تجمع للمعيدات ،،،، ولكل من تطمح ان تكون معيده ،،

[كيميائية العام]

المشاركة الأصلية كتبت بواسطة كراميش111 بنات بسألكم هل نزل تعميم انو المعيدات المعينات الجدد لازم يداوموا الى 9/25 وهل هو الزامي نداوم من 8 الصباح الى 3 العصر وهل هو مطبق في الجامعة وفروعها ارجوكم ردوا علي ولا تطنشوني ....

الله أعلم بس انا عندي تعديل بسيط في رمضان الدوام عشرةمو تمانيه

[miss _dede]

السلام عليكم اخواتي واخواني الله يسعدكم اليوم دقوا علي فرع رابغ وقالوا لي عندك مقابله شخصيه فالله يسعدكم سااعدوني وايش خبرتكم السابقه مع فرع رابغ انا تخصصصي حاسب الي ميين ممكن تكون اللجنه وايش ممكن يسالوا واذا سالوني عرفي عن نفسك ايش اقول وكمان ناهي نقاط الضعف والقوة وكمان كيف ممكن تطوري التعليم وكيف تتعاملي مع الطالبات اللله يسعدكم ابغى اجاباتكم لاني سبق ودخلت مقابلات لكن للاسف اجابتي لم تحوز علر رضا اللجنه ولم يتم قبولي

[انجليزيه]

الله يسهل عليك مس ديدي بس حابه اسالك متى قدمتي على دي الوظايف ......هل انتي مقدمه من اول والا تقديم جديد.............لاني انا قبل سنه سويت مقابله عندهم بس ماقبلوني......
..هل هما اذا احتاجو ياخذون من اللي عندهم ولا لازم تقديم جديد..........شكرا

[miss _dede]

هلا اختي انا قدمت قبل شهر تقريبااا نزل اعلان وقدمت على اساسه ؟,,, الله يوفق الجميع ,,, احتاج خبرتكم الله يبارك فيكم

[التنظيم والتطوير الاداري]

المشاركة الأصلية كتبت بواسطة miss _dede السلام عليكم اخواتي واخواني الله يسعدكم اليوم دقوا علي فرع رابغ وقالوا لي عندك مقابله شخصيه فالله يسعدكم سااعدوني وايش خبرتكم السابقه مع فرع رابغ انا تخصصصي حاسب الي ميين ممكن تكون اللجنه وايش ممكن يسالوا واذا سالوني عرفي عن نفسك ايش اقول وكمان ناهي نقاط الضعف والقوة وكمان كيف ممكن تطوري التعليم وكيف تتعاملي مع الطالبات اللله يسعدكم ابغى اجاباتكم لاني سبق ودخلت مقابلات لكن للاسف اجابتي لم تحوز علر رضا اللجنه ولم يتم قبولي

أول شي مبروك الترشيح و ان شاءالله بعدها القبول النهائي
راح أفيدك باللي أعرفه قدّ ما اقدر
من ناحية تعرّفي عن نفسك .. مايبون يعرفون انتي متى ولدتي و قصة حياتك
تعرفي عن نفسك بتخصصك و تاريخ تخرجك وايش تملكين من دورات
وفكرة عامة عن الدورات و الفترة اللي قضيتها بعد التخرج .. يعني مثلا تقولي التحقت بعد تخرجي بعدد من الدورات بين حاسب و لغه و مهارات
نقاط القوة .. اكيد سهله بتعرفين تقولينها
بس نقاط الضعف هي المطبّ .. انتي استفيدي من السؤال ولا تقولين اي نقطة ضعف
بالعكس هذا السؤال مكسب
اذكري شي كنقطة ضعف بس يحسب لك كقوة
مثلا .. قولي أهتمّ بالتفاصيل جدا .. لكن مايمنع اني انهي عملي و المطلوب مني في الوقت المحدد
تعامل الطالبات .. ماعندي فكرة والله .. يمكن الناس التربويين يساعدونك
مافهمت سالفة تطوري التعليم؟؟؟
طبعا لا تنسين الاسئلة العامة
ممكن يسالونك عن الاحداث السياسية او الاقتصادية على مستوى العالم او المستوى المحلي
عن آخر كتاب قريتيه
ممكن يسالونك عن شخصيات ايش مناصبها
مثلا مين وزير الداخلية
يسالونك عن منظمات ايش عملها
ثقافه عامه يعني
انتي قبل لا تروحي شيكي على الشريط الاخباري في قناة العربية وكمان السعودية
و اسمعي الاذاعة في الطريق

عموما .. الله يوفقك و يسهل لك .. دعواتك ان ربي يرزقني الوظيفة و يكتبها لي

[miss _dede]

الله يجزاك خير اختي .... الله يكتب لي ولك وللجميع يااارب الوظيفه اللي فيها خير لنا ويرزقنا حسن النيه والعمل ويبارك لنا ف اوقاتنا للخير دوما ونفع الامه يااارب

[سراب الروح]

السلام عليكم’

هل لي بخدمة منكم عزيزاتي وأكون شاكره لكم’

أود منكم أخباري بحسب معلوماتكم هل تم قبول معيدة من قبل بمعدل 3.75 بغض النظر عن التخصص’

وهل معدل 3.75 من الصعب قبوله في وظيفة معيدة حيث الالوية للامتياز’

وجزاكم الله خير وأدام الله تجمعكم بالخير ’

شكرآ جزيلاً’

[طآلبهـ جآمـع ــيـة]

دولة الابتعاث
تحددها الجامعة ؟!!
ولا انا أختارها ؟
وهل تبتعث لدول عربية ؟؟ ولا بس امريكا وبريطانيا والذي منو ...

[يارب تحقق حلمي]

السلام عليكم ورحمة الله وبركاته

الله يجزكم خير

بسالكم :

1- متى عادة يكون الاعلان لتقديم لوظائف الاعادة ؟؟؟

2- كم المعدل المعتاد الي يخذونه؟؟

3- ايش الاختبارت الي يطلبونها عشان اجهز نفسي لان بالانجليزي صفر والله .

4- بالنسبة لقسم التربية الخاصة الله يجزكم خير هل يطلبون معيدات
والحمدلله معدلي ممتاز مع مرتبة الشرف الاولى بس المشكلة بالمسار (إضطرابات تواصل )
ونادر هالمسار .. الحمدلله في وظائف بالوزارة بس انا مرررررررة حلمي اكمل بدراستي بالخارج
والله يكتبها لي يارب ولكم ..

وموفقين لكل خير وبركة .

[Hla11]

المشاركة الأصلية كتبت بواسطة يارب تحقق حلمي السلام عليكم ورحمة الله وبركاته وعليكم السلام ورحمة الله وبركاته الله يجزكم خير بسالكم : 1- متى عادة يكون الاعلان لتقديم لوظائف الاعادة ؟؟؟ مافي وقت محدد ,تابعي أخبار الوظايف في موقع الجامعة أول بأول 2- كم المعدل المعتاد الي يخذونه؟؟ غالبا الأعلى بين المتقدمين بس كمان المقابلة تؤثر 3- ايش الاختبارت الي يطلبونها عشان اجهز نفسي لان بالانجليزي صفر والله . حاولي تأخذي دورات لحد مايعلنوا وظائف والانجليزي الستيب مطلوب بس مو درجة معينة لان في المفاضلة 10% على درجة اللغه الانجليزية , وحاولي تزيد درجتك عن 50 من 100 4- بالنسبة لقسم التربية الخاصة الله يجزكم خير هل يطلبون معيدات والحمدلله معدلي ممتاز مع مرتبة الشرف الاولى بس المشكلة بالمسار (إضطرابات تواصل ) ونادر هالمسار .. الحمدلله في وظائف بالوزارة بس انا مرررررررة حلمي اكمل بدراستي بالخارج والله يكتبها لي يارب ولكم .. وموفقين لكل خير وبركة .

ماأعرف بالنسبة لتخصصك ,الله يوفقك يارب