موضوع مخصص لجمع اسئلة الاختبارات النهائية للفصل الاول 2012 (طلاب )

[نايف 26]

المشاركة الأصلية كتبت بواسطة abo-lmar ياخي انا اخترت اليوم في الدمام واحس ان كل الاسئلة او 80% على الاقل من chapter 1 الي في الملخص فيه جمله يسالك هل هي formal or informal هذي من التحديد الي نزل في المنتدى نصيحتي للاخوان التركيز على المذكره الشباتر الاولى من 1-5 وكمان التحديد لن التحديد اصلا قليل ولا بياخذ منك وقت في قرائته

لا أتفق معك.

[ABO-LMAR]

المشاركة الأصلية كتبت بواسطة نايف 26 اللغويات الأجتماعية 422 نسبة كبيرة من الأسئلة لم تكن من التحديد الذي ذكره الأخوان في الدورة التأهيلية... وأفضل نصيحة لكم ركزوا على مذكرة عبدالله الشهري المواضيع الواضحة. الأسئلة متنوعة تميل للصعوبة ومربكه نوعا ما...خاصة كلمة both of them والخيارات 3 وأخرى all of them حقيقة تحير... هناك سؤال كتابة أختار موضوع من أثنين وتكلم عنه وأحدهما هو : Write note about language and context أيضا ركز على التعريفات التالية بكثرة: Sociolinguistics is historically closely related to Linguistic Anthropology In certain cases, neither “dialect” nor “language” represents a clear-cut concept Accent Idiolect Mutual intelligibility أيضا سؤال عن الطفل الذي عمره سنة أكبر تركيزه على الأصوات للغة الأم وأقل تركيز على تعلم الكلمات أم أن تركيزه على تعلم الكلمات وأقل تركيز على تعلم الأصوات للغة الأم ؟ والعديد من الأسئلة ولكن لا أتذكرها حقيقة. ملحوظة:هناك مواضيع كثيرة في مذكرة الشهري ولكن أنصحكم بقراءتها وعدم التركيز على النقاط الغير مفهومة, ركزوا فقط على النقاط المفهومة مثل التعاريف و الجمل الواضحة لأنه اوضح بكثير من الكتاب وعدم الأعتماد على التحديد الذي وضعه الأخوان هنا مع أحترامي لهم لأنه غير كافي ابدا.

ياخي انا اخترت اليوم في الدمام واحس ان كل الاسئلة او 80% على الاقل من chapter 1 الي في الملخص
فيه جمله يسالك هل هي formal or informal هذي من التحديد الي نزل في المنتدى
نصيحتي للاخوان التركيز على المذكره الشباتر الاولى من 1-5 وكمان التحديد لن التحديد اصلا قليل ولا بياخذ منك وقت في قرائته

[cool1401]

اسال الله العلي العظيم ان يوفقكم ويرزقكم بالنجاح ويوفق كل من كتب هنا باعلى الدرجات

[mmhs1402]

بالنسبه ل٢١٦ التعاريف خيارات او كتابه من حفظك وشكرا

[ابو فارس44]

بيض الله وجيهكم عز الله انكم ماقصرتم

لكن ياليت والله لو يحدد اسم الماده ورقمها بأعلى الرد لسهولة البحث عنها

الله يوفق كل من حاول مساعدة اخوانه الطلاب للدرجات العليا وفالكم 100

اخوكم // ابو فارس

[salems]

السلام عليكم ورحمه الله وبركاته

اختبار المناطق اللغويات الاجتماعية 422 يوم الثلاثاء 25 محرم 1433هـ


كل اللى ابغى اقوله راح اطرحه في اربع نقاط:


1/الاسئلة اللى جات في الاختبارمن قليله بنسبه لتحديد الدكتور

في الدورة التأهليه.


2/ركزو على محاضرات البوربوينت تسعين في المائه منها وانا اشوف انها مرتبه ومنظمه.



3/عليكم بحفظ الامثله اللى حددها الدكتور دولار في مثال بس

مااذكره ان شالله احاول اتذكر واطرحه لكم هنا.

4/ هذا السؤال مهما وعليه 16 درجه
(write a short note for any one of follow)

language and Ethnic Group
language and context

[HaMaD2oO8]

تحطمت بعد معرفتي ان دكتور الفونتكس ذبح الطلاااب في اختبار 212

[army sniper]

يااخ محمد دكتور الماده عبدالرزاق شيخ
جاب قطعه فيها حرمه انفصلت عن زوجها والزوج المطلق صار يشتغل بالليل والنهار عشان يصرف على عياله هذا هو امفهوم القطعه وماهي موجوده في الكتاب اصلا ويقولك طلع المين ايديا عليها الخ..
يعني المفروض انه جايب قطعه عن الاداره او عن العنصريه او عن السمنه يعني من المواضيع اللي في الكتاب.

[محمد البراهيمي]

المشاركة الأصلية كتبت بواسطة army sniper يااخ محمد دكتور الماده عبدالرزاق شيخ جاب قطعه فيها حرمه انفصلت عن زوجها والزوج المطلق صار يشتغل بالليل والنهار عشان يصرف على عياله هذا هو امفهوم القطعه وماهي موجوده في الكتاب اصلا ويقولك طلع المين ايديا عليها الخ.. يعني المفروض انه جايب قطعه عن الاداره او عن العنصريه او عن السمنه يعني من المواضيع اللي في الكتاب.

افااا يا عبد الرزاق

ان شاء الله يكون اختبار جده سهل

لأني شايف مسخره صايره في اختبارات المناطق من لخبطة في الاسئلة و ظلم للطلاب

[زلزال]

السلام عليكم ورحمه الله وبركاته
صباحكم ورد وفل وياسمين

أنا كنت من بين أربعه طلاب اختبروا مادة الدراما ( 343 ) في مدينه الرياض يوم الأثنين 24/1 .
وراح أكتب الشي اللي أتذكره من الأسأله وأعذروني أني ما حفضتها بالنص مثل ماجات

طبعا اللي راح يقراا الثلاث مسرحياات ( البطه البريه ) و(الامبراطور جونز) و ( ولد الغرب المدلل ) اللي بيقرأها ويركز على الشخصيات ودور كل واحد في المسرحيه راح يجاوب .
أن شاء الله أنكم تجيبون درجات ممتازه ^_^ <<<<< أيه ايه بس أخلص علينا

طيب نجي في المهم
الاختبار عباره عن ثلاثه أسأله :
السؤال الأول / يجيب لك مقطع من مسرحيه ويقولك مين اللي قال العباره ذي وفي أي مسرحيه والثيم .؟
يعني المقطع وبجنبه فراغ للي قالها وفراغ ثاني لأسم المسرحيه والثيم في الأخير ( خمس فقرات ) .

السؤال الثاني / ( خمس فقرات ) تختار منهم ( ثلاث ) وتجاوب عليها والدكتور مخصص له أربع صفحات فاضيه تكتب وتشرح براحتك بما لا يقل عن 80 كلمه .
واللي أتذكره من السؤال ذا أنو مثلا مثلا أشرح ليش مستر جونز قدر يسيطر على أهل الجزيره الهنديه وكيف أنو أقنعهم بأنو الأمبراطور ؟؟
وكمان أتذكر فقره قارن بين كذبه الولد المدلل لما أقنع أهل البلده بأنوااا قتل والده في بدايه المسرحيه ومحاولته قتل والده في نهايه المسرحيه ؟ .
والله هذا اللي أتذكره بالنسبه للسؤال الثاني .

السؤال الثالث / ( خمس فقرات ) تختار ( فقرتين ) منها وتشرح عنها .
أتذكر في السؤال ذا فقره تقول أكتب عن البطه البريه إختيارها في المسرحيه ؟ يعني تكلم عن البطه ؟.
وبرضوا جاب فقره عن (gina) من مسرحيه The Wild Duck وقال ايش تفرق بدورها في المسرحيه عن وحده ثانيه ( ؟؟ ) والله ما اتذكر أسمها ؟ ايش الفرق بين ادوارهم في المسرحيه ؟

يا ليت لو فيه أحد من الأخوان اللي أختبروا يدخلون ويضيفون لو يتذكرون بقيه الفقرات .

وفي النهايه ما أنسى أشكر أخواننا وأخواتنا اللي ما قصروا حطوا ملخصات وترجمات ومقاطع فيديو لماده الدراما 343 الله يجزاهم عنا كل خير .
الله يوفقكم جميعا أتمنى لكم كل خير .
أخوكم زلزال ,,,