✿]:[تجمـع طـآلبـآت الإنتســآب [ مـــوآد - جـــدآول - حذف واضافة - استفسـآرات]:[✿

[#VIP#]

بنات الله يعافيكم انا باقيلي 10 مواد ممكن اتخرج خصوصا اذا فيه مواد مي راضيه تطلعلي وانا مظطره اخذها وان شاء الله اتخرج مو مهم المعدل بالنسبة لي بس سؤالي الاهم انا نازله اليوم جدة سفر ايش اجراءات التخرج وينفع اخلصها كلها اليوم لاني راجعه بنفس اليوم ومتى ساعات مس جميلة المكتبية اخاف اضرب مشوار على الفاضي الله يعافيكم ابغى الافاده وشكراً جزيلاً

[na3ome]

السلام عليكم

بخصوص مادة مقدمه في الادب
ممكن صورة او اسم الكتاب + يحتاج اشتري الملزمه الخاصه بالماده ؟


وحاجه ثانيه محاضرات الماده غير موجوده في المحاضرات المسجله ؟؟

[brancesh]

صباح الخير على الحلوين
بنات انا حابة اسالكم عن المواد التالية:
نحو
صرف
صوتيات
رواية
مقدمة في الترجمة
كنت حابة اخذ المسرحية بس البنات مانصحوني اخذها مع الرواية
والشعر احسه طويل نوعا ما ويبغى وقت ومناهج بحث مترددة اخذها خايفةمنها
ولااضيف مادة حرة مع العلم انا ماخذت ولامادة حرة لسه
محتارة جدا في اضافة المواد ويارت اصحاب الخبرة يعطونا رايهم وايش افضل المواد اللي ممكن اخذها الترم دا
الله يوفقكم جميعا ويسهل علينا كل عسير
وشكرا مقدما

[white rose]

المشاركة الأصلية كتبت بواسطة 1+1=3 حره وبكيفي مساء الخير .. كيفكم بنات ان شاء الله بخير باقي لي دراما .. شكسبير .. لغويات تطبيقيه .. براكتكم .. فكشن ايش رايكم اخذها كلها ؟؟

صباح السعادة عزيزتي

وبخير الله يسعدك ..

الفكشن فيها 3 قصص والدراما فيها 3 مسرحيات وشكسبير مسرحيتين واللغويات التطبيقية دسمة

والتدريب يعتبر اسهلهم فاذا حابة تاخذيهم سوا ممكن بس راح يكون ضغط عليك اشتغلي من اول الترم وربي يقويك عليهم :-)

المشاركة الأصلية كتبت بواسطة #VIP# بنات الله يعافيكم انا باقيلي 10 مواد ممكن اتخرج خصوصا اذا فيه مواد مي راضيه تطلعلي وانا مظطره اخذها وان شاء الله اتخرج مو مهم المعدل بالنسبة لي بس سؤالي الاهم انا نازله اليوم جدة سفر ايش اجراءات التخرج وينفع اخلصها كلها اليوم لاني راجعه بنفس اليوم ومتى ساعات مس جميلة المكتبية اخاف اضرب مشوار على الفاضي الله يعافيكم ابغى الافاده وشكراً جزيلاً

حياك عزيزتي

اذا تخرج تقدري تضيفي بس للامانة ما انصحك عشان معدلك وما تشيلي مواد لان وقت الشيلة لا قدر الله ما راح ينفعك انك ضغطتي نفسك ..لكن على العموم الاجراءات تروحي لعمادة القبول والتسجيل وخاصة المركز الشامل اللي فيها راح تلاقي ستاندات فيها اوراق خذي ورقة طلب تخرج انتساب وعبي بياناتك في بوكس الطالبة وارفقيه بصورة هويتك + الجواز واذا ما عندك جواز خذي من الاستاند ورقة تعهد انو ما عندك جواز سفر بعدها تروحي لمس جميلة وتوقع لك وتضيف لك المواد بعدين ترجعين الى المركز الشامل وتسلمي الورق لاي شباك

ساعات مس جميلة اليوم من 10 الى 12:30

وضيفي البراكتكم لانها فقط تضاف من عند مس جميلة واستفسري عن التدريب العملي مين راح تمسكها د.سوزان او شادن وروحي للمس اللي تقولك عليها واساليها عن اجراءات التدريب وايش شروط المكان اللي تدربو فيه ويمكن تخلص اجراءاتك بيوم او يومين ربي يسهلها لك :-)

المشاركة الأصلية كتبت بواسطة na3ome السلام عليكم بخصوص مادة مقدمه في الادب ممكن صورة او اسم الكتاب + يحتاج اشتري الملزمه الخاصه بالماده ؟ وحاجه ثانيه محاضرات الماده غير موجوده في المحاضرات المسجله ؟؟

وعليكم السلام ورحمة الله وبركاته

ابشري عزيزتي تلاقيها هنا : #15

وما يحتاج تشتري الكتاب وتلاقي النصوص في موضوع ام حمدان :

منهج الأدب 341 الجديد لعام 2013م- ملفات شروحات ونصوص

وممكن تشتري الملزمة اللي يطبعو فيها النصوص من مكتبة الاصلاح او الهدى

واذا المحاضرات مو موجودة ان شاء الله تحدث لكم قريب بس عموما كل استاذة ولها اسلوبها انتي ابدائي بمذاكرة الالمنت حقت كل نوع الشعر والقصة والمسرحية واقرائي النصوص والشروحات الى ان تبدا الدورة حقتكم وبكذا تكوني حضرتي نفسك تمام

واستفيدي من الملخصات :

|| فهــرس مُلخصـآت مــواد قسم اللُغَـات الأوروبيّــة لِـ العام 1434هـ - 2013 م ||

الله يفتح عليك :-)

المشاركة الأصلية كتبت بواسطة brancesh صباح الخير على الحلوين بنات انا حابة اسالكم عن المواد التالية: نحو صرف صوتيات رواية مقدمة في الترجمة كنت حابة اخذ المسرحية بس البنات مانصحوني اخذها مع الرواية والشعر احسه طويل نوعا ما ويبغى وقت ومناهج بحث مترددة اخذها خايفةمنها ولااضيف مادة حرة مع العلم انا ماخذت ولامادة حرة لسه محتارة جدا في اضافة المواد ويارت اصحاب الخبرة يعطونا رايهم وايش افضل المواد اللي ممكن اخذها الترم دا الله يوفقكم جميعا ويسهل علينا كل عسير وشكرا مقدما

صباح الفرح والسعادة هلا عزيزتي

نحو مع مس منى : مشكلتها الحضور ما تحضر كثير واسالتها تجيبها من السلايدات ركزي عليها وانتي بتذاكري ..

الصرف : مس ايمان عبده ركزي على الكتاب والسلايدات سوا هيا بالكلاسات تقول ركزوا على السلايدات بس اغلب اختبارها الترم الماضي كان من شابتر ون في الكتاب ..

الصوتيات : مس ليلى ركزي معاها بالكلاسات وشدي حيلك يمكن شرحها مو مرة فيها بس تراعي بالتصحيح واسالتها متنوعة وهذا اهم شي

المقدمة في الترجمة مع مس منال قطعتين وتترجمينهم من عربي لانجلش تراعي قواعد اللغة العربية والانجليزي والفواصل والنقط المادة طيبة بس تحتاج منك تدريب ركزي معاها كمان بالكلاسات

يصير ضيفي للمادة الخامسة يا فكشن او مسرحية او شعر

الفكشن افضل لك لانو استاذ قبل لا ترجع شادن للمادة

المسرحية ومناهج بحث مس ابتسام اول مرة تمسكهم وما نعرف طريقتها فيهم كيف راح تكون .. والشعر صحيح حجما كبير بس مجملا القصايد سهلة يعني تطلعي العناصر فقط وتفهمي الابيات واغلب الاستاذات بيحذفو للبنات قصايد ما بيشرحوها كلها وتعتبر متوسطة تميل للسهولة وفيها فهم وكتابة لكن مس ايمان اول مرة تمسك المادة فما ادري تحذف لكم او لا ..

واياك يا عسل وبالتوفيق :-)

[brancesh]

شكرا وايت روز على تعاونك معانا
ومبروك تخرجك ياعسل وعقبال الماجستيران شاء الله

[s.w]

المشاركة الأصلية كتبت بواسطة بنت خديجة يا بنات مرة مو راضي ينضاف معايا الادب ايش الحل الفرنسي ماني قادرة اخذ عند منال مغلق بس في جيهان مادري كيف استاذ جيهان في احد جربها

أنا جربتها ممتازة ما شاء الله وحبوبة والفرنسي مررررة سهل وراح تجيبي أي بلس أن شاء الله

[dudi]

السلام عليكم بناات ..
لما دخلت الاودس عشان اضيف مواد لجدولي لقيت اغلبها مقفل !!
ايش الحل ؟؟ استنى راح تفتح ولا اروح الجامعه اضيفها يدويا ؟؟!!

[دافوره هانم]

ممكن صور كتاب مقدمة في الادب و مقدمة في الترجمة
والفررنسي حطوني عند منال ايش رايكم؟؟؟؟؟

[1+1=3 حره وبكيفي]

المشاركة الأصلية كتبت بواسطة لصممتي حكممه حره وبكيفي.. ماشاء الله تبارك الله حلو انو باقيلك 5 مواد بس انصحك تاخذيه كلها لانواصلا مافي مجال تقسمينها,. بالتوفيق

اهلين صمووته ..
انا ابي اخذها كلها بس مااقدر اضيف شكسبير لان عندي دراما . كمان اللغويات التطبيقيه مااقدر اخذها لان فيه تعارض مع الفكشن ,, ايش الحل ؟؟؟

[1+1=3 حره وبكيفي]

المشاركة الأصلية كتبت بواسطة white rose صباح السعادة عزيزتي وبخير الله يسعدك .. الفكشن فيها 3 قصص والدراما فيها 3 مسرحيات وشكسبير مسرحيتين واللغويات التطبيقية دسمة والتدريب يعتبر اسهلهم فاذا حابة تاخذيهم سوا ممكن بس راح يكون ضغط عليك اشتغلي من اول الترم وربي يقويك عليهم :-) :-)

وايت روز الف مبرووك التخرج وعقبال الدراسات العليا يارب

راح اتوكل على الله واخذها كلها بس عندي تعارض الابلايد مع الفكشن وشكسبير مااقدر اخذه لان عندي دراما ؟