هنا تجمع طلاب الترم الصيفي لعام 1433هـ

[البروتوكول]

ياشباب الصيفي كم يعطون ساعه انا سمعت يعطون فقط 9 ساعات ؟؟
هل هذا صحيح ؟؟؟؟؟؟؟؟؟؟؟؟
طبعا معدلي فوق 2

[أبو عبودي2009]

ياليت احد يفيدنا بموعد اختيار الشعب للمواد الخاصة بالترم الصيفي
للطلاب الانتساب ومتى يتم فتح الشعب لاني بحثت عن بعض الشعب ولقيتها مقفلة
علماً بأنني ما سددت
آتمنى من المشرفين والاعضاء واللي عنده خبر يفيدنا

[ابو صالح16]

المشاركة الأصلية كتبت بواسطة ابو صالح16 لاهنت اخوي وطن على الموضوع بس انا مستغرب مافيه ولا واحد نظريه التنظيم ياساتر عموما انا حاملها الترم هذا وش تنصحني اخوي للمره الثانيه احملها وودي انزلها بالصيفي وافتك معها سلوك تنظيمي وتنميه موار بشريه وللحين ماقررت ياليت تفيدني انت او احد الاخوان لاهنتو مع العلم ماشي على الخطه ومعدي مواد الترم الخامس كلها ماعدا المواد اللي ذكرتها وش تنصحوني

عبرو هذا الطالب

[منصور الشمري]

بالنسبة للجداول محد عنده فكره متى علشان نبدأ نحجز تخبرون في رمضان وزحمة الحجز :(

[fa100]

السلام عليكم

انا بنزل محاسبه حكومية

ومحتار بين

1/ سلوك تنظيمي
2/ تطوير تنظيمي
3/ سياسة عامة وصناعة قرار

ابي اختار مادتين من الثلاث مواد بس محتار

شكرا لكم

[نوداني]

لخبطتو مخي يا شباب ،، معد عرفت ايش اضيف

مبادئ محاسبة ومحاسبة حكومية واقتصاد جزئي كلها مخلصها ،،

أنا بآخذ بحوث عمليات لو كان مدرسها رئيس الجامعة ايش علي فيه ،، بأختبر وإن نجحت فالحمد لله ما نجحت اعدتها ،،

المادتين الباقي استنى تشورون علينا ،،

يا شباب نحدد اربع مواد أو خمس ونآخذهم ،، نبي عدد طيب ،، عشان يضبط الغش هههههههههه

وعلى فكرة ايش احتمالية نسجل 12 ساعة حتى لو ما كنا خريجين ؟؟؟

وجمعة مباركه يا طيبين

[نوداني]

Pad351 بحوث العمليات
pad331 سياسة عامة وصناعة القرار
pad322 تطوير تنظيمي

ايش رايكم ؟؟؟

انا حطيت صناعة القرار والتطوير التنظيمي عشان فيه مواد كثير مرتبطة فيها بالترم الجاي لازم اخلصهم عشان اقدر انزل المواد الثانية

[انتسابي1]

المشاركة الأصلية كتبت بواسطة انتسابي1 طيب من فين اعرف المواد المتاحة بالصيفي عشان اشيك عليها وهل ابدا اسدد وبعدين انتظر المواد المتاحة تنزا والا اول شي انتظر المواد المتاحة تنزل وبعدين اسدد والى متى يستمر السداد وشكرا لك اخي توفيق

اتمنى ياشباب تفيدوني كيف اعرف المواد
المتاحة للاضافة وبتنزل ترم صيفي
من فين اعرف وكيف طريقة السداد ؟

وشكرا

[أبو عبودي2009]

ياليت احد يفيدنا بموعد اختيار الشعب للمواد الخاصة بالترم الصيفي
للطلاب الانتساب ومتى يتم فتح الشعب لاني بحثت عن بعض الشعب ولقيتها مقفلة
علماً بأنني ما سددت
آتمنى من المشرفين والاعضاء واللي عنده خبر يفيدنا

[فهد العنزان]

المشاركة الأصلية كتبت بواسطة أبو عبودي2009 ياليت احد يفيدنا بموعد اختيار الشعب للمواد الخاصة بالترم الصيفي للطلاب الانتساب ومتى يتم فتح الشعب لاني بحثت عن بعض الشعب ولقيتها مقفلة علماً بأنني ما سددت آتمنى من المشرفين والاعضاء واللي عنده خبر يفيدنا

اي مادة مغلقة غير متاحة بترم الصيفي للطلاب الانتساب ، المواد التي سوف يتم الإعلان عنها لاحقاً متاحة بترم الصيفي