{ .. تجمع طالبات الإنتساب لمـواد المستوى الثـالث ..} كل ما يتعلق بالدورة ..~

[ام حمدان]

هالرابط يحتوي على نموذج امتحان للثقافه 201 + العربي201


http://www.skaau.com/vb/showthread.php?t=300457

[الملاك الأبيض]

المشاركة الأصلية كتبت بواسطة pop corn السلام عليكم بنات بنات لو سمحتوا أنا اشتريت كتاب الفرنسي مصور وللأسف طلع ناقص درسين و مرة قريت انو فيه وحدة الله يجزاها خير منزلة رابظ تحميل الكتاب ... لو محتوا اللي عندها الرابط تنزله عشان ابغى احمل الكتاب و يعطيككم العافية يارب موفقين بإذن الله

ايوة عزيزتي بالنسبة لكتاب الفرنسي معظم البنات جاهم ناقص الدرسين 4 و5 بس في رابط هنا راح انزله من اعداد الخت بيبر جزاها الله خير كل اللي عليك تاخدي
الروابط وعددها 9 وتحمليها رابط رابط وبعدين تفكي الضغط عنهم وتطبعي الدرسين الناقصة عندك

وبالتوفيق يارب وهذا الرابط :

http://www.skaau.com/vb/showthread.php?t=261513

[الملاك الأبيض]

المشاركة الأصلية كتبت بواسطة sosa20o0o5 بنات الله يخليكم ضروري تقولو في الدوره الاستاذه بتحاول تكتب معاكم مواضيع عن ايش مثلا ولا بتذكر امثله انو ممكن يجي في الاختبار انو نكتب عن حاجه معينه مثلا وشكرا

بالنسبة لسؤالك عن المواضيع احنا سالنا استاذة الرايتينق اليوم عن مواضيع الرايتينق وقالت انو راح يجينا بس ايساي وراح تعطينا 4 او 5 مواضيع نختار واحد منها ونكتب عنه وقالت المواضيع اللي راح تجيبها

راح تكون مواضيع عامة يعني الكل عنده معلومات عنها مثلا ممكن تعطينا موضوع واقول قارني بين دراسة الانتساب والانتظام .

او مثلا اكتبي عن دراسة السنترا اسباب كرهك او حبك لها وهكذا . يعني راح تكون عن شي معروف

وبس اهم شي انك تتدربي على الكتابة وعلى قواعد الكتابة لانو الموضوع اللي بنكتبه عليه 100 درجة .
الله يوفقنا جميع لما يحبه ويرضاه .

[الملاك الأبيض]

الاخت العزيزة ام حمدان ربي لايحرمنا من كلماتك العذبة وشرحك الجميل اللي تنقذينا فيه بصراحة انا فخورة ومبسوطة بتواجدك بيننا وربي لايحرمنا هالطلة الحلوة .

بالنسبة للسفيكس والبريفكس انا مريت عليه بس مذكور عندنا بشكل مختصر جدا لدرجة انو مو كل الاضافات موجودة حتى انا استغربت انو البنات يقولوا عليها سؤال بس الحمد لله انك وضحت لنا الموضوع . الله يفتح عليك بالفهم والحفظ
ويرزقك النجاح والسعادة .

[ام حمدان]

الله يسعدكم يابنات كلامكم ودعواتكم مرره يفرحني خاصه مع نفسيتي السيئه هالفتره ولكم جميعا بمثل مادعوتم يارب

الي بتسئل عن الرايتنق ههههههه فكرتيني لمن كنا زيكم كنا بنموت من الخوف خاصه انه نظام الاسئلة تغير على حظنا
دفعة 09 معروف عنها دفعة التجارب كل شي جديد تطبق علينا:)

المهم مالك بالطويله
في الرايتنق مو شرط المواضيع الي تركز عليها الاستاذه في المحاضره معناتها راح تجي

هم صح يجيبوا موضوع من برى المنهج لكن يكون موضوع مفهوم للكل في الغالب وعندكم فوكابلري عنه

اكثر المواضيع الي جابوا خلال الفتره الماضيه كانت اغلبها تتعلق بالتعليم
احنا افتكر جانا في رايتنق 1
موضوعين
واحد عن your dream job
وتكتبي ايش هي وايش تتمني يصير في المستقبل وقت ماتتوضفي فيها وكذا

وكمان اكتبي عن مكان زرتيه وعلق في ذاكرتك وليه

يعني في السؤال نفسه يعطوكم شوي تلميحات عن ايش ممكن تكتبوا في الموضوع والاستاذات راح يفهموكم لو مافهمتوا في الامتحان لاتخافوا

في رايتنق 2 مره جاهم اكتبي مقال مقارنه عن تعلم الانجليزي في امريكا وتعلم الانجليزي في السعوديه

والترم الماضي جاهم يختاروا موضوع من بين اثنين
واحد مو فاكره والله عن ايش لاني مااخذت الماده بس افتكر صاحباتي قالولي انه كان موضوع عن الطفوله تعبري عن طفولتك او شي زي كذا مو فاكره
اما صاحباتي اغلبهم اختاروا يكتبوا عن الموضوع الثاني الي هو
مقارنه بين نظام الانتساب او التعليم عن بعد وبين دراسه الانتظام

يعني بإختصار المواضيع ماتكون صعبه
وخلوا دايما عندكم افكار جاهزه وعبارات بالذات عن اي موضوع يتعلق بمجال التعليم
وشوفوا المواضيع الي تركز عليها الاستاذه ايش هي ودوروا عليها في النت يمكن تفيدكم ماتدروا

موفقين ياعزيزاتي

[sosa20o0o5]

شكرا ام حمدان والملاك الابيض بس حبايب عندي سؤال ثاني ال100 درجه كلها بتكون على الموضوع مافي اي سؤال ثاني يتعلق بطريقة الكتابه او خطواتها او اي شي من الي في الكتاب يعني احنا عندنا اشياء كثيره في الكتاب بس ما ادري هل كل الاشياء هذي نذاكرها او بس الي في الهاند اوت وشكرررررررررررررا مره ثانيه على مجهوداتكم والله يوفقكم جميعا

[ام حمدان]

ماادري احنا كنا غير لا تنسي وكذا مره انبه على هالشي
احنا نهائي ماجانا شي غير موضوعين نعبر عنها فقط
طيب استاذتكم ايش قالت لكم جابت سيره شي راح يجي غير سؤال المقال

لانه انا شفت النموذج تبع الرايتنق 1 في الدليل الارشادي وماكان فيه غير سؤال عن كتابة مقال وطبعا مو محدد عن ايه تكتبوا
لكن في الامتحان يحددوا وممكن يعطوكم اكثر من خيار يعني لابد واحد من لمواضيع يكون سهل عليكم وتقدروا تعبروا عنه

اما في رايتنق 2 راح يكون في اسئله بسيطه عن قواعد معينه في المنهج الى جانب سؤال المقال وطبعا معروف الدرجه الاكبر تكون على المقال

[الملاك الأبيض]

المشاركة الأصلية كتبت بواسطة sosa20o0o5 شكرا ام حمدان والملاك الابيض بس حبايب عندي سؤال ثاني ال100 درجه كلها بتكون على الموضوع مافي اي سؤال ثاني يتعلق بطريقة الكتابه او خطواتها او اي شي من الي في الكتاب يعني احنا عندنا اشياء كثيره في الكتاب بس ما ادري هل كل الاشياء هذي نذاكرها او بس الي في الهاند اوت وشكرررررررررررررا مره ثانيه على مجهوداتكم والله يوفقكم جميعا

اخت سوسا ايوة كلها على الايساي مافي اي اسئلة ثانية كذا استاذتنا قالت .
وانا بالنسبة لي ماراح امسك الكتاب لانو احس كل شي في الهاند اوت وهي ماشرحت الا الهاند اوت وهو ميسر وملخص بشكل حلو.

[الملاك الأبيض]

المشاركة الأصلية كتبت بواسطة wafoo مساءالخير ... بنات الله يسعدكم تمرين 4 صفحه 141 في الريدنق ايش المطلوب منه بالتحديد ماني عارفة ايش يقصدون فية ياليت اللي تعرف تفيدنا ويعطيكم العافية...

هلوو وافوو التمرين هذا مافي شي بس يقولك ركزي على الكلمات وتعلميها وحاولي تحفظي معانيها وبس

واللي حاسة نفسك حافظيتها مرة وفاهميتها حطي قدامها صح وبس.

هاذا التمرين راح يمر زيه كثير في التشابتر 5 و6 وكلها نفس الطريقة يعني اجلسي وسمي بالرحمن واحفظي. وبس

[الملاك الأبيض]

المشاركة الأصلية كتبت بواسطة wafoo فديتك انا ياقمر عسى الله يوفقك يااااااااااارب ويبارك فيك ... طيب احفظ معانيها بالانقليش ولا بالعربي لانه انا ماحفظت الا اللي في القطع بس طلعت معناها بالانقليش وحفظتها اما الباقي نفس اللي في المثال هذا ماطلعت معناها بالانقليش حفظت معناها بس بالعربي .... بلييييز ياقمر انا كذا تمااام ولا لا؟

ايوة وافو بالنسبة للكلمات حفظ معناها بالعربي راح يكون لنفسك حتى تفهمي الكلمة اما في الامتحان راح يطلبوا معناها بالانقلش طبعا مو شرط انو تكتبي التعريف كانو من ديكشنيري بس حاولي تعرفي الكلمة

بكلمات ولو من راسك وفهمك بس انها تؤدي المعنى المطلوب والصحيح للكلمة .

خدي مثلا نموذج على السؤال اللي يجي عليه في الامتحان هذا السؤال :

B. Define the following vocabularies:

Professional: …
adj>> related to work that needs special training or education
Noun>> a person who has the type of job that needs a high level of education and training
…………………………..
Facilities: …
Noun >> a place, especially including buildings, where a particular activity happens
………………………………
Prediction:
prediction when you say what will happen in the future

………………………………..
طبعا راح تحليها وتعرفي الكلمة من فهمك وتحاولي توصلي للمعنى المطلوب
اتمنى تكوني فهمت علي ووصلت المعلومة تمام .