تنبيه لطلاب دفعة 09 بخصوص المواد الحرة والأختيارية وعدد ساعات التخرج ( بالصور )

[أبو فاتن]

المشاركة الأصلية كتبت بواسطة bandarman السلام عليكم ورحمة الله وبركاته اليوم رحت الجامعه وطبعا انا قبل كذا مريت عليهم واعطوني الخطه وابوطالب حدد لي التخرج بي 130 ساعه واليوم خليتهم يطبعو لي خطة مره ثانية ورحت لأبو طالب وحدد لي التخرج بي 128 ساعه وسألته كيف كذا الخطه 129 ساعه قال حذفت لك مادة حره وباقي عليك 9 ساعات اساسيه و6 اختياريه. مع العلم اني مخلص 113 ساعه وماخذ ماده وحده حره وماده اختياريه وباقي لي الان 15 ساعه بس. بالنسبه لتغيير الحاله انا مغيرها عن طريق الاوديوس لمتوقع تخرجه ، كلمت ابوطالب قال لي طالما انك جيت عبي الاستمارة وقدمها رسمي يكون أفضل لك ، لما سألته ليش قال عشان الاسم بالانجليزي وعشان تكون جاهزه وماتتأخر عند التخرج !!! مليون إستفهام وهذي بعد نفس النقطة اللي شرحتها أنا ولقيت معارضه عليها طبعا لازم بعد كذا تمر الكليه وبعدين عمادة القبول والتسجيل لكن ماجاني شي على الجوال لغاية الان!! حبيت اوضح الموضوع للأخوان دفعة 2009 ونقطع الشك باليقين والشكر موصول لكل الأخوان..

مبــــــــــروك وهذا أول واحد ناجح ههههههههههههههه عقبال البقية إن شاء الله


ألف مبروك أخوي بندر ومقصرت وبيض الله وجهك لخدمتك أخوانك وتستاهلون كل خير

[you129]

جزاكم على خير على توضيحكم ومساعدتكم الطلاب انا مخلص 96 ساعة
انا الان الترم السابع 18 ساعة
الترم الثامن 17 ساعة
على كذا راح اخلي مادة اختيارية للترم الاخير علشان ابو طالب يحذفها لي الترم الاخير ويكون يبقى 14 ساعة فقط

[ابوميان999]

مشكووووور اخوي ابو فاتن ، انت وجميع الاخوة اللي شاركوا في الموضوع
لكن اللي قاهرني اني قاعد اطارد وراهم شهر عشان يضيفون لي ماده حره واكمل 131 ساعه والحين ياليتني مخليها على الـ 128 ساعه ولاتلقفت، لكن الحمدلله على كل حال ومثل ماقالوا الاخوان ماده وحده ماتضر مقابل انك تكون في السليم ، الجامعه هذي مافيها أمان

[RAUL 7]

المشاركة الأصلية كتبت بواسطة bandarman وسألته كيف كذا الخطه 129 ساعه قال حذفت لك مادة حره وباقي عليك 9 ساعات اساسيه و6 اختياريه..

اول شي يعطيك الف الف الف عافية ياخوي بندر .....


بس ياليت توضح اكثر الكلام اللي باللون الاحمر ؟؟؟؟؟



كيف حذف لك مادة حرة ؟؟؟


انا قال لي حذفت لك مادة اختيارية ...!!!

[RAUL 7]

المشاركة الأصلية كتبت بواسطة ابوميان999 مشكووووور اخوي ابو فاتن ، انت وجميع الاخوة اللي شاركوا في الموضوع لكن اللي قاهرني اني قاعد اطارد وراهم شهر عشان يضيفون لي ماده حره واكمل 131 ساعه والحين ياليتني مخليها على الـ 128 ساعه ولاتلقفت، لكن الحمدلله على كل حال ومثل ماقالوا الاخوان ماده وحده ماتضر مقابل انك تكون في السليم ، الجامعه هذي مافيها أمان

ياخي الكريم انا احترم قناعاتك بشدة ... لكن كيف تكون في السليم ؟؟؟؟



اذا المشرف اللي هو المسؤال الاول وهو اللي يقدر يخرجك بعد توفيق الله قال لك خذ 128 ساعة وتعال عندي اعطيك الوثيقة ....


بصراحة ماني فاهم كلمة (( تكون في السليم اضمن لك ؟؟!! ))


احس انها صارت موضة متنقله عند اغلب الشباب ...



يا اخوان المواد الاختيارية مو من زينها ... لو مادة حرة كان اقولك خذها صح ... طبعاً مو من مبدأ اضمن لك وتكون في السليم .. لالا لا ... من مبدأ رفع المعدل ...



لكن الاختيارية انا اشوف ان ضررها اكثر من نفعها ....


وانت يابو ميان اعلم مني بالشي هذا ...


والله العظيم ان كل كلامي اللي قلته انه من باب محبة لك واني اتمنى لك الخير كله ....



انا اعتذر لك بقوة اذا شفت ان كلامي فيه غلط ....



في النهاية لك وللجميع ..اجمل تحايا raul

[bandarman]

المشاركة الأصلية كتبت بواسطة raul 7 اول شي يعطيك الف الف الف عافية ياخوي بندر ..... بس ياليت توضح اكثر الكلام اللي باللون الاحمر ؟؟؟؟؟ كيف حذف لك مادة حرة ؟؟؟ انا قال لي حذفت لك مادة اختيارية ...!!!

الله يعافيك كان نفسي يحذف اختياريه بس حذف حره وقال لي لا تخبص لأنك ما راح تتخرج اذا خبصت خخخخخخ يعني راح اتخرج وانا درست ماده حره واحده و3 مواد اختيارية!!!!

[aseer KSA]

والله خبر منذو مبطي ابحث عنه بكل شجوني << هع لاتلومونه من زود الوناسة

مبروك للناجحين وتجربة موفقه لي ولامثالي بمشاركتهم النجاح ..

باذن الله اقرب نزله لجدة بطمر على مكتب ابو طالب وعساه يكون مروق ذاك اليوم ويضبطن

الا وش يشجع ههههههههه عشان لاففاز فريقه ثاني يوم اروحله << حركات قديمه مع المدرسين



الله يعطيك العافيه يبو فاتن ( ماهو غريب الطيب من منبع الطيب ) ومبروك يا راؤول

[ابوميان999]

بالعكس اخوي راؤول انت ماينزعل منك وياما استفدت منك في هذا المنتدى
انا لو الود ودي حذفت الماده الحره بس انا اضفتها بعد عناء والجامعه الله يهديهم ماوضحولي الشي هذا والحين اخاف احذفها واتورط، تحياتي لك

[bandarman]

المشاركة الأصلية كتبت بواسطة ابوميان999 بالعكس اخوي راؤول انت ماينزعل منك وياما استفدت منك في هذا المنتدى انا لو الود ودي حذفت الماده الحره بس انا اضفتها بعد عناء والجامعه الله يهديهم ماوضحولي الشي هذا والحين اخاف احذفها واتورط، تحياتي لك

طيب لاتستعجل وتحذفها انتظر لبعد الدوره الاولى وشوف وضعك كيف يكون ووضع الماده من الطلاب اللي حضرو الدوره..

بالنسبه لي انا منزل 21 ساعه منها مادتين حره 6 ساعات ممكن احذفها كلها بعد الدورة.

[أبو فاتن]

المشاركة الأصلية كتبت بواسطة you129 جزاكم على خير على توضيحكم ومساعدتكم الطلاب انا مخلص 96 ساعة انا الان الترم السابع 18 ساعة الترم الثامن 17 ساعة على كذا راح اخلي مادة اختيارية للترم الاخير علشان ابو طالب يحذفها لي الترم الاخير ويكون يبقى 14 ساعة فقط

فعلاً أخوي أنت وضعك للحين ما عليه كلام ,, في الترم الجاي أطبع الخطة وخلهم يحذفون عنك المادة الأختيارية وترتاح


وربي يوفقك