مقدمة في العلوم الطبيعية [أسئلتكم هنــا]||~

[darooona]

لو سمحتوووو كل الفصول كانت معكم مافي شي محذووووف لان دا السمستر نزلتها للماده الله يسعدكم ردووووو

[مشاعل الشهري]

بنات انا عندي مادة مقدمة بالعلوم الطبيعية وفيه قسم الكيمياء ماني فاهمه شي منو واستاذتنا شرحها سريع وماتفهم زين بليز اللي تعرف موقع شرح او اي حاجة اغهم منها تقولي عليها

[picasso]

مراحب اخت مشاعل ..
ايش هي المواضيع الي يصعب عليك فهمهاا او سؤال يصعب عليك حله وفهمه !
عشان يفيدوك الاعضاء الكرام وما راح يقصروا ان شاء الله ..

[مشاعل الشهري]

قوانين الكيمياء

[مشاعل الشهري]

زي العدد الذري وعدد الكتلة
مثال: تحتوي نواة ذرة الفلور على 9 بروتونات و 10 نيوترونات احسبي عدد الكتلة؟
مثال:عدد الكتلة لذرة اليورانيوم يساوي 234 وعدد البروتونات يساوي 92 احسبي عدد النيوترونات؟

[مشاعل الشهري]

ابغى حل

[مشاعل الشهري]

بليز اللي تعرف تساعدني

[picasso]

المشاركة الأصلية كتبت بواسطة مشاعل الشهري زي العدد الذري وعدد الكتلة مثال: تحتوي نواة ذرة الفلور على 9 بروتونات و 10 نيوترونات احسبي عدد الكتلة؟ مثال:عدد الكتلة لذرة اليورانيوم يساوي 234 وعدد البروتونات يساوي 92 احسبي عدد النيوترونات؟

ممتاز جدا ..

اول شي نبغى نعرف ايش هو العدد الذري وعدد الكتلة ! وايش هي البروتونات وايش هي النيوترونات !
وكيف نحسب عدد الكتله و عدد النيوترونات ؟!

..

في البداية راح نفترض ان النواه دائرية الشكل زي الكرة داخلها نوعين من الجسيمات : بروتونات ونيترونات ..
ويدور حوليها الالكترونات بمدارات ( مثل الشمس والكواكب )



العدد الذري رمزه (Z) هو عدد البروتونات الي موجوده بالنواة
عدد الكتلة رمزه (A) هو عدد البروتونات والنيوترونات

راح اعطي مثال لعنصر الليثيوم عشان تتضح الصورة :



عدد الكتله هنا بالليثيوم يساوي 7 والعدد الذري ( الي قلنا انه هو نفسه عدد البروتونات ) يساوي 3
طيب اذا جاء سؤال وقال ماهو عدد النيوترونات !
من التعريف السابق لعدد الكتلة انه يساوي عدد مجموع البروتونات (الي هو نفسه العدد الذري وهو نفسه عدد الالكترونات ) و النيوترونات
A = Z + N
A : عدد الكتلة
Z : العدد الذري
N : عدد النيوترونات
بمعطيات الي موجودة بالعنصر ( الليثيوم ) ان العدد الذري يساوي 3 وعدد الكتله يساوي 7 راح يكون
من نفس القانون راح نستنتج ان عدد النيوترونات يساوي : عدد الكتله - العدد الذري (الي هو عدد البروتونات)
N = A - Z
اذا عدد النيوترونات يساوي 7 - 3 = 4

..

مثال: تحتوي نواة ذرة الفلور على 9 بروتونات و 10 نيوترونات احسبي عدد الكتلة؟

A = Z + N
A = 9 + 10

مثال:عدد الكتلة لذرة اليورانيوم يساوي 234 وعدد البروتونات يساوي 92 احسبي عدد النيوترونات؟

N = A - Z
N = 234 - 92

العدد الذري هو نفسه عدد البروتونات وهو نفسه عدد الالكترونات
ونفس هذا الشرح لاول صورة بالشريحة رقم 11
ان شاء الله وفقت في شرح هذي الجزئية ووصلت لك المعلومة

[darooona]

طيب انا ممكن اعرف ليه مابتجاااوني على سؤالي ممش معقوووول يعني رح اكتب السؤال الف مره عشان تجاووووووووبوووو اووووووووووووووف

[darooona]

مشاعل الشهري اذا انتي بجده تعالي الجامعه واخلي اختي تفهمك هو وتجيبي ال 1000 باذن الله ماشاء الله عليها احسن من الاستاذات مليون مره