دورة القدرات العامه للجامعين هناااا

[عـــســـل]

المشاركة الأصلية كتبت بواسطة كريستاله* يعني اقدر احل كل المسائل الي بالنسبه المئويه بقانون واحد ؟ عشان اريح راسي والا لازم كل مسأله لها قانون ؟ وايش هو انسب قانون ممكن احل فيه كل المسائل لان اكثر قانون حفظته وقادره اطبق عليه هو الي فيه الجزء /الكل =النسبه المئويه

هوا هذا القانون فقط لا غير

الحل راح يفرق معاكِ

أحيانا يكون المطلوب النسبة أو يكون المطلوب الجزء او يكون المطلوب الكل

المجهول تحطيه س وضربين في وسطين وحل عادي

[عـــســـل]

المشاركة الأصلية كتبت بواسطة طوتنا الدنيا عسل ماشاء الله عليك شكلك بالأساس علمي الله يعينك علي بأكتبلك الأشياء الي مو عارفتها واتمنى من جد ألقى أحد يفهمني -النسبه المئويه مافهمت طريقة التحويل من الكسور العاديه الى نسبه مئويه -فكره الميراث في الحل مع اي نوع من الأسئله نستخدم هذه الفكره واش قاعدتها والناتج بأخير كيف نقسم يعني مثلا (8|11)×240 هم مختصرين الطريقه أشرحيها لي -مقياس الرسم مثال 2و3 نفس المشكله كيف طلع الناتج اشرحيه لي

ايوه ياقلبي كنت علمي بس ابشرك نص المعلومات طايره

ببدأ معاكِ تآبعي ..

[عـــســـل]

فقره ( أ ) .

اول نقطه انتي عارفه النسبة المئوية = 100% او 100 / 100

الكسر 4/5 عشان نحوله لنسبه تضربيه في 100/100

خلي بالك الكسر كله تضربيه في 100 الي في البسط

يكون 4/5 * 100 = 400/5 = 80

ولا تنسي ان قلنا على فوق قسمة 100

عشان كده 80/100 الي هيا نفسها 80%


هذا الحل بالتفصيل ولو مافهمتِ بحل في ورقه بالتفصيل وبحطها في المنتدى

وفقره ب نفس الشي

[طوتنا الدنيا]

المشاركة الأصلية كتبت بواسطة عـــســـل ايوه ياقلبي كنت علمي بس ابشرك نص المعلومات طايره ببدأ معاكِ تآبعي ..

هههه

متابعه بس على الساعه 10 بروح البنك
يمديك في ساعه تشرحي أو نأجله للعصر

[عـــســـل]

المشاركة الأصلية كتبت بواسطة طوتنا الدنيا في الحل مع اي نوع من الأسئله نستخدم هذه الفكره واش قاعدتها والناتج بأخير كيف نقسم يعني مثلا (8|11)×240 هم مختصرين الطريقه أشرحيها لي

لما يجيك في السؤال بنسبة عدد : عدد تستخدمي طريقة الميراث .

في هذا المثال بالنسبه لـ 8/11 * 330

في عملية الضرب البسط في البسط والمقام في المقام

330 مقامها واحد

يعني تكون الطريقه 8*330 / 11 = 2640/11 = 240


اي سؤال مو فاهمته حطيه وبفهمك

[طوتنا الدنيا]

المشاركة الأصلية كتبت بواسطة عـــســـل اول نقطه انتي عارفه النسبة المئوية = 100% او 100 / 100 الكسر 4/5 عشان نحوله لنسبه تضربيه في 100/100 خلي بالك الكسر كله تضربيه في 100 الي في البسط يكون 4/5 * 100 = 400/5 = 80 ولا تنسي ان قلنا على فوق قسمة 100 عشان كده 80/100 الي هيا نفسها 80% هذا الحل بالتفصيل ولو مافهمتِ بحل في ورقه بالتفصيل وبحطها في المنتدى وفقره ب نفس الشي

ايوه فهمت عليك خليني أقولك
نضرب بسط العدد الكسري في 100 وبعدين نقسمه على المقام حق العدد الكسري وبعدها يطلعلنا العدد على 100
صح؟؟ انا فهمتها كذا لاني جربت أحل المثال الثاني وضبطت معاي

[عـــســـل]

المشاركة الأصلية كتبت بواسطة طوتنا الدنيا -مقياس الرسم مثال 2و3 نفس المشكله كيف طلع الناتج اشرحيه لي

مقياس الرسم ماعجبني الحل في الكتاب صراحة

بعطيك الحل الي انا حليته حسيت انه اسهل

بس بنزله بخطي احسن عشان تستوعبي

اوعدك بعطيك الحل في العصر او المغرب انزله لاني في الدوام

[طوتنا الدنيا]

المشاركة الأصلية كتبت بواسطة عـــســـل لما يجيك في السؤال بنسبة عدد : عدد تستخدمي طريقة الميراث . في هذا المثال بالنسبه لـ 8/11 * 330 في عملية الضرب البسط في البسط والمقام في المقام 330 مقامها واحد يعني تكون الطريقه 8*330 / 11 = 2640/11 = 240 اي سؤال مو فاهمته حطيه وبفهمك

ايوه الحين فهمت صح
انا توني اقولك نضرب بس البسط الحين عرفت ليش قلتي كلها لان العدد الثاني مقامه واحد فما يتغير الرقم

[عـــســـل]

المشاركة الأصلية كتبت بواسطة طوتنا الدنيا ايوه فهمت عليك خليني أقولك نضرب بسط العدد الكسري في 100 وبعدين نقسمه على المقام حق العدد الكسري وبعدها يطلعلنا العدد على 100 صح؟؟ انا فهمتها كذا لاني جربت أحل المثال الثاني وضبطت معاي

صح عليكِ

واذا تبغي الاختصار اضربي الكسر في 100 ولما تطلعي الناتج حطي العدد على 100 يعني اقصد مو لازم من اول خطوة تحطي على 100

[طوتنا الدنيا]

المشاركة الأصلية كتبت بواسطة عـــســـل مقياس الرسم ماعجبني الحل في الكتاب صراحة بعطيك الحل الي انا حليته حسيت انه اسهل بس بنزله بخطي احسن عشان تستوعبي اوعدك بعطيك الحل في العصر او المغرب انزله لاني في الدوام

تمام مافي مشكله

الله يسعدك ويفتح عليك ويوفقك ماتتصورين قد أيش مبسوطه لاني قدرت افهم