(: مــــادة أساليب الكتابه العلميه ~

QLQ · 25-10-2009, 02:53 AM

راح تلقي كيف تكتبين المراجع بـصفحه 111
في كتاب eap

والله يوفقك ..

nona.7 · 25-10-2009, 03:25 AM

ماهي دي المشكله مو عارفه كيف اكتب الريفرنس...

بس ماعتقد جنب كل سطر مو انا دمجت الكلام كيف حفرق اصلا..غير انو حتى الكتب الكبيره لمن تكتب مراجعها ماتكتبها جنب كل سطر ..تكتبها في الاخير نهايه الكتاب ..انا بس كتبت الريفرنس في الاخير من غير ماقول دا من فين ويحزنون -_-الله يوفقك ياقمر ومايضيع تعب احد ...

QLQ · 25-10-2009, 04:10 AM

بكره اسئليهااا
لأن هيا ماعندها يا أمي ارحميني ..
تبغي كل اللي تقوله يتنفذ ..
..
بس مره سئلتها وقالت تمسكين السطر زي ماهو وتحطينه
بس المشكله كيف اكتب أرقام الصفحات
اكتبها جنب السنتنس>> حيصير شكلهاا غلط مرهـ
فكرت انو اخر الورقه احط سطر في الهامش واكتب لهاا

ولساني ماني عارفه :(

,,

QLQ · 25-10-2009, 04:13 AM

طيب اكتبيها اخر شي زي الكتب الكبيره ..
مو هيا كل حاجه تقولها باختصار
كيف الطريقه مستحيل تعلمنا :(

,,

زهرة البنفسج · 25-10-2009, 03:53 PM

الله يعينا في المادة دي ..........والله أخاف منها اكثر من البرمجة اللي يقولون عليها لناس صعبة الله ييسرلنا

R0o0ma · 25-10-2009, 04:02 PM

السلام عليكم ..

كيفكم بنااات..

بالنسبه للرفرنس "

سألتهااا انا وصحبااتي !!

وقالت :

في الأخير تكتبي اش المرجع اللي استخدمتيه ..
يعني لو كتااب واحد / جنب كل معلومه تكتبي رقم الصفحه بس ..

لو كتابين :
تكتبي في الاخير ,
1_ الاول
2_ الثاني

وبعدين جنب كل معلومه تكتبي رقم الكتاب و الصفحه ..

/

كذاا فهمنـــاآآ منهاا
,
ان شااء الله أكون أفدتكم ^^

nona.7 · 25-10-2009, 04:04 PM

مررررا مضغوطه مو عارفه اش اسوي احس اني حبكي ولا انفجر ..

مو عارفه احل واجب الاستات ولا البرمجه ولا الحوسبه ولا ازاكر لاختبار السبت ولا احل اسااااااااااااااااااااليب وانتو عارفين اساليب مو جيبي ورقه واكتبي اللي تعرفي لازم تحوسي 9837741 سنه عشان تعرفي اش تسوي وياريت تقولك صح عليكي الا ماتطلعلك الف عيب في :@

ياااااااارب وفقنا وساعدنا وعديلنا الترم على خير ...=..( نفسي احول من الحاسب =...(

زهرة البنفسج · 25-10-2009, 04:09 PM

عشان المادة دي يانوناتحولي من الحاسب ماحتدخلي فرع وتلقينه سهل كل الفروع صعبة لآنها كلا مواد جديدة علينا ......و ترا الحال من بعضه في الحوسة و البكا بس أنا المشكلة الكبيرة اللي عندي في الأساليب.......

nona.7 · 25-10-2009, 04:17 PM

زهره انا داخله التخصص ومو عاجبني اصلا ...

انا اعشق دراسه الاشياء الحيه واكرره الجمادات احسها غبيه ماتفهم =(

قهر لمن تنجبري تدخلي ماتحبي وتسيبي الشي اللي ممكن تبددعي في وياريت بسبب النسبه ..خليها على الله بس ..

يااارب اكتبلي الخير يارب

منهاتن · 25-10-2009, 04:20 PM

هاي صبايا..

وربي ضحكت الله يصلحها ويهديها وربي مدري كيف تحط راسها بالمخدة وهي مرتاحه ..وانا كل شوي ادعي يعدي المادة ع خير

(: مــــادة أساليب الكتابه العلميه ~

المنتدى العام لكلية الحاسبات وتقنية المعلومات