تجمع للمعيدات ،،،، ولكل من تطمح ان تكون معيده ،،

[LoLo ^^]

المشاركة الأصلية كتبت بواسطة زوزو الكمونه كنت ابي اسىل مين مقدم معيد قسم ملابس ونسيج

أنا كمان قدمت على وظيفة معيد قسم الملابس والنسيج وعملت المقابلة يوم 1434/5/27
دحين مر شهر وأسبوع ولا في أي خبر هل يا ترى عينوا أحد ومتى تتوقعوا راح تتطلع النتائج تعببببت من الانتظار اللي يحرق الاعصاب والله المستعان..
في وحدة عندها خبر واللي قد اتعينت معيدة في جامعة الملك عبد العزيز تفيدنا كم تستغرق المدة بين المقابلة والنتائج .. ؟؟
بليييييز ردوا الله يخليكم .. متابعتكم من زمان واليوم سجلت عشان أعلق
أتمنى تفيدوني
وشكرا

[LoLo ^^]

و حبيت أكتب تجربتي في المقابلة الشخصية قبل ما أنساها..
نحن المرشحات كان عددنا 29 مقسمات على يومين للمقابلة الشخصية..
الشروط كانت :
- التوفل أو بديل التوفل الدرجة المطلوبة في الاستيب اقل شئ 52 وهي تعادل 400 في التوفل.
- دورات حاسب آلي
- أنشطة علمية ( سألتهم عن الأنشطة العلمية قالوا يعني أي نشاط نفذتيه أو قمتي بيه بعد مرحلة البكالوريوس)
- ملف الأعمال (بما أننا مهني طلبوا مننا نصور أعمالنا ونطبعها اللي عملناها خلال الدراسة أو بعدها)
ويوم تسليم الملف قالت الموظفة لازم تسلموا سيرة ذاتية مع أنها ما كانت مكتوبة في الإعلان ..
نجي ليوم المقابلة إحنا كنا 29 مقسمين على يومين على حسب تسليم الملفات يعني اللي سلموا ملفاتهم بدري كانوا في اليوم الأول والنص الثاني في اليوم الذي يليه.
ويوم المقابلة وزعوا أرقام كمان على حسب اللي يجئ بدري وحطونا في غرفة للانتظار ولما صارت الساعة 9 بدأوا ينادوا اللي رقمها واحد واللي رقمها اثنين تكون مستعدة.. جالسة قريب..
بالنسبة لأسئلة المقابلة سألوني :
أول شئ عرفي بنفسك ..
ومن خلال تعريفي بنفسي تشعبت الأسئلة ..
طبعا في التعريف بالنفس تقولي كل شئ مكتوب في السيرة الذاتية خليكي حافظتها تمام واتدربي عليها أكثر من مرة عشان ما ترتبكي وحلو لو احد سوالك بروفة
كانت اللجنة عبارة عن 4 دكتورات من بينهم (د.مها دباغ ود. إيمان عبد القادر و د. نهلة قهوجي)
الصراحة كانوا قمة في الأخلاق يعني ما استخدموا أسلوب الاستفزاز المتعمد في بعض الجامعات.. وتحسي بالراحة وانتي تتكلمي.. أهم شئ تكوني واثقة..
وبعد التعريف بالنفس سألوا معظمنا ايش ممكن تقدمي للقسم يعني كيف تطوريه؟ وفي وحدة كانت من خارج جدة فسألوها كيف ممكن تجئ للجامعة وهل حتسكني في جدة ولا حتكوني رايحة جايية يومياً ؟
ومن الاسئلة كمان ايش سلبياتك وايجابياتك؟
ليش اخترتي جامعة الملك عبد العزيز بالذات للتعيين فيها؟
ايش الشي المميز فيكي عشان يخلينا نختارك معيدة؟
هل انتي مارستي الخياطة بعد التخرج؟
هل عمرك خيطتي لنفسك؟
تقريبا هذا اللي يحضرني
والله يوفقنا جميعاً

[LoLo ^^]

وينكم يا أخوات الله يجزاكم خير ..
أرجوكم اللي تعرف كم تستغرق المدة بين المقابلة والنتائج تفيدنا

[زوزو الكمونه]

ان اتصلت الاسبوع اللي فات قالوا انه لسى مااعلنت النتائج

[LoLo ^^]

المشاركة الأصلية كتبت بواسطة زوزو الكمونه ان اتصلت الاسبوع اللي فات قالوا انه لسى مااعلنت النتائج

اهاا الله يبشرنا بما يسرنا ويكتب لنا الخير يارب.. ويرضينا
سألتي مين يا غالية؟

[زوزو الكمونه]

الرقم اللي في الايصال لمن اعطيتهم الملف

[5o5a89]

بنات حابة استفسر
متى تفتح المسابقة الوظيفية لبنات اقتصاد وادارة
وهل التوفل مطلوب ؟ ولو مطلوب اختبره في الجامعة ؟ ولا يكون معايا من قبل ما اتقدم عالوظيفة؟؟

جزاكم الله خير

[السمو3]

يارب وفقهم جميعا

[نوف الحربي.]

يا حلوات محتاجه نصيحتكم انا قدمت على جامعة القصيم معيده
و مقابلتي بإذن الله يوم الاثنين ، و انا انقبلت ماستر في جامعة الملك
عبد العزيز و دراستي بإذن الله بشهر 10
تنصحوني اقول لهم عن الماستر و الا اسكت
بجد محتاره

[vsvosa]

نصيحتي لكي ما تخبريهم هوا دا المفروض في اي مقابله شخصية في اي عمل
لان حيقولو دي مو متفرغه للوظيفة وتكون ليكي نقطة سلبية ليكي عندهم
والافضل ليكي تمشي امورك هنا وهنا لانك مو ظامنة الوظيفة
لو ما كانت من نصيبك كملي ماستر ولو جاتك باذن الله اختاريها لانهم حيخلوكي تدرسي ماستر عندهم وكدا تكسبي الاتنين


والله يوفقك ويسهل امورك يارب ويبشرك بالخيير