تنبيه لطلاب دفعة 09 بخصوص المواد الحرة والأختيارية وعدد ساعات التخرج ( بالصور )

[bandarman]

المشاركة الأصلية كتبت بواسطة raul 7 اول شي يعطيك الف الف الف عافية ياخوي بندر ..... بس ياليت توضح اكثر الكلام اللي باللون الاحمر ؟؟؟؟؟ كيف حذف لك مادة حرة ؟؟؟ انا قال لي حذفت لك مادة اختيارية ...!!!

الله يعافيك كان نفسي يحذف اختياريه بس حذف حره وقال لي لا تخبص لأنك ما راح تتخرج اذا خبصت خخخخخخ يعني راح اتخرج وانا درست ماده حره واحده و3 مواد اختيارية!!!!

[you129]

جزاكم على خير على توضيحكم ومساعدتكم الطلاب انا مخلص 96 ساعة
انا الان الترم السابع 18 ساعة
الترم الثامن 17 ساعة
على كذا راح اخلي مادة اختيارية للترم الاخير علشان ابو طالب يحذفها لي الترم الاخير ويكون يبقى 14 ساعة فقط

[أبو فاتن]

المشاركة الأصلية كتبت بواسطة you129 جزاكم على خير على توضيحكم ومساعدتكم الطلاب انا مخلص 96 ساعة انا الان الترم السابع 18 ساعة الترم الثامن 17 ساعة على كذا راح اخلي مادة اختيارية للترم الاخير علشان ابو طالب يحذفها لي الترم الاخير ويكون يبقى 14 ساعة فقط

فعلاً أخوي أنت وضعك للحين ما عليه كلام ,, في الترم الجاي أطبع الخطة وخلهم يحذفون عنك المادة الأختيارية وترتاح


وربي يوفقك

[ابوميان999]

مشكووووور اخوي ابو فاتن ، انت وجميع الاخوة اللي شاركوا في الموضوع
لكن اللي قاهرني اني قاعد اطارد وراهم شهر عشان يضيفون لي ماده حره واكمل 131 ساعه والحين ياليتني مخليها على الـ 128 ساعه ولاتلقفت، لكن الحمدلله على كل حال ومثل ماقالوا الاخوان ماده وحده ماتضر مقابل انك تكون في السليم ، الجامعه هذي مافيها أمان

[RAUL 7]

المشاركة الأصلية كتبت بواسطة ابوميان999 مشكووووور اخوي ابو فاتن ، انت وجميع الاخوة اللي شاركوا في الموضوع لكن اللي قاهرني اني قاعد اطارد وراهم شهر عشان يضيفون لي ماده حره واكمل 131 ساعه والحين ياليتني مخليها على الـ 128 ساعه ولاتلقفت، لكن الحمدلله على كل حال ومثل ماقالوا الاخوان ماده وحده ماتضر مقابل انك تكون في السليم ، الجامعه هذي مافيها أمان

ياخي الكريم انا احترم قناعاتك بشدة ... لكن كيف تكون في السليم ؟؟؟؟



اذا المشرف اللي هو المسؤال الاول وهو اللي يقدر يخرجك بعد توفيق الله قال لك خذ 128 ساعة وتعال عندي اعطيك الوثيقة ....


بصراحة ماني فاهم كلمة (( تكون في السليم اضمن لك ؟؟!! ))


احس انها صارت موضة متنقله عند اغلب الشباب ...



يا اخوان المواد الاختيارية مو من زينها ... لو مادة حرة كان اقولك خذها صح ... طبعاً مو من مبدأ اضمن لك وتكون في السليم .. لالا لا ... من مبدأ رفع المعدل ...



لكن الاختيارية انا اشوف ان ضررها اكثر من نفعها ....


وانت يابو ميان اعلم مني بالشي هذا ...


والله العظيم ان كل كلامي اللي قلته انه من باب محبة لك واني اتمنى لك الخير كله ....



انا اعتذر لك بقوة اذا شفت ان كلامي فيه غلط ....



في النهاية لك وللجميع ..اجمل تحايا raul

[أبو فاتن]

المشاركة الأصلية كتبت بواسطة ابوميان999 مشكووووور اخوي ابو فاتن ، انت وجميع الاخوة اللي شاركوا في الموضوع لكن اللي قاهرني اني قاعد اطارد وراهم شهر عشان يضيفون لي ماده حره واكمل 131 ساعه والحين ياليتني مخليها على الـ 128 ساعه ولاتلقفت، لكن الحمدلله على كل حال ومثل ماقالوا الاخوان ماده وحده ماتضر مقابل انك تكون في السليم ، الجامعه هذي مافيها أمان

اللقافة شينه هههههههههههههههه

لا تنقهر ولا شي وأنا أخوك طالما الحين واحد من الشباب أكد الموضوع الله يجزاه خير وبقية الشباب إن شاء الله يأكدونه بعد فمن حقك

إنك ترتاح من هالمادة وبالأخير هذا رأيك واللي تشوفه وترتاح له سوه وربك يعين

[aseer KSA]

والله خبر منذو مبطي ابحث عنه بكل شجوني << هع لاتلومونه من زود الوناسة

مبروك للناجحين وتجربة موفقه لي ولامثالي بمشاركتهم النجاح ..

باذن الله اقرب نزله لجدة بطمر على مكتب ابو طالب وعساه يكون مروق ذاك اليوم ويضبطن

الا وش يشجع ههههههههه عشان لاففاز فريقه ثاني يوم اروحله << حركات قديمه مع المدرسين



الله يعطيك العافيه يبو فاتن ( ماهو غريب الطيب من منبع الطيب ) ومبروك يا راؤول

[أبو فاتن]

المشاركة الأصلية كتبت بواسطة aseer ksa والله خبر منذو مبطي ابحث عنه بكل شجوني << هع لاتلومونه من زود الوناسة مبروك للناجحين وتجربة موفقه لي ولامثالي بمشاركتهم النجاح .. باذن الله اقرب نزله لجدة بطمر على مكتب ابو طالب وعساه يكون مروق ذاك اليوم ويضبطن الا وش يشجع ههههههههه عشان لاففاز فريقه ثاني يوم اروحله << حركات قديمه مع المدرسين الله يعطيك العافيه يبو فاتن ( ماهو غريب الطيب من منبع الطيب ) ومبروك يا راؤول

ياهلا وغلا بأبو ركان يالله حييه

لا والله ما أحدن بلايمك وأنا أخوك إي والله تكفى بأقرب فرصة حرك الموتر وأنهج لم أبو طالب غديهم يحذفون عنك هالمادة يامال الجنة
وقولهم تكفون طالبن الخطة أبو 128 ساعة <<< بدون كتشب




فديتك يأبو ركان الطيب طيبك وطيب ساسك يابعد حيي ياهلا والله ومرحبا

[RAUL 7]

المشاركة الأصلية كتبت بواسطة أبو فاتن ياهلا وغلا بأبو ركان يالله حييه لا والله ما أحدن بلايمك وأنا أخوك إي والله تكفى بأقرب فرصة حرك الموتر وأنهج لم أبو طالب غديهم يحذفون عنك هالمادة يامال الجنة وقولهم تكفون طالبن الخطة أبو 128 ساعة <<< بدون كتشب فديتك يأبو ركان الطيب طيبك وطيب ساسك يابعد حيي ياهلا والله ومرحبا

ابوفاتن ياخوي وش السالفة لايكون شمري وانا مدري خخخخخخخخخخخخ

[ابوميان999]

بالعكس اخوي راؤول انت ماينزعل منك وياما استفدت منك في هذا المنتدى
انا لو الود ودي حذفت الماده الحره بس انا اضفتها بعد عناء والجامعه الله يهديهم ماوضحولي الشي هذا والحين اخاف احذفها واتورط، تحياتي لك