برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[طموح01]

المشاركة الأصلية كتبت بواسطة eva160 معليه سامحني ازا غلطت في حقك والله انا اهم شيء دحينه انو إحنا البنات من خارج الشرقيه يكون لنا سكن على الاقل شيء ماشاء الله، موضوع المواصلات ان شاء الله نقدر نلاقي لها حل كمانه. انا مستعده ادفع من ناحيه السواق ومن ناحيه الشقه ازا الاستاذ خالد السويد قال في سكن ومواصلات راح يكون على حسابنا، الحمدلله إحنا بنات خارج من الشرقيه مستعدين نشارك مع بعض سكن ومواصلات ازا عندكم فكره عن سكن للايجار وسواق نروح مع بعض إحنا مستعدين وانا اولهم الله يوفقنا ويكتب لنا الخير

حصل خير
انا لساتني على امل انو يتوفر سكن ومواصلات مثل العام ... لأنو الاستاذ خالد لسى مارد بخصوص هالموضوع
ولو يتوفر سكن مناسب بمنطقه قريبه راح اخبرك حتى نتشارك فيه ..لساتو البحث جـــآآري ...

الله يكتب الخير والتوفيق للجميع ... وتوصلين السعوديه بالسلامــــه

[أبـو فـيـصـل]

جنان انا اضمنلك سائق يرجعك للبيت باقل الاسعار لانه حي المزروعيه معروف مكانه

بس الشارع اللي فيه مزحوم شوي بالصيف وممكن ياخذ 500 في شهر واسبوع لاني ماني ضامنه برمضان لكن يوصل فقط من الدوام للبيت

----------

مين تصور وبصم وباقي مااخذ البطاقه ؟

[أبـو فـيـصـل]

المشاركة الأصلية كتبت بواسطة باشمهندس اي اخوي لازم يكون معاك روميت وبالنسبة لعدد الغرف مادري بالضبط بس اللي اعرفها عددهم كبير والمجمع السكني اسمه المنيره ومع ذالك احيانا ماتحصل غرف قبل اسبوع واحد من اقربائي عنده دوره في الظهران ولا حصل غرف قامت ارامكوا سكنته في فندق الظهران بس اهو اللي يدفع على حسابه وارامكوا تنزله التكلفه مع الراتب بس الزين فيها انها تنزل في حسابه مبلغ اكثر بكثير من اللي دفعه اهو سكن ب 300 في اليوم وارامكوا احسبتله 1000 في اليوم بس ماعتقد انهم راح يسون كذا مع المتدربين.

هذا عيب السكن

انه واحد يسكن معك

<< مايحب احد يسكن معه

[~ Mr. A. DES]

أن معاك انه احتمال كبير شغلنا راح يكون مكتبي لانه اصلا حتى المهندسين الموظفين في ارامكوا أغلب شئ في المكاتب بس على الاقل يحطونه في مكاتب تابعة للهندسة مو مكتب والسلام في اي قسم وحسب اللي عرفته من خلال المواظفين في الظهران انه فيه مبنى خاص للمهندسين في الظهران وهم المسؤولين عن تطور المشاريع يعني المفروض يدربونه هناك مو محل ثاني.

العام متدرب في ارامكو و كل التخصصات الهندسية يطلعو للـ Field
ما عدا الهندسة الصناعية فقط شغل مكتبي
و الميكانيك لو فيه مجال ديزاين كان اشتغلنا مكتبي بس ربك كريم ض1

[abrar-adel]

مرحبا
بنات يعني سواء كنسلنا او ماكنسلنا هم قالوا انو مافي سكن اتكلم عن الي تدريبهم مو اجباري
يعني لازم يكون عندنا باك اب بلان انو ندور شقه ونسكن مع بعض وبنفس الوقت نكلم المسول عن الشي هذا
بنات بليز لازم نعمل حاجه مو حلو يبدا التدريب واحنا لساتنا جالسين ننوح هنا
معليش مابي اوصل الشرقيه وانا زي الخبله مدري فين اروح

[شيخة زمنها]

أنا متابعتكم من فترة وأستفدت منكم كثير ..مشكورين
قبل يومين وصلتني رسالة..

نفيدكم بانه تم قبولك في البرنامج الصيفي للجامعيين في مدينة الظهران وتم تحديد يوم السبت صباحا الموافق 16 يونيو 2012 لاستلام تذاكر السفروخطاب التوجيه.علما بان الشركة لاتوفر السكن والمواصلات للطالبات

وغير ملزمة بذلك ويتوجب حضور ولي الامر للتوقيع على الموافقة بالتحاقك بالتدريب والتعهد بتوفير السكن والمواصلات لك..

نرجو في حالة الموافقة او عدمه افادتنا على الايميل او الاتصال على الهاتف

024274441

في مدة اقصاها غدا الثلاثاء

مكتب توظيف جدة

سعيد الغامدي

منسق التدريب الصيفي


هذا محتواها ..
اول شي كيف محددين موعد بأول يوم بالتدريب ماني عارفه اشوفها حوسه اذا كانت الرحلة بنفس اليوم..
وكمان ابغى أسال حنا مالنا موعد تبصيم وبطاقة
يعني على طول أجي واخذ التذاكر ويوقع الوالد وبس ..
وطلبي مكتوب حالته new وش يعني ..؟
أتمنى اللي عنده خلفيه يفيدني ..

[هي!!]

واضح أنه سعيد الغامدي شغال نسخ ولصق وإرسال

ولا كيف غداً الثلاثاء ؟؟

لكن دليل أنه شغلته بس ينسخ ويلصق !

[lolyta lawlaw]

للمعلوميه فقط بنات الابتعاث لهم سكن خاص

[Eva160]

المشاركة الأصلية كتبت بواسطة mr.samie بنسبة تكاد تكون 100% شغلك راح يكون مكتبي وانا اقولك الاسباب السبب الاول انك بنت والسبب الثاني انك هندسة كيميائية يعني مهندسة "طبيعة الشغل" اغلب المهندسات اذا ما كان كلهم شغلهم مكتبي الميداني للعيال وانا للحين ما ادري وين بيحطوني مع اني سألت هالسؤال هم راح يوزعوننا بعد ما نوصل ونقابل مشرفينا لكن اكاد اكون متأكد ان شغلي مكتبي انا اكثر شخص رافض ان البنات يدرسوا هندسة لان مافي مساواة في السعودية يعني لو كثروا البنات حقين الهندسة بتصير المكاتب كلها بنات وحنا مجبورين على العمل الميداني يعني يكاد يكون مافيه اختيارات وللعلم اخوي قدم على ارامكو وللحين ما ردوله خبر لكن مشرف التدريب في الجامعة قاله غير الشركة لاني لازم ازورك وازور الشركة واشوف كيف الوضع فلما تروح للشرقية كيف بشوفك وانا في الرياض بالاضافة لمشكلة كبيرة وهي ارامكو تقبل كل التخصصات لكن ماهي قابلتهم علشان تخصصاتهم الدقيقة يعني ممكن تقبل واحد ادارة عامة ويحطونه في قسم التسويق لو نظم معلومات ادارية يحطونه محاسب يعني الوضع ممكن ما يناسب تخصصك فدير بالك من هالناحية خصوصا اذا كان تدريبك عليه درجات والشي الثاني اذا كنت ودك تتوظف في وظيفة معينة زي بنك مثلا فلا تحط ارامكو خيار للتدريب الافضل لك تتدرب في البنك لو ما قدرت تتدرب في نفس البنك اللي تبغاه تدرب في بنك آخر اهم شي خبرتك تكون بنكية وتتدرب على شي في تخصصك

الحمدلله التدريب مالها علاقه بالدرجات، بس هما الجامعه يحبوا الطلاب والطالبات اللي بيتخرجوا لازم عندهم خبره مهنيه مابين شهرين الى 4 او 6 اشهر في مجال التخصص او قريب من التخصص ويعملوا على الاقل بحث جامعي واحد زي ماقلت لك لازم نحافظ على سمعة جامعتنا، عندنا كل سنه دكتور/ه يراجعوا سي الفي الطلاب والطالبات لما يسير السي في كده مافيها شيء يجلب الانتباه يقعدوا يقلقونا نصايح بكلام احمر ليه مااتدربت ليه ليه متى ناوي تعملهم.

المهم نروح موضوع التخصص

أكيد التخصصات الهندسيه لها مستقبل وظيفي للبنات في عده مجالات غير الشركات فيها الاكاديمي ، دحينه كيف البنات يأخدو اماكنكم واصلا اماكنكم ماخوذه من الاجانب

انا اعرف لتخصص الهندسه كيميائيه لها عدة مجالات في التوظيف
منها الشركات البيتروكيميائيه ، الشركات الاجهزه مثال صناعه المايكروتشيب حق لاب توبات ، الشركات في صناعه البلاستيك، المختبرات، تقنيه طبيه، صيدله وكمانه في الطب

السبب انو انا دخلت هندسه كيميائيه لاني ناويه اكمل دكتوراه بتخصص هندسه النسج اللي لها علاقه في الطب، انا نفسي اعمل بحث في علاج الامراض العظام مثال Osteogenesis Imperfecta و Fibrodysplasia ossificans progressiva، في دكتور عندي في الجامعه بيعمل بحث في علاج السرطان عن طريق حقن الجسم بالبكتيريا عشان الواحد مايصاب السرطان.

بالصراحه انا احب اشتغل في حاجه فيها اكتشاف علاج لبعض الامراض النادره اللي مالها علاج الآن

الله يوفقنا ويوفق الجميع في الخير

[Eva160]

المشاركة الأصلية كتبت بواسطة طموح01 حصل خير انا لساتني على امل انو يتوفر سكن ومواصلات مثل العام ... لأنو الاستاذ خالد لسى مارد بخصوص هالموضوع ولو يتوفر سكن مناسب بمنطقه قريبه راح اخبرك حتى نتشارك فيه ..لساتو البحث جـــآآري ... الله يكتب الخير والتوفيق للجميع ... وتوصلين السعوديه بالسلامــــه

الله يسلمك حبيبتي ويجزاك الف خير