بنات الانتساب براكتكم مع د/سوزان

[سهر]

الله يستر يابنات ونعدي على خيــر
في لحظه من اللحظات قررت اني ماادخل الاختبار بسب الخــوف لكن لعنت ابليس وقاعده اذاكر :)

[bink panther]

يبناات ايشفيكم الله يهديكم بس

انتو كدا شخصيات قلقة اصلا
والا دا تاثير البراكتكيم والا تاثير الدكتوره
والا ايش الهرجه

ترى الماده سههههههله خاصة اذا انتوا ذاكرتوا وانا اتقوع انكم مذاكرين
واذا على الدكتوره ترى هيه مو غبيه للدرجه دي انها تعيد نفس الموقف مره تانيه
باي شكل يعني اولا قالت الكتاب كله معاكم من الجلده للجلده يعني ماقالت في شي محذوف
وراح تغير كلامها وتجيب منو في الاختبار
وفي نفس الوقت نوعية الماده زي ماانتو شايفينها ماتتحمل شطاره زايده والا تعقيد في الاسئله
اذا جابت صح وخطا او فراغات او تعداد او حتى شرح الماده وااضحه
بس انتوا متخوفين عشان الدكتوره الله يسامحها ادتكم دا الانطباع اللي انعكس على الماده
انتوا قاعدين تتناقلوا الاحباط بين بعضكم لا يبنات لا تسوا كده
تفائلوا يخواتي بالخير وكل وحده فيكم ترد بعدي تكتب عباره كلها هدووووووء وامل وحافز قوي للي بعدها

[Some One]

يااارب اسألك برحمتك التي وسعت السماوات والأرض..
انك تعفو عنا وتغفر لنا وترحمنا
وتوفقنا وتنجحنا في المادة هذي
وكل مواد الترم هذا
آآآمين برحمتك يا ارحم الراحمين
.......
من جد تعبنا.. بس توكلوا على الله وربنا ما حيضيعنا

[شخصية مستهدفة]

المشاركة الأصلية كتبت بواسطة bink panther بس انتوا متخوفين عشان الدكتوره الله يسامحها ادتكم دا الانطباع اللي انعكس على الماده

هو هذا اللي صار ,,,

فعلاً تأثيرها غطى علينا و على فهمنا للمادة مع انها سهـــــله ,,,

بس ان شاء الله ربي يهديها هالترم ,,!

[شخصية مستهدفة]

بنااااااااااااات كيف انطبااااعكم عن الامتحان اليوم ؟؟؟

[FREE]

يياليت لو تكتبوا لنا الاسئلة الي جاتكم بالامتحان اهو بنستفيد منها ونعرف اسلوب الدكتورة وبالتوفيق لكم جميعاااااااااا

[bink panther]

ايش اقول بس حسبي الله ونعم الوكيل

الاختبار كان سهل الى حد ما

لكن الاسئلة ما غطت المنهج كلووو زي ماهي اكلت مخنا انو الكتاب معانا من الجلده الى الجلده

يعني فيه اشياااء مررره مهمه وهي كمان وكزت عليها وقالت تاكدوا انو راح اجيبها وما جابتها

طيب لمن هيه حتجيب اختبار بدي الطريقه ليه ليه ما حذفت اشياء وخلتنا نركز على اشيااء ثانيه

وريحتنا من القلق اللي كنا فيه .. لا تقولو انتي قلتي انو لا تقلقوا ولا مدري ايه صح انا معاكم انو قلت

بس صدقوني كنت قلقانه زيكم بس ابغى اطمن نفسي واطمنكم

انا مأخذي على الاختبار انو ماكان مغطي المنهج زي ماهي كانت وقت الدوره تقولنا على اشيااء مهمه وما جابتها

يعني الاختبار مو قد المذاكره والوقت والجهد والتعب اللي حصل الله يسامحها

دا انطباعي .. وانتي بشرينا ايش سويتي وسهووره ههههههههههه فينك

[شخصية مستهدفة]

الله يهديها يارب و تنجحنا ..!

أنا نفس طريقتك ,,

الورقة الأخيرة بالأسئلة شكلها كلها غلط !!

بس الصفحتين الأولى عندي شكك ببعض الأشياء !!!

^_^

الله يستر !!!

ياااااااااااااااااااااااااااااااااااارب ننجح !

[لولو وسوسو]

عن جد كان الاختبار مرررررررررررره سهل بس للأسف ماحليت مره كويس

لأنه فعلا ماركزت على الشغلات اللي جابتها

يعني ذاكرنا وتعبنا أنفسنا بالفاضي

ان شاء الله بس أنجح لأنه الأسئله برضه مررررررره قليله

[*moon light*]

فعلا الاسئلة مرة قليل

كيف ممكن توزع 100 درجة عليها

ان شاء الله نعدي وبس