قـــــــــروب طــــآلــــبـــآت ادآرة أعـــمــــآل الــمسـتوى السـآبع ومـآفـــوق 2012

[أم زهور]

المشاركة الأصلية كتبت بواسطة gardenia حبيبتي أنا زيك والله كنت بفكر أضغط نفسي في ترمين وأخلص لكن لقيت إنو رح ينزل معدلي لما أجمع مواد صعبه في ترم واحد وحرام صراحه نحنا مانصدق إنه نطلعه شويه وقسمت موادي على 3 أترام .. أنا مع أختك صراحه لأنه الترم الأخير لازم تكون مواده خفيفه عشان تفضي نفسك للبحث والتدريب!! ومايكون معاه إلا ماده أو مادتين وتكون سهله وماتحتاج وقت طويل لمذاكرتها !! أنا كدآ رأيي وكمان خذي آرآء البنوتات إنشـآلله يفيدوكي :) وإستخيري ياقلبي والله رح ترتاحي بإذن المولى والله يوفقك يآربــ

انا افكر نفس تفكيرك

قلت اخفف عني المواد غلشان يكون تركيزي في المذاكرة افضل لما تكون المواد اقل

واضافت ترم يساعد كثير في رفع المعدل

ايش موادك السمستر ذا

[gardenia]

المشاركة الأصلية كتبت بواسطة أم زهور انا افكر نفس تفكيرك قلت اخفف عني المواد غلشان يكون تركيزي في المذاكرة افضل لما تكون المواد اقل واضافت ترم يساعد كثير في رفع المعدل ايش موادك السمستر ذا

حبيبتي موآدي في توقيعي

[أم زهور]

المشاركة الأصلية كتبت بواسطة mona alharbi أم زهور حياك الله معنا و نصيحتي لك خذيها بترمين و إفتكي .. لأنك لو أخذتي 4 مواد ما راح تأثر ع المعدل مثل 6 لو أخذتي 6 لازم تختارين أفضل دكاترة و ما تكون كل المواد صعبة ولا كلها سهلة يعني نسقي جدولك و عندك الصيف تقدرين تمسكين فيه مادتين أقل شي تذاكرينها قبل لا تبدا السنة موفقة عزيزتي

صح كلامك بالنسبة للدكاترة بس بالنسبة للمواد بالعكس لما تكون المواد اقل ارتفاع المعدل يكون اعلى وبدل ماركز على 6 مواد اركز في المذاكرة على 4 ويزيد ترم يكون فرصه ارفع معدلي

[سهاام الليل]

السلام عليكم ورحمة الله وبركاته
صباح الخير
كيفكوم بنوتاات ايش اخباركم

[Emymo]

المشاركة الأصلية كتبت بواسطة ام سطام كيفكم بنات حابه اسالكم وإن شاء الله تفيدوني عندي قياده وابتكار مع خالد الشعيبي وثقافات متعدده مع العيتاني من وين نذاكرهم كتب ولا ملخصات وقولولي عنه ومشكورين بنات ع تعاونكم احلى قروب والله (:

انا اخذت السمستر اللي راح القيادة مع خالد كتاب مصور مافي غيره في مكتبة خوارزم في الجامعة تلاقيه واسمه القيادة والابتكار كل الفصول معانا ما عدا الفصل التاسع والعاشر والفصلين الاخيرة اعطانا فيها كذا بس رووس اقلام المادة روعة وممتعة في مذاكرتها بس تحتاج تركيز لانه في تشابه بين القيادات كان مطلوب مننا فقط وصف النظرية وكيف تعمل ونقاط الضعف والقوة فقط والباقي غير مطالبين بيه .ملاحظه فيه لها ملزمة انا اطلعت عليها بس ما عجبتني حسيت انها تلخبط وكانت هي نفس اللي بيعرضو الاستاذ في الشاشة لطالب اسمه ناصر بس انا ارتحت للكتاب ريحني اكثر وفهمت مته اكثر ممكن تاخذي الملزمة من باب المراجعة في الاخر .
وثقافات المادة روعة وتهبل بس انا اخذتها مع غادة وكانت حلوة والمذاكرة كانت من كتاب اسمه اصول التفاوض بس اتوقع انها راح تكون احلى مع العيتاني وانه اكيد منزل لها ملزمة انت ابحث في المنتدى عند الطلاب واكيد بتلاقي باذن الله دعواتك .
وبالتوفيييييييييييييييييييق .

[Emymo]

المشاركة الأصلية كتبت بواسطة أم زهور صح كلامك بالنسبة للدكاترة بس بالنسبة للمواد بالعكس لما تكون المواد اقل ارتفاع المعدل يكون اعلى وبدل ماركز على 6 مواد اركز في المذاكرة على 4 ويزيد ترم يكون فرصه ارفع معدلي

انا برضو اتفق معاكي لاحظت عن خبرة في اللعب في الجدول يا انا لعبت لعب بصراحة السمستر الذي اخذ فيه مواد قليلة درجاتي احلى ويزيد معدلي وااسمستر اللي اخذ فيه 6 مواد درجاتي مش راضية عنها والمعدل ان ما نقص ثبت ياجبل ما يهزك ريح .

[Emymo]

يا قموووووورات مين تعرف الاستاذة امل عرب كيف اسلوبها وطريقتها ودرجاتها

[عبق الورد~]

المشاركة الأصلية كتبت بواسطة غلا&جده طيب انا موارد بشريه ايش المواد الحره لقسسمي لان في موقع العماده فيه بس الاختياري

أي مادة تزيد عن الإختياري وهي من الإختياري تصير حرة
اي مادة من خارج المواد الإختيارية تكون حرة

تقدري تاخذي 4 مواد من قائمه الاختياري وماده حره
بالتوووووفيق

[عبق الورد~]

المشاركة الأصلية كتبت بواسطة أم زهور والله بخير ياقاردينيا وحشتيني انت والبنات والله ياقلبي الكمبيونر حقي خربان باقيلي 11 مادة فكرة اني اخذ 4 الترم ذا و4 الترم الجاي و3 اخر ترم علشان معدلي نازل وابغى ارفعه 1-ادارة استراتيجيه 2- بحوث عمليات 3-ادارة موارد بشرية بالانجليزي 4- ادارة اعمال في ثقافات متعدده 5-بحث وتدريب 6- ثقافة اسلاميه4 7-لغه انجليزي 2 ومادتين حرة ومادتيت اختياريه

أم زهور انا من وجهت نظري اشوف تقسيمك مرره حلو...
اذا معدلك نازل حاولي ترفعيه قدر الامكان....
شوفي انا السمستر اللي فات كنت منزله 5 مواد وجدي الله يرحمه توفى قبل الاختبارات بكم يوم ماقدرت اختبر رحت الجامعه حذفت مادتين واخذت 3 مواد
مبادئ علوم سياسيه جبتa+والحمدالله وتطوير تنظيمي وجبت a+ والحمدالله وثقافات متعدده جبتb+ والحمدالله
المعدل عندي اترفع ولله الحمد تاخذي قليل وترفعي المعدل والا تاخذي كثير وتخسفي المعدل
والقرار يعود لكي...استخيري وقرري...وبالتوفيق

[om shooq]

بنات ايش اسهل هل اخذ اداره الخدمات الصحيه مع نرفانا ؟ او سياسه عامه وصناعه القرار مع خديجه الحربي؟