تجمع طلاب ماجستير ادارة اعمال (العام) لعام 1435

[جذور...الغلا]

ايوووه مو متطلب لمادة ثانية..

اسألي بنفسك أ.رجاء او أ.أنيسة عشان تطمني اكثرررر




و الله يوفققناااااا

[Rydia]

المشاركة الأصلية كتبت بواسطة vista.pre يابنات انتو متأكدين سلوك تنظيمي مو متطلب لماده ثانيه ؟! يعني لو حذفناها ما نتورط بعدين ؟!

انا شخصيا ماراح أحذفها,أحس أبغا أمشي ع حسب الخطة والله يعين مع دكتورة هند,أظن البنات قالو انها متطلب لمادة أو مواد اختيارية
.................................................. ..................................................

لمن شوفت الورقه ماشوفت مواد الأقسام الثانية فما أعرف المبنى والغرفة حقت الإقتصاد الإداري
عندي بس مواد إدارة أعمال ,والمواد اللي ماقولتلكم عليها مواد متقدمة مو لنا زي المشروع البحثي

[zozza]

السلام عليكم..
بنات كيفكم ؟؟؟؟
انا طالبة ماجستير ادارة اعمال مستجدة ومتخوفة جدا من الماجستير الله يوفقنا جميعا
انا منزلة 3 مواد وهي تحليل كمي يوم الاحد والاستاذ عندي اسمه سعود مندورة
ومنزلة قيادة وسلوك تنظيمي وصراحة اكتأبت لما طلعت الاستاذة هند بس مافي خيارات تانية للاسف
ونزلت اقتصاد اداري بس احتمال احذف مادة لأني ماراح اقدر اداوم 3 ايام بالاسبوع

ابغى اسالكم مين ماخذ نفس المواد خلونا نتجمع ونتعرف والله يوفقنا جميعا...

[نقطة انتهى]

والله يابنات انا كنت في الجامعة اليوم رحت لأستاذة رجاء باهرمز مرشدة طالبات الماستر
رحت عندها وقلتلها ابغى احذف مادة سلوك تنظيمي حق هند دمنهوري واضيف اقتصاد اداري
قالتلي انا مني عارفة طالعين انتو في حكاية الاقتصاد الاداري دا وهو اصلا مو نازل الترم دا
نزل بس لبنات الاقتصاد مو لكم انتو
قلتلها طيب الناس ضافوها
قالت مدري عنهم مرة غلط ، واعطتني مواد الترم دا ومنها محاسبة التكاليف
فأضفت المحاسبة وحذفت هند دمنهوري
يعني جدولي صار 600 ،602 ،610

[Rydia]

المشاركة الأصلية كتبت بواسطة zozza السلام عليكم.. بنات كيفكم ؟؟؟؟ انا طالبة ماجستير ادارة اعمال مستجدة ومتخوفة جدا من الماجستير الله يوفقنا جميعا انا منزلة 3 مواد وهي تحليل كمي يوم الاحد والاستاذ عندي اسمه سعود مندورة ومنزلة قيادة وسلوك تنظيمي وصراحة اكتأبت لما طلعت الاستاذة هند بس مافي خيارات تانية للاسف ونزلت اقتصاد اداري بس احتمال احذف مادة لأني ماراح اقدر اداوم 3 ايام بالاسبوع ابغى اسالكم مين ماخذ نفس المواد خلونا نتجمع ونتعرف والله يوفقنا جميعا...

أنا معاكي في مناهج بحث والسلوك التنظيمي,وبعدين ليه مااخدتي إدارة عمليات,هيا متطلب لمواد مو؟
اتوكلي ع الله حبيبي لا تخافي من شي يمر ويعدي ان شا الله زي البكالوريوس

[Rydia]

المشاركة الأصلية كتبت بواسطة نقطة انتهى والله يابنات انا كنت في الجامعة اليوم رحت لأستاذة رجاء باهرمز مرشدة طالبات الماستر رحت عندها وقلتلها ابغى احذف مادة سلوك تنظيمي حق هند دمنهوري واضيف اقتصاد اداري قالتلي انا مني عارفة طالعين انتو في حكاية الاقتصاد الاداري دا وهو اصلا مو نازل الترم دا نزل بس لبنات الاقتصاد مو لكم انتو قلتلها طيب الناس ضافوها قالت مدري عنهم مرة غلط ، واعطتني مواد الترم دا ومنها محاسبة التكاليف فأضفت المحاسبة وحذفت هند دمنهوري يعني جدولي صار 600 ،602 ،610

أما اقتصاد مو لنا؟ يا بنات ترا كلامها خطير انتبهوا له

حبيبي محاسبة التكاليف كيف وقتها؟

[جذور...الغلا]

سالت بنفسي أ.انيسة و أ.رغداء قالو ايوه نازله هالترم

و لو ماكانت تبعنا مانزلت في جداولنا

و المحاسبة قفلت الشعبه و كانت الاولوية لبنات المستوى الثالث



الله يوووفقنا

[جذور...الغلا]

كنت في الكلية اليوم
و لقيت هالاعلان . . . .


مرفق

[vista.pre]

الله المستعان ..

[نقطة انتهى]

انا والله دا اللي صار معايا واعطتني كمان ورقة طريقة توزيع المواد على الفصول الدراسية ومكتوب فيها ايش المواد اللي نزلت للترم دا ومكتوب 600 ،601 ،602 ،610 اللي هي المحاسبة مع الدكتور عبدالعال ابوخشبة واللي نزلتلي المادة استاذة انيسة تركستاني واليوم نزلتها يعن الشعبة ماكانت مقفلة .
ومواد الترم التاني 605 ‘603 ،606 ،675 اللي هي اقتصاد اداري.
والله يوفق الجميع ...
ايوة صح كمان موعد المحاسبة من الساعة 1-4 رووم 3
واليوم الثلاثاء لأنو الرمز اللي حاطينو حرف ل
يارب اكون افدتكم ..