تجمُع طآلبآت بحث وتدريب - د/ أمل دمنهوري ~

[gardenia]

يَ بنآت سآمحوني والله مانتبهت لأسئلتكم وإنشغلت في المذاكره .. ع العموم رح أجاوبكم
مع إني ما أعرف ناقشتو وخلصتو ولالسه ~

المشاركة الأصلية كتبت بواسطة بنانة12 ايش الاسئله اللي سئلتك عن التقرير

والله ماسألتني كتير ياقلبي قالتلي أتكلمي عن مشكلتك تكلمت شويه قالتلي خلاص ..
بعد كده سألتني عن النتائج وقولتلها بس نتيجتين وقالتلي خلاص ~ المهم تكوني واثقه من نفسك ولاتتوتري ... وبسس

المشاركة الأصلية كتبت بواسطة milami تسلمي غاردينيا على كل شي وللأسف أنا لسة ما خلصَت بس زي ما قالت عندنا فرصة وأرسلتها الجزء الأول من التقرير من كم يوم ووإلى الآن ما في رد شكلها مشغولة ! كنت أبغا أسألك في حالة ما ردت هل أطبع التقرير وأديها مرة وحدة لما انزل جدة وهي تصحح لي زي ما صار للبنات يوم السبت ؟ هل نعمل الإستبيان ونحلله بعد أختيار الآلية الأفضل أو قبل ؟ بالنسبة للمراجع ضروري يكون كتابين وبس ولا عادي الزيادة خير وبركة ؟ عذراً للإطالة غاردي

الله يسلمممك يآلغآليه

حبيبتي لو هي تابعت معاك وصححتلك أغلب الأشياء المهمه في التقرير معناتو خلاص أطبعيه ووديه
طالما إنتي مو في جده لأنو تعب عليكي تصححي المسوده بعدين تطبعي مره تانيه ..

بالنسبه للإستبيان أنا سويته في تحليل المشكله لأنو هي طلبتو في الخطوه الأخيره من تحليل المشكله
وبصراحه مارجعت حطيتو في الملاحق سويت كل شي في خطوة التحليل !!
وأكيد طبعآ قبل إختيار الآليه الأفضل لأنو الآليات تختاريها بعد ماتطلعي نتائج الإستبيان ..

وبالنسبه للمراجع عادي ياقلبي وكل ماكترتي كل ماكان أفضل عشان تحس
إنك إطلعتي على كتب كتير وبحثتي ودورتي كتير فاهمه

وبسس ~ مووووفقه يآرب

[Revan]

صبآآح النور يآحلوين ~

الله يوفقنآ في الإختبآرآت ويرزقنآ أعلى الدرجآت بالدونيآ والأخررة يآآرب ..

حبيت أسألكم مين لسا مانآقشت وقدمت بحثهآ للدكتورة ؟؟!!

[اموآج]

أناا ماخلصته لألحين :(
صار لي شهرين ارسل في ذا المنتدى وماحد يرد علي
بالنسبه لقائمة المحتويات اعطيها رقم 1,2.3 او أ,ب,ج

ممكن احد يقدر يكتب لي المتغير المستقل والتابع في موضوع ضغوط العمل وتأثيرها على الأداء الوظيفي ؟
وآليات التنفيذ لهذي الحلول ..
1-إعادة تصميم وتحليل الوظيفة
2- معرفة مسببات ضغوط العمل
3-التدوير الوظيفي
مافهمتها :(


الله ينجحكم ردوا باقي يوم وانا ماخلصت

[Revan]

المشاركة الأصلية كتبت بواسطة اموآج أناا ماخلصته لألحين :( صار لي شهرين ارسل في ذا المنتدى وماحد يرد علي بالنسبه لقائمة المحتويات اعطيها رقم 1,2.3 او أ,ب,ج ممكن احد يقدر يكتب لي المتغير المستقل والتابع في موضوع ضغوط العمل وتأثيرها على الأداء الوظيفي ؟ وآليات التنفيذ لهذي الحلول .. 1-إعادة تصميم وتحليل الوظيفة 2- معرفة مسببات ضغوط العمل 3-التدوير الوظيفي مافهمتها :( الله ينجحكم ردوا باقي يوم وانا ماخلصت

الله يكون في العوون حتى أنا لسا ماخلصت :(
تبدأي ترقمي الصفحآت من مكآن التدريب ( يعني بعد الصفحآت التمهيدية الفهرس والشكر والإهدآء )

بالنسبة للمتغير التآبع والمستقل : ضغوط العمل العامل التابع ، واش الي يترتب علها هيا المستقلة .
شوفي في النت وعددي كذا واحد

[اموآج]

يسلموووو خيتي
مدري ليش حظي كذا اقشر مالقيت ولا كتاب في المكتبه عن موضوعي
لو ردت علي الدكتوره من بدري كان قدرت اتصرف
لاحول ولاقوة الا بالله

[berin]

مرحبا بنات

المتغير التابع والمستقل

اكتبه في فقرة فروض البحث؟

واحدد لكل فرض ايش العامل المستقل والتابع


صح كذا والا انا فاهمه غلط :|

[Revan]

المشاركة الأصلية كتبت بواسطة اموآج يسلموووو خيتي مدري ليش حظي كذا اقشر مالقيت ولا كتاب في المكتبه عن موضوعي لو ردت علي الدكتوره من بدري كان قدرت اتصرف لاحول ولاقوة الا بالله

ولآ أنآ مآلقيت وفريت جميع المكتبآت -_-، مآعندي ولآ مرجع من الكتآب كلهآ روآبط من النت وبكيفهآ :(

وبكرة المنآقشة الله يستر ويسهلهآ ع لجميع

[Revan]

المشاركة الأصلية كتبت بواسطة berin مرحبا بنات المتغير التابع والمستقل اكتبه في فقرة فروض البحث؟ واحدد لكل فرض ايش العامل المستقل والتابع صح كذا والا انا فاهمه غلط :|

لآ وي ! تكتبيه مرة وحدة في البحث كلوو

[غلا&جده]

حابه اتأكد من الموعد

نفسس موعد اللي سلموو بحثهم ولا ؟

[gardenia]

مســـــــــآء الخير حبآيبي

الله يوفقكم بكرهـ في المنآقشه يآرب العآلمين ويسهلهآ عليكم يَ رب ~