طالبـــات المستوى الرابــع

[السعيد 2009]

بمناسبة ان هذه المشاركة رقم 1000

اتقدم بالشكر لكم على ماقدمتوه من مساعده لي
واسال الله ان يوفقنا جميعا

[بانسيه]

العفو السعيد والله ينجحنا واياك بالمعدل العالي ,,

والبنات ماقصروا ربي يعطيهم العافيه ,

[goglin]

أم حمدان ياليت تسألين الأستاذة في الليسنينق هل التمارين السماعي والاختصارات مهمه ولا تعب على الفاضي زي الترم اللي فات؟ وايت روز ياليت تسألين الأستاذة في الرايتنق عن أجزاء الايساي بالتفصيل واش المواضيع المهمة اللي نكتب عنها وفي المقارنة بين شيئين كيف نكتب مثلا لو بين مطعمين البراقراف الأول نكتب وصف المطعم الأول والثاني عن الثاني أو نقارن بينهم في براجراف واحد؟ ومشكورين مقدماعلى جهودكم

[white rose]

بانسيه بالنسبة لمواضيع الرايتنغ مس حنان قالت ماراح يكون شيء صعب وأكيد راح تعرفوا تكتبوا عنو بس الاكيد انو مقارنة سواء تكون بadvantage أو disadvantage أو مقارنة على نارتيف أو مقارنة على وصف
لكن كمان راح أسألها اذا حتكون من الكتاب او لا بس انتي عارفة مس حنان قالت في لجنة تراجع الاسئلة واذا ما عجبتها راح تغيرها يعني لا تسبعدي أي شيء عنهم وطبعا الاسئلة موحدة للكل..وكمان هما حاطين المادة أول شيء في الجدول فالله يستر علينا ونعديها على خير..
goglin أجزاء الايسيه يا حلوة تلاقيها مع مرفقات المحاضرة السادسة فيها شرح بالانجليزي اللي كانت تعرضوا لنا يعني المقدمة تتكون من ثلاثة أجزاء هيا:
1-الهوك وله أكثر من طريقة كتابة تقريبا 5 طرق بس العادة البنات بيكتبوه بشكل عام (يعني نفس العربي انتي بكتبي بشكل عام بعدين تخصصي حتى توصلي للموضوع اللي راح تتكلمي عنو في البدي الاول والثاني )أو بشكل سؤال أو تقتبسي فيه حكمة او مثل زي ما تحبي اختاري اللي يناسبك من الطرق الخمسة..وترى عليها امثلة في الملف..فلا تخافي..
2-وعندك بعدها كونكيكتنغ انفرميشن يعني لازم تكتبي 3 جمل تشرحي فيها الهوك وايش قصدتي بكلامك فيه..وترى كل جملة عليها درجة فاذا ما كتبتي جملة تروح عليك الدرجة تبعتها..
3-وجملة واحدة او جملتين تكتبي فيها ثيسس استيتمنت يعني انتي ايش راح تناقشي في البدي الاول والبدي الثاني بس العنوان الرئيسي لكل بدي عن ايش يعني لو عن رحلتين تقولي انك راح تتكلمي عن رحلتين قمتي بها أول وحدة كانت في والثانية كانت في وترى هذي الجملة مرة مهمة لانها تكون جواب لسؤال الايسيه في الاختبار ومنها تعرف الاستاذة اذا كنتي فاهمة ايش بتكتبي او لا وبس انتهت المقدمة بس لازم المقدمة تكون 5-6 سطور كبري الجمل واستخدمي أدوات ربط عشان تطول المقدمة ..
بعدين تبدأي في البدي الاول توبيك سنتنس وعادي نفس خطوات البراجراف تبع المستوى الاول بس لا تكتبي كونكلوجن ونفس الشيء البدي الثاني... والخاتمة قالت عشان تكوني بالسيف سايد تكتبي ثلاث جمل سمري (للبدي الاول وللبدي الثاني) يعني بس ثلاثة جمل تتكلمي فيها عن الافكار الرئيسية في البدي 1+2 مو كل بدي 3 لا مجموع جمل السمري =3 وجملة تقولي فيها رأيك الابونيون تبعك وتكتبي بعدها السبب اللي خلى رأيك يكون كذا..
أو تقدري تكتبي بس رأيك + السبب راح يكون على حسب ما تحبي بس أهم شيء الخاتمة تكون 5 جمل أقل شيء زي المقدمة وحاولي تكبريها عشان تكون في 5 سطور .. وبس أتمنى تكوني فهمتي عليا بس انتي افتحي الملف المرفق في المحاضرة السادسة في التجمع وارجعي اقرأي الكلام ثاني عشان تستوعبي مضبوط..ودعواتكم..

[my-nana]

ماشاء الله الله يوفقكم حبيباتي

[cute*soso]

المشاركة الأصلية كتبت بواسطة ام حمدان سوسو لو تدرين ليه بتموتين ضحك بعدين بكلمك واقولك موفي ---ايتها الملقوفه توها الهام قالتلي صدها موضوع نيران الخاص للبنات يلا باي بقفل الاب مضطره

تييييييييييييييييب يا شريرررا

[أمووورة]

خلصت الدورة والله كانت مرة متعبة مع اني مارحت كل الايام

ودوبي ابدا مذاكرة انا حتشجع واذاكر معاكم مع انكم سبقتوني لكن احاول الحقكم

[goglin]

يانااااااااااااااااااااااااااااااااس ياعااااااااااااااااااااااااااااااااااااالم جننتني الادارة تكفون قلولي كيف نجحتم فيها الله يوفقكم

[fatima idris]

اخت goglin لو ما حضرتي الدورات حتشوفيها صعبه انا ما عرفت اذاكرها بالاول لكن هي مو صعبه في ملخص انا نزلته بهذي الصفحه اقرأيه http://www.skaau.com/vb/showthread.php?t=188121&page=8 و بعدين ارجعي للكتاب ولااااا تعتمدي عالملخص وحده خليه للمراجعه بعدينموفقه

[ام حمدان]

goglin
ذاكريها بفهم واحفظي التعدادات وفرقي بينها لانها تشبه بعض احياناً بس يجيك شي بسيط يفرق بينهم
وكمان النظريات احفظي كل وحده لاي عالم
والتعريفات كمان احفظي كل تعريف لايش انتي ماراح تكتبيه بس خليك فاهمتها عشان تفرقين بينها
ونصيحه ذاكري الكتاب اقل شي مرتين عشان اول مره تكون للفهم والاستيعاب والثانيه تكون للحفظ
وإن شاء الله تلاقي وقت كافي
انا ذاكرته مرتين مره قبل الاختبارات بفتره والمره الثانية في البريك الطويل الي كان عندي قبل اختبار الادارة
وجنني وصدع براسي فمذاكرته وخفت منه خوف مو طبيعي لكن الحمدلله جبت فيه امتياز لاني مااهملته واعطيته حقه
سوي مثلي وفالك الامتياز يارب فكل المواد انتي وكل البنات