة موارد بشريه )
أ.نآديه البخآري ( اساسيات الاقتصاد الجزئي )
أ.أبرار الحربي ( مبادى التسويق )
أ.نوره السبيعي ( مقدمة في ادارة الاعمال )
اعتذر عن الاطاله والله يوفق ويسهل ع كل وحده تفيدني
ب اي معلومهه ..

[*توتا*]

نهى شكله كداا ماحد عنده خلفيه او جديدات او لاحياه لمن تنادي
ي رب يكونو كويسين بس