وظائف للمعيدين والمعيدات-والمحاضرين والمحاضرات بكلية العلوم والاداب بخليص

[كونفيشكـا]

المشاركة الأصلية كتبت بواسطة eeeee انا انقليزي عدد الطالبات يوم الاختبار 25 واللي اترشح للمقابلة فقط 12 طالبة اول شي تسوي مقابلة مع الوكيلة والمصريه سالوني كم تتوقعين جبتي في الاختبار؟ واذا جاتك فرصة نقل هل تنقلين؟ فقط سؤالين وطلعت رحت لغرفة ثانية فيها 3 استاذات سوولي مقابلة وحده سعودية وحده سودانية وحده باكستانية اللي افتكرها 5 اسئلة ولا سؤال عام ولا سؤال شخصي ابدا غير عرفي عن نفسك اسئلتهم عن طريقتك في التدريس وكيف تتحكمين في الكلاس واية منهج تستخدمي في التدريس وكيف تتعاملي مع البنت اللي مستواها منخفض وايش الطريقع اللي تنصحينهم عشان يحفظو فوكابلاري هادي الاشيا احنا درسناها بالانقلش طرق التدريس والمناهج عشان كدا اقول انها اسئله في التخصص

الله يوفقك ويجعلها من نصيبك

[EEEEE]

ما طلبو اوراق ولا شافو شي من الاوراق يعني جبت الملف على الفاضي حتى اثبات هوية ماطلبو يعني بس دخلت قلت اسمي وخلصت مقابلة وطلعت

بس للاحتياط شيلي اوراقك هما مزاجات

[EEEEE]

احنا معيدات انقلش عددنا 12 وحطونا مع معيدات من اقسام ثانية في احصاء ومهارات ومدري ايش كمان
والمحاضرات حطوهم في غرفه ثانية ماشفتهم ولا شفت عددهم اصلن قسم الانقليزي مااظن فيه احد مقدم محاضرة

[ام فرح وذكرى]

نداء الى معيدات مهارات اتصال ها طمنونا عنكم وهل معاكم محاضرات ارجوووووووكم ردووووو

[n e v e r]

-


اممم انا انقلش ورحت للمقابله اليوم
الحمد الله على كل حال ، انا اخذت بالاسباب سعيت لرزقي واللي يصير يصر

I have no regrets

-



بنات بس نسيت ما اسال متى النتايج ؟!
اللي عندها فكره ياليت تقول :(




..

[دلع واسلوبها ولع]

المشاركة الأصلية كتبت بواسطة n e v e r - اممم انا انقلش ورحت للمقابله اليوم الحمد الله على كل حال ، انا اخذت بالاسباب سعيت لرزقي واللي يصير يصر i have no regrets - بنات بس نسيت ما اسال متى النتايج ؟! اللي عندها فكره ياليت تقول :( ..

وحده من البنات سالت و قالولها تقريبا اسبوعين و يبلغوا المقبولات

اما عن المقابله
انا بصراحه كما توقعت جبت العيد
خليت توتري و ارتباكي يتحكم فيني
اول تجربه ليا
اللي الله كاتبه انا راضيه فيه
الحمد لله على كل حال

[n e v e r]

المشاركة الأصلية كتبت بواسطة دلع واسلوبها ولع وحده من البنات سالت و قالولها تقريبا اسبوعين و يبلغوا المقبولات اما عن المقابله انا بصراحه كما توقعت جبت العيد خليت توتري و ارتباكي يتحكم فيني اول تجربه ليا اللي الله كاتبه انا راضيه فيه الحمد لله على كل حال

بعد اسبوعين الله يعين

هههههههههه المقابله جبت فيها الكريسماس خليني ساكته بس
حتى انا اول تجربه لي في المقابله بس قلت كويس اخذت فكره عن طريقتها
عشان المرات الجايه اكون مستعده ان شاء الله :)

ي رب يكتب لنا الخير وين ما كان :)




..

[fresh water]

الله يكتبلنا الخير ويرضيناه به

[امونة المزيونة]

انا رحت المقابلة اليوم تخصص مهارات كونا برضو 12 اصلا هم اللي دخلو الاختبار هما اللي عملو المقابلة ومافي محاضرات يا ام فرح وذكرى كولنا اعادة .. بس البنات يقولو المحاضرات بغرفة تانية يعني ممكن فيه بس ماشفناهم...:)

المقابلة زي ماذكرت الاخت مرتين مرة عامة ومرة بالتخصص ، صراحة التخصص تعمقو فيه يعني ماكان احد حاط ببالو يسألو اسئلة بالتخصص لانو سبق واختبرنا يعني تفاجأنا بالاسئلة...

بكتبهاا ممكن تفيد احد بأحد الايام:)
اول شي تكلمي عن نفسك ، ولما قلت تخصصي علم نفس قالتلي الاستازة السودانية تخصص جميل بس اش علاقته بمهارات الاتصال؟ وسألتني بعدها هل لمهارات الاتصال علاقة بالعلوم الاخرى؟! قلت طبعا يدخل بكل العلوم قالت زي ايش ومثلي؟!
وسألتني عن نظريات الاتصال قمت عطيتها كم شغلة قامت تضحك وقالت لو مو عارفة ياايمان لا تألفي قلت طيب بس كأنو قريت كذا:d
وسألتني عن الحوار الايجابي والسلبي والفرق يينهم؟! وانواع المتلقي؟ وقالت كلمة جدل وكلمة حوار اي وحدة مشتقة من الثانية وسألت سؤال بتخصصي موقف افتراضي لطالبة متمردة وطالبة جانحة اش تعملي معاهم؟! وعطتني كلمااات بالعربي اترجمهاا انقلش ههههههه وماااا احس اني اخترعت لغة جديدة :p
حتى الاستازة نفسها استغربت:/
وجات الاستازة السعودية وسألتني وقالت بحكم انك دارسة علم نفس>> لما يقولو هالجملة تحسي شي بيجيكي بعميييق التخصص وتجيك المغصه بالبطن خخخ
المهم قالتي لو عندك طفل عنده فرط حركة وطفل انطواي كيف توفقي بينهم وتخليهم بنسجمو مع بعض؟؟!!!

هذي الاسئلة طبعاااا لازم من سرعة البديهه اول ماتسأل ويخطر شي ببالك جاااوبي لانو اغلب الاسئلة اقعد افكر فيها ولما اجي اجاوب تجي تسأل سؤال ثاني ماتعطي فرصة تفكري ابداااا ، حتى لو ابتذكر شي عالطول تقطع ويجيك سؤال ثاني ....!

يعني كلو تأليف بتأليف لانو ماكنت مستعدة ابدا انسأل كذا اسئلة متعمقة:( بس تراهم حبوبين يعني مايخوفو ولا ياكلو ههههههه عشان والله البنات يفجعو يخرجو زعلانين ووجيههم ملونة او معصبين تحسي معارك بتصير جوا بس لما دخلت حسيتهم عادي صح ماكنت بيرفكت بس مو لدرجة انهم يستفزوا مرة..:)


بس والله تعبت لجنة وحدة لكل المترشحات وانا كونت ااااخر وحدة بكل المتقدماات ، قفلت الجامعة بعدي هههههه بس الحمدلله ع كل حاااااال ويارب تبشرناااا عما قريب...:)
يعني ناامووو قبلها كووووويس انا جيت 10 الا ومادخلت المقابلة الا وحدة ونص!!

واللي يسألو متى النتايج وحدة قالت عالاسبوع الجاي وانا سألت استاذة اسماء لما خرجت قالت ماعندنا خبر متى بس راح نبلغكم بالمسجات ، بس مو بعيد..:)

[هنووو1]

fresh water

سؤال هل وصلت لك رسالة مقابلة والا لا
ومتى راح تكون مقابلة بنات الكيمياء