ملتقى الاستفسارات عن الدكتورات ( plan A + B )

[AoDi]

استاذة فاتن ما درست عندها... بس اللي درسوا عندها درجاتهم.. تشرف

درست عند استاذة تماضر...مرررة عادية.. ودرجات شعبتي مو شئ.. هاذا و شعبتي من اشطر شعب تماضر

اما استاذة جمانة فطالباتها درجاتهم تعتبر كويسة .لأن استاذة جمانة تحل التست بانك أول في اول.. فيكونوا مستعدين للأختبار ... بس استاذة جمانة دايما طفشانة بس شرحها كويس

و طبعا لا تعتمدي على استاذتك ابدا دايما احضري لأستاذات تانيين و السيكشن و ذاكري بنفسك

[Sona12]

السلام عليكم
انا تحضيري في الشرفية خطة ب أبغى استفسر عن أحسن الاستاذات لمواد خطة ب
دفعة 13 ياليت تفيدوني
وهل صحيح انو في الشرفية اغلب اللي يدرسو معيدات ؟؟

[Alosh.M]

المشاركة الأصلية كتبت بواسطة sona12 السلام عليكم انا تحضيري في الشرفية خطة ب أبغى استفسر عن أحسن الاستاذات لمواد خطة ب دفعة 13 ياليت تفيدوني وهل صحيح انو في الشرفية اغلب اللي يدرسو معيدات ؟؟

وعليكم السلام ورحمه الله وبركاته

الاحصاء في فاتن الحسن وم اعرف لو بتمسك تحضيري لانو نزلتلها ماده فالفيصليه
الاحياء في دكتوره فريال بوقس وفي دكتوره غاليه كويسين
والكيمياء في دكتوره عزه كوسه وفي دكتوره عايشه مباركي يمدحوها كتير وفرحت
لما حولوني عندها بس مرا م كنت افهم معاها محاضراتها كانت تجبلي النوم

عشان كدا لاتسمعي للكلام الي ينقال انتي جربي بنفسك وشوفي الي تناسبك وبس كدا

*احنا دفعه 14 ي جميلتي*

[Sona12]

المشاركة الأصلية كتبت بواسطة alosh.m وعليكم السلام ورحمه الله وبركاته الاحصاء في فاتن الحسن وم اعرف لو بتمسك تحضيري لانو نزلتلها ماده فالفيصليه الاحياء في دكتوره فريال بوقس وفي دكتوره غاليه كويسين والكيمياء في دكتوره عزه كوسه وفي دكتوره عايشه مباركي يمدحوها كتير وفرحت لما حولوني عندها بس مرا م كنت افهم معاها محاضراتها كانت تجبلي النوم عشان كدا لاتسمعي للكلام الي ينقال انتي جربي بنفسك وشوفي الي تناسبك وبس كدا *احنا دفعه 14 ي جميلتي*

شكرًا يسعدك
طيب مين في احصاء غير فاتن ؟؟

[AoDi]

من مدرسات الاحصاء اعرف

سميرة .. ما اعرف عنها شئ غير انها تلبس لاب كوت

فاتن ..شرحها كويس وطالباتها درجاتهم فوق

جمانة.. مملة شوية بس تحل اسئلة التيست بانك و الاختبارت القديمة اول بأول.. درجات طالباتها من متوسط لمرتفع

تماضر.. شرحها مو مررة عادي بس انسانة مجتهدة تحاول توصل المعلومة قد ماتقدر و عادي تعيد لو طلبتي .. درستني و الحمد لله درجتي مقبولة و لله الحمد.. ودرجات شعبتي متوسطة

هديل .. حضرت لها مرتين .. اغلب اللي درسوا عندها و أعرفهم ما يفهموا كل شرحها.. بس مني متأكدة لو دا رأيهم الشخصي او من جد.. من حضوري معاها مستوى شرحها عادي وبس

Done

[رَزَان]

المشاركة الأصلية كتبت بواسطة عروب الواثقه السلام عليكم ورحمة الله وبركاته****** لو سمحتم انا level 104 ونزلت لي اسماء الاستاذات وابغى اعرف كيف تعاملهم و طريقة شرحهم حلوه او لا وكيف درجه توصيلهم للمعلومه****** 1_راجيه عثمان مجدالدين يوسف****** 2_حنان كتبخانه السيد****** ارجوو منكم الرد والتفاعل الله يسعدكم جميعا ******

أنا درستني ليفل 4 دكتورة مصرية اسمها راجية وما اعرف لقبها
اذا كانت نفسها اللي عندك ترا مررررة كويسة وممتازة والاكسنت حقها مزبوط مو زي المصريين

[Sona12]

المشاركة الأصلية كتبت بواسطة AoDi من مدرسات الاحصاء اعرف سميرة .. ما اعرف عنها شئ غير انها تلبس لاب كوت فاتن ..شرحها كويس وطالباتها درجاتهم فوق جمانة.. مملة شوية بس تحل اسئلة التيست بانك و الاختبارت القديمة اول بأول.. درجات طالباتها من متوسط لمرتفع تماضر.. شرحها مو مررة عادي بس انسانة مجتهدة تحاول توصل المعلومة قد ماتقدر و عادي تعيد لو طلبتي .. درستني و الحمد لله درجتي مقبولة و لله الحمد.. ودرجات شعبتي متوسطة هديل .. حضرت لها مرتين .. اغلب اللي درسوا عندها و أعرفهم ما يفهموا كل شرحها.. بس مني متأكدة لو دا رأيهم الشخصي او من جد.. من حضوري معاها مستوى شرحها عادي وبس Done

شكرًا

[دانه الكويسه]

انا كمان حسأل نفس السؤال بالنسبة لاستاذات خطة أ في الشرفيه
كيف كانوا ؟ و مهارات الاتصال متساهلين او لا

[AoDi]

المشاركة الأصلية كتبت بواسطة دانه الكويسه انا كمان حسأل نفس السؤال بالنسبة لاستاذات خطة أ في الشرفيه كيف كانوا ؟ و مهارات الاتصال متساهلين او لا

خطة الف

الرياضيات عواطف ... من افضل الاستاذات شرحها مرة جيد

و في كمان راوية .. شرحها عادي بس عصبية وزي ابلات المدرسة... اللي يبا يكشخ لا يروح عندها ما يعجبها البنطلون و ما تبا عباية ...إلخ

ليلي جعبور افضل وحدة اعرفها تدرس فيزياء... ولو حصل مادرست احد عندها مذكرات ...

المهارات ... المهارات في تكاليف و طبعا الاستاذات يختلفوا في جوانب التقييم مرررة شوية...

درستني هدى الحافظي... مررة طيوبة وتفهم .. بس تهتم للتفاصيل في التصحيح

أميرة النمر ...حضرت معاها كلاسين تجربة... مستوها مررة كويس في الشرح و تحب النظام...

بالنسبة للحاسب الاستاذة حنان.. شرحها كويس... بس اهم شئ تذاكروا وتحفظوا المنهج للاختبارات

.....

و شكرا

[Alosh.M]

المشاركة الأصلية كتبت بواسطة دانه الكويسه انا كمان حسأل نفس السؤال بالنسبة لاستاذات خطة أ في الشرفيه كيف كانوا ؟ و مهارات الاتصال متساهلين او لا

خطه الف بتكلم على عن الاستادات الي درسوني بما اني كنت موازي فالترم الاول

الفيزياء كانت في استاده سناء اباظه تجينا من السليمانيه تفهم مرا بس مرا شديده في غيرها خلود حمام مرا كانوا يمدحوها وغالبا الفيزياء كلهم تقريبا كويسين ولو حسيتي نفسكك ضعتي ارجعي لفديوهات يوسف زويل فاليوتيوب تحصليها

الرياضيات درستني استاده ضحى ابو الحمايل الله يسعدها زي ابلات الثنوي تشرح وتعيد وتجاوب وتحسيها تتعب عشان نفهم بس كان في عيب واحد من وجهه نظري انها كانت تعطي امثله اصعب من الي تجي فالاختبار وشرحها كان عربي فلما نذاكر نحس اننا مو فاهمين شي زي فالمحاضره وفي كمان استاده عواطف شرحها زي شرح مس ضحى وطيبه وتفهم

الحاسب كانت تدرسني استاده مصريه م اقول الا الله يسامحها كانت تقرا ولا تطبق معانا ولا شي واغلب حقات الحاسب كدا م عدا في استاده سعوديه اسمها نوره كويسه حضرتلها مع صحبتي مرا درجات بناتها كلها فالتسعين افتكر كانت اقل درجه فالاختبار فوحده من الشعب 23 من 25 بس عموما الحاسب 85 فالميه يعتمد عليكي انتي

مهارات الاتصال مرا جميله دي المحاضره كانت زي الفسحه بعد الرياضيات والحاسب النكد درستني استاده اسمها حنين شرحها حلو ومرا تفهم م تنسي كلامها لما تجي تذاكري وتمثلكك باشياء قريبه للواقع بس عيبها دقيقه فالدرجات يعني مستحيل تاخدي عندها الفل مارك لازم ناقصه ربع ولا نص كدا بس في استاده اسماء العمري كمان هيا جميله وتعطيكك على قد تعبك وتعطيك معاير تمشي عليها لو طبقتيها لك الفل مارك

نصيحه : اول شي الرياضيات يتذاكر اول باول ولازم تحلي عليه اساله كتير
ثانيا الفيزياء فديوهات يوسف زويل لو راكمتيها ليوم الاختبار او قبلو بيوم مراح تستفيدي منها شي وفي اساله لهناء فرحان يمدحوها
ثالثا لو عندكك انقلش لا تستهيني فيه لانو منجد ينزل المعدل

وبس كدا بالتوفيق لكك