اتسكنتٍ تمريض ..؟ تعالي ياقميلة ..

[bayan-ow]

في بنت سالتني عن الجدول وقالت وين تلاقيه واذا كان لازم نروح الجامعة او لا انا ماقدرت اجاوب عليكي عشان لازم مشاركاتي توصل 100 عشان اقدر اكتب رسالة بس رح اجاوب عليكي هنا :15
انا مارحت الجامعة مو لازم نروح الجامعة وجدول لقيتو في الموقع الكليةوهاذا هو الرابط http://nurs.kau.edu.sa/Default.aspx?Site_ID=667&Lng=AR
تلاقيه في برنامج البكالوريوس بعدين الجداول الدراسية بعدين السنة ثانية ورح يتنزل لك الجدول

[عذاري السمروات]

المشاركة الأصلية كتبت بواسطة asrar m dr.candy وَ فتو وَ عذاري ، بجد بجد مو عارفة كيف اشكركم ع جهودكم معانا وتحفيزكم لنا واجاباتكم ع كل استفساراتنا اللي تخطر في بالنا بجد بحججم الكون شكراً الله يسعدكم ويوفقك يارب

حبيبي لا شكر على واجب ..
امييين يارب و يسعد روحك الجميله ..
الله يوفقك في دراستك و جميع شؤون حياتك
احنا هنا اخوات .. نساعد بعضنا ..
عيد سعيد يا بيلسانه ❤

[عذاري السمروات]

المشاركة الأصلية كتبت بواسطة Boba+ لو سمحتو يانيرسات أبا أسماء الكتب الي المفروض نشتريها؟

اهلين يا نيرسه ..
عيد مبارك ..❤
ب النسبه للكتبزانتِ راح تشتري :
Fundamentals of Nursing
Anatomy
بس لا تشتريهاآ دحين استني عشان لا يكونوا غيروا شي ( مع انو ما اتوقع ؛)
و ممممممم
عربي مستويين و ثقافه اربعة مستويات ( تقدري تاخديهاآ من بنات اكبر منك ) +'لو اختي ماهي قدكم و اخدت اول مستويين في المادتين كان اعطيتك كتبي :(
ب التوفيق يا قلبي ..
و عندك الفسيولوجي ما اشترينا كتاب بس لو انتِ من النوع اللي يحب المعرفه و ابعادها ف تقدري تاخدي الاسم من الدكتوره و تشتريهة

[Boba+]

يسلمو عذاري ماقصرتي
بس كتاب المصطلحات الطبية ايش أسمو؟

[عذاري السمروات]

المشاركة الأصلية كتبت بواسطة Boba+ يسلمو عذاري ماقصرتي بس كتاب المصطلحات الطبية ايش أسمو؟

الله يسلمك يا قلبي .. ❤
مممممم كتاب المصطلحات و الله ما اشتريناه ..
كنا ناخد سلايدز ..
بس يمكن اسمو terminology على اسم المادة نفسهاآ ..

[Boba+]

طيب يعني ماتدرسو كل الكتاب ؟ بس شباتر معينه

[roro-X]

السلام عليكم ورحمة الله وبركاته😍😘

كل عااام وانتو بخير وصحة وسلامة وينعاد عليكم بالخير يارب❤❤❤


بنات حبيت اسأل عن السكرب وعن اللابكوت
امممم من فين اشتريهم ابغا محلات تكون حلوه اقمشتهم تعرفو الجو حقنا كيف😁
وكمان ياريت الي تعرف متى اوقات التخفيضات تعطيني خبر والالوان كأني سمعت انو الدفعة بداية الدراسة تتفق على لون معين صح ؟

[fto0o]

المشاركة الأصلية كتبت بواسطة roro-x السلام عليكم ورحمة الله وبركاته😍😘 كل عااام وانتو بخير وصحة وسلامة وينعاد عليكم بالخير يارب❤❤❤ بنات حبيت اسأل عن السكرب وعن اللابكوت امممم من فين اشتريهم ابغا محلات تكون حلوه اقمشتهم تعرفو الجو حقنا كيف😁 وكمان ياريت الي تعرف متى اوقات التخفيضات تعطيني خبر والالوان كأني سمعت انو الدفعة بداية الدراسة تتفق على لون معين صح ؟

واللهي ياجميلة .. انتي على حسب نوع القماش والقصة الي يريحكوكي وتحبيهم

لا مو صح الدفعة الي تتفق .. الصح انو لكل قسم لون محدد منزو قديم الزمن ..
احنا ابيض والمختبرات ازرق غامق .. والاشعة عودي .. والعلاج فيروزي .. والاشعة موف .. والطب البشري ازرق اغمق من درجة المختبرات .. والاسنان ازرق كحلي غامق .. واخيرا الصديلة رمادي واحياناً اسود.

اوقات التخفضيات في كان في المظهر الطبي بس اظن خلاص خلص تخفيضاتهم ..
شوفي الصراحة عشان تطمني وترتاحي نفسياً خدي لفة ع المحلات وشوفي بنفسك الاقمشة والقصات واختاري ع اساسو

عندك :
السويدي في البوادي
المظهر الطبي في السلمانية بلازا او سوق دانية الي في شارع حراء
تايم ليس في شارع صاري
لامي في روشانا مول

والي تعرف محلات تانية تعطيني خبر .. فاني طفشت من البحث

[fto0o]

المشاركة الأصلية كتبت بواسطة Boba+ طيب يعني ماتدرسو كل الكتاب ؟ بس شباتر معينه

معليش معليش بس شغل الدفرنة دا مايحتاج من بدري ابدددن x'DDD

انو محنا زي التحضيري ولاتشيلي هم علا طوووووول الدكاترة في اول كلاس يقولولكم اش الكتب ..

لانو احياناً بتتغير الكتب من دفعة لدفعة وتيجي طبعات اجدد بعد بداية السنة او الاستازة تتغير ويتغير منهج الكتاب معاها x'P

فـ اصبري على رزقك بالنسبة للكتب وماتشيليش هم حاقة

[ابرار غروي]

_



ابغى اسال على هرجة العربي و الثقافة الإسلامية ..
صحباتي يقولو نبدأ نختار كلاسات ونضيف

ما فهمت بصراحة .. مو إحنا الجدول حقنا جاهز !
يعني نسوي الحوسة ذي و لا لا .