مين الغلطان!!

soma al7elwa · #1 01-08-2009, 09:21 PM

المشاركة الأصلية كتبت بواسطة قاهر المتكبرين

بالقطع لا .. هذا واجبها من ربها انها غصباً عنها تغطي شعرها وما تتزين ولا تحط رشة عطر ..

كما هو غصب على الشاب انه يلتزم بالمظهر الشرعي وتغطية العورة بدل الشورتات اللي انتشرت هالأيام ..

أفهم من ردك اللي قبله انه البنت من حقها تتبع الموضة الخاصة بالشعر وتخرج بيه ؟ والموضة الخاصة بالميك أب وتخرج بيه ؟؟

عزيزي قاهر

الكلام كان موجه لرنا ومو ليا

عشان كدا ما رديت عليه

بالنسبة هل من حقها أو لا

طــــــــــــــــبعا من حقها

سواء ارادت من الاساس تتحجب او لا دا حقها

وربنا هوا اللي راح يحاسبها

طالما هي تؤدي الفروض الخمسة

ومقيمة لأركان الاسلام والايمان

فكلنا عندنا ذنوب

وانت قلتها بنفسك ياقلبو انو مخطئة وعليها ذنب من عند ربنا

أما على انو في تعزير

على كدا نص المسلمات يبغالهم تعزير

يعني لو مسلمة خرجت من غير حجاب ما يحقلنا نقول شي سوى النصيحة فقط

مو "نديها شوية كلام في شرفها على راسها عشان تحترم نفسها"

ترى البنات تعاند كدا زيادة وزيادة

الرسول ما ضرب أحد بالسيف عشان يدخل بالاسلام

الرسول ضرب بالسيف عشان ينشر الاسلام

وبعد كدا ما جبر احد انو يدخل الاسلام

هو عمل اللي عليه ووصل الرسالة والهداية من ربنا

انا عن نفسي ما قد سمعت انو الرسول قتل شخص عشان رفض يدخل الاسلام

وأبصملك بالعشرة انو مافي

وسمعت كمان انو في الامور اللي فيها نص شرعي عاقب الرسول

ومع كدا ما كان يستحقرهم

المرأة الزانية والرجل شارب الخمر وقصص غيرهم كتير

ودا وهما يعملوا الأمور اللي عليها حد شرعي واضح وباين

نقوم نجي عالحجاب نقول لا لازم يكون غصب ومو على كيفها ومحسوبة عالمجتمع والخ الخ

الدين مافيه غصب الا في الامور زي الصلاة والزكاة والصيام

اما غير كدا فكل شي باين

يعني ازا عالصلاة اللي هي عماد الدين واللي يتركها هوا كافر

الرسول صلى الله عليه وسلم أم اننا نطالب الاطفال بالصلاة من سن 7 سنوات

ونضرب ضرب غير مبرح عند عشرة سنين

يعني تصور تقول لشخص لمدة 3 سنين 5 مرات يوميا قوم صلي

وبعدها تضرب وضرب غير مبرح كمان

ازا شخص عمل الحرام ربنا موجود ويحاسبو

اكتر شي نقدر نسويه اننا ننصح النصح الطيب وحط تحت طيب مية خط

مانفع النصح احنا وصلنا الرسالة وخلاص

أما انو نبدأ بحركات يمين شمال عشان قلك نصلح المجتمع فمعليش

لازم نوقف عند حدنا ونعرف فين حريات الاخرين

الاصلاح يبدأ من النفوس قبل المظاهر

حبيبي نيران لا تزعلي

محد قال انو الدين موضة ومحد قال انو نزع الحجاب وانو الوحدة تحط ميك اب زيادة حلال

احنا قلنا انو الانسان مخير وليس مسير

عنده عقل يفكر بيه ويقرر الاختيار بين انو يتبع الامر دا ويكسب مرضاة الله والرسول صلى الله عليه وسلم

او انو ما يتبعو وربنا يعاقبو

^_^

northstar · 31-07-2009, 11:12 PM

طيب بالله

لو البنت نفترض نفسها دنيئه وخرجت على قولتكم حاطه علبة مكياج

انتم ليه تجرون وراها؟؟؟
ليه تفقدون صوابكم لما تشوفو بنت زي كذا؟؟

والي حيجري وراها هو من نفس شاكلتها
فالطيور على اشكاله تقع

فالطيبون للطيبات والخبيثون للخبيثات

ودمتم نجوما

soma al7elwa · 01-08-2009, 01:29 PM

أول شي عن المعاكسات بشكل عــام

حابة احط حلقة من خواطر شاب 4 للاستاز احمد الشقيري

تاني شي

نتكلم عن الصورة

الحق يتقال

الخطأ على الاتنين بنفس النسبة

زي ما الاسلام امر المرأة بالحجاب حفاظا عليها أمر الرجل برضو بغض البصر

ازا البنت خلعت حجابها يطول الرجال عينو ليه؟؟؟

غصبا عنو؟؟

غصبا عنو يطالع فيها بنظرة بس

أما انو يروح يعاكسها ويمشي وراها ويازيها دي مو غصبا عنو

معليه

وزي ماقالت هنادي عطية ورنــوشة

ازا البنت قصرت في حجابها هل دا يعني انو من حق الولد انو يعاكسها وانو مو غلطان لو سوا كدا؟؟؟

عندك قضية الرياض ديك حق البنات اللي اتحرشوا فيها قبل كم سنة

شفت كيف حجاب البنات؟؟

لولا لطف الله كان وصل الموضوع للاغتصاب

وهما ما كان باين منهم شي

عندكم برضو مثال برجس

البنت كانت تروح اماكن مشبوهة

هل دا يعني انو من حقهم انو يغتصبوها؟؟؟

يعني احنا فالسعودية ان كتتتتتتتتتتتتتتتتتترت البنت وكانت فتاة غير محجبة

ما لبست طرحة ولبست -بلاش نقول عباية عشان لا تزعل فئة من حبايبي الاعضاء - فستان اسود وفيه بعض الالوان و بينت الجينز اللي لابستو

بكرة بس تسافروا برا عشان تدرسوا وتشوفوا البنات بالبكيني دا يعني انو من حقك تغتصبها او تعاكسها؟

زي ما قالت هنادي البنت فعمر 13 و14 و15 سنة مو حرام تتعاكس

اختي عمرها 13سنة

داك اليوم رجال مديها رقمو فمنديل

ايش الناس قليلة الزوق دي؟؟؟

طفلة تعاكسها

مهما لبست المرأة دا ما يعني انو لشاب الحق انو يعاكسها

غلطت بانها خالفت الدين ايوا غلطت

لكن مو من حقو انو يعاكسها ونسكت

ومو من حقنا انو نتهمها بشي لمجرد انها مو محجبة زي ما امر الدين

وزي ما قال استاز تركي وقالت حبيبتنا الرعد الصاعق

صح دا الكلام موجود فكل الدول والمفروض ما نعمم

والفساد موجود بكل مكان

بس انا عن نفسي عشت فالشرقية لمدة 3 سنين

وقابلت فيها ناس من الرياض والشمال ونجد في فئة كبيرة منهم جدة بالنسبة لهم يعني باريس

ونظرتهم جدا سيئة لبناتها ولاهلها

وطبعا غير سباتهم لاهل الحجاز بشكل عام طرش البحر وبقايا حجاج والخ الخ الخ

مو الكل

بس دا الشي انا لاحظتو بنفسي من واقع تجربتي

وفي ناس كتيييييييييير زي العسل ياقلبو عليهم << فايس تخرج منو قلوب

يعني هوا حسب الواحد ومعتقدو

المؤدب مؤدب هنا ولا في بانكوك

وصاحب النية السيئة حيفضل زي ماهو هنا ولا في الحرم

_________________

همسة لهنودة "هنادي عطية"

لا تزعلي ازا احد رمى عليكي كلمة

يقولوا اللي يقولوه

انا كنت زيك

وبعدين اتعلمت انو انا عارفة انا ومين ومامتي وبابتي عارفين انا ومين وحبايبي كلهم عارفين انا مين

سو مو مهم رأي ناس ما أعرف عنهم غير انهم اعضاء في منتدى

ترى اغلبهم يقول الكلام دا بحسن نية مو قصدوا شي
وحتى لو كان قصدو
يقولوا اللي يقولوه

كل انسان يدافع عن قضية لازم يكون من اصحابها؟

مو شــرط

وانا معاكي فاللي قلتيه ياقلبي

لا تفكري انك واقفة لوحدك تدافعي
^_^