حفل خريجات العام الدراسي 1432 - 1433 هـ

[crazy chance]

يعني التكريم في النهاية طلع علي حسب الكليات في كليات حيتكرمو المرتبتين نظراا لان العدد قليل وناس لا غريبه هالنظام

[(رنده الحربي)]

الله يووفقكم

[TeeNa....]

البنات الي حفلتهم اليوم اول ماتخلصوا حكونا بالتفصيل الممل ههههههه بكرا حفلتنا ان شالله
قولولنا كرموا الامتياز كلهم ولا بس الاولى وكيف ينادوا ع الاسماء وحده وحده ولا ورا بعض

[دلع الروووح]

السلام عليكم


رجاءًا اللي حفلتهم كانت اليوم

كيف عادي اللبس اي شيء ولا يدققو ؟
وهل عادي نروح كوفيرا < أخاف اجي ومدري كيف الوضع

أو أتزبط بالبيت وللا كيف !

[عبق الزهور]

نداء كلية الاداب قولو لنا كيف الحفله اليوم
احنا حفلتنا بكررره ونبغى نشوف التفاصيل

[شظايا زمن]

صباح الخير

حممدالله امس كانت حفلتنا حلووه انصحكم لا تأخذو جولات كاميرا بياخذوها ويحطوها عند الأمانات وتتعبوو وانتى تأخذوها منهم بعد الحفلة البارح كثير بنات انكتمو من الزحمة عند الامانات وفووووضي هذا اول شئ

ثاني شئ اول ما تدخلو يأخذو يفتشون شناطكم ويسألونكم انتو امتياز ولا ازا امتياز يوجهوكم ل مكان معين ويبدو يرتبونكم عشان المسيرة الي تقديرهم جيد جدا يدخلونهم قاعة وما يكونو ضمن المسيرة

بالنسبة للبس البسي شئ محترم وعادي بنطلون ولا تنوره قصيرة اما الي تسئل انها بتعمل ع كوفيرا ماله داعي

شفت بنات لبسين فساتين فرح مرا مو حلو اصلن ما يبن اش تلبسي لانك بتكوني لسبة الروب بالمسيرة والحفلة
بالنسبة للي يتكرموا احنا كلية الاداب كرمو امتياز مرتبة شرف اولي فقط ويكونو وراي بعض يطلعو اسمائهم علي العرض بس ~انقهرت منهم
الحفلة خلصت علي 10

اعيد واكرر مرا ثانية نصيحةة محبة لكن لا تأخذو جولات كاميرا بتختنقو عند الزحمة

والله يوفقكم ودعواتكم لي

[شظايا زمن]

المشاركة الأصلية كتبت بواسطة سنفوره ... السلام عليكم ورحمة الله .. ازيكم ياحلوين انا يوم السبت رحت للجامعة ع اساس اسال ع موضوع تكريم الامتياز مرتبة شرف ثانية ... رحت لعمادة القبول والتسجيل ودخلت غرفة 9 مافتكر اسم الاستاذة راح من بالي بس تعاملها كان قمة في الروعة و الاحترام ... طبعا قولتلهاا انو سمعنا بحكاية انو مافي تكريم للامتياز مرتبة شرف ثانية ع طول سالتني انتي اش كليتك قولت الاداب قالت هنا المشكلة كلية الاداب بها عدد طالبات جدااااااا كبير وعدد الامتياز مع مراتب الشرف برضو كبير فحنحصر التكريم ع الامتياز بمرتبة شرف اولى فقط قولت مافي اي تغير لدا النظام لانو بصراحة في اجحاف بحقنا ولو ع الاقل تنقال اسماءنا قدام امهاتنا قالت بالمره مايمدي العدد جدا كبير .. وقالت انو راح نعاملكم معاملة غير يالامتياز رح نعملكم طابور لحالكم وفي مقدمتكم طالبة تحمل لافتة مكتوب عليها امتياز , والشي التاني انو راح نجلسكم مع مرتبة الشرف الاولى في الصفوف الامامية للقاعة مو زي بقية التقديرات راح يجلسو فوق في الدور الاعلى , وغير كدا راح تجو للعمادة اتوقع ونستلم شهادات التكريم من عندهم بعد الحفل طبعااااااا وتقول انو نفس الشهادة الي تتسلم للمرتبه الاولى بس انتو تجي وتخدوها في يوم معين .. بيحددوه اتوقع اسبوع قالتلي بعد الحفل .... المهم انا للان مو عاجبني الحال فيلو عدم عدل بالنسبة ليا لان الحفل للخريجات ومن حقنا كلناا انو نتكرم مع اختلاف التقديرات ,الله يعين ... وبالتوفيق للجميع

سنفوره الله يسعدك ازا حددو موعد استلام الشهاده ومكانها خبرينا هون قهر لا تكريم ولا شهادة قدام امهاتنا

[TeeNa....]

شظايا زمن
الله يسعدك ويوفقك مبرووووك عليكم الحفله
بس ابغى اسالك بالنسبه للامهات الساعه كم يدخلوا القاعه ولابسين العبي ولا كيف
ايوه والمنصه تزحلق؟؟ ههههه
خساره كرمو الاولى بس طيب ليش ورا بعض مايلخبطو في الدروع

[احساس فنانه]

طيب انا ماكنت اعرف بشي على الحفله ماستلمت لا روب ولاشي يمدي اليوم اروح الجامعه ويعطوني وله يقولو خلاص

الله يوفق الجميع ويسعدكم

يسعد صباحكم ...

[nour al3mr]

يسعد صبـآحكم جميعًا
حفلة يوم الإثنيــــــن لِـ كُلية الآداب و العلوم الإنسـآنيـــة + الدبلومــآت

هم قايلين تعالوا من 5 عشـآن المسيـرة ،، وصلت قبيل الـ 7 و لا كانوا رتبوا شيء و حمدت ربي أنه ما جيت من بدري ;d

الأمهـــآت حيدخلوا من بوآبة و الطالبـآت من بوآبة
عند الطالبـآت أول ما تدخلي حتقولك طلعي بطـآقتك [ كرت الدعوة الصغيــر ] حتشوفهـآ و تشق طرفها بالنص
بعدها تفتيش ع الجوآل و الشنط و تفتح العبـآية تشوف اللبس بعدها تفتيش بالجهـآز

تكملي تدخلي بيسألوك أنتِ أي فرع ( السليمـآنيـة أو الفروع سوآء الفيصلية أو الرحـآب ..آلخ ) و أيش تقديـرك
على أساسها بيدخلوك بقـآعة
الممتـآز سواء مرتبة شرف أولى أو ثانيـة كانوا بجهة و بقية التقديرات بقـآعة و فاصلين طالبات الفروع عن السليمانية كلاً له طـآبور منفصل .. و طالبات الدبلومات كمان في مكان آخر

على الـ 8 بدأوا يرتبوا الإمتيــــآز مرتبة شرف أولى بعده الإمتيــآز و بدأت الحفلة و دخلوهم بعدها بدأوا بمسيـرة التقديرات الثـآنية فرع السليمـآنية و دخلوهم القـآعة بعدها طالبات الفــروع

وقفت ترتيب المسيـرة ماشاء الله تكسر الرجول بس قضيناها هرج مع البنــــآت .. و تدخلوا القاعة تاخذوا القاعة لفة كاملة
ابتداءًا من المدخل ~> المنصة ~> انتهاءً بالمكان اللي حتجلسوا فيه
على كل كرسي كيس فيه كتيب دليل الخريجـــآت فيه أسمـآء الخريجـــآت لكل الكليــــآت + علم أخضـر صغيــــر

من تحت في الصفوف الأولى بيكونوا الإمتيـآز و كل ما طلعتوا فوق بيكون التقديرات الأخـرى
و قدآمكم أعضاء هيئة التدريس و على يمينكم و يساركم الأهالي لأن الكراسي مقسمة لِـ 3 سكشنـآت

دخلت الأميـرة صيته جات نيـآبة عن حرم خادم الحرمين الشريفيـــن مع د. هنـآء جمجوم .. و بدأت الحفلة بِـ
كلمة ترحيب و قـرآن من إحدى طالبات الإعـــلآم ربي يحميها و يحفظها و كملوا الكلمـآت و التهنئات مثل ما هو مكتوب بالبرنامج و كلمة الخريجات ألقتها طالبة من قسم اللغة العربية ربي يسعدها :)

بعدها بدأ التكريم لِـ طالبات كلية الآداب ابتداءًا من الدكتـورآهـ و البرامج العليـآ .. الدبلومـــآت .. يليه البكـآلوريوس امتيـآز مرتبة شرف أولى فقط

الأسمـآء و عرضهـآ بِـ الشـآشة كان فوضى و الأسماء تنادى ورى بعض و البنات لسه ماوصلوا أصلاً :d

بعدها كرموآ الأولى على الكلية على ما أعتقد .. كانت من قسم علم النفس ربي يحميها بشيك قدرهـ 25 ألف

و لما بدأ الشعــــر على منصفه خرجت الأميـرة صيته و بعدها كملت الشعـر و شغلوا كم لوحة فنية البنات اتحمسوا و رقصوا عليها بمكانهم ع الخفيف و ظلموا القـآعة ساعتها بعدها ألعاب نارية مدري أيش اسمها :p

و خلصت الحفلة قرب الـ 9 و أو 10 ما انتبهت
على ما خرجنا من القـآعة شويات إلا بدأوا يطفوا أنوارها ويقولوا ياللا نخرج منهـآ o_O
و السيارات أصلاً ما كلمنـآهم و المكان صار زحمة بسبب حوست الجوآلات فلا وحدهـ تفكر تجيب جوآل بكـآميــــــرآ عشان لا تغلبـوآ

و نجي للخروج الشارع كانوا مقفلينه و زحمة بشكل فظيـع فضربناها مشي إلى مكان السيارات فكان يوم تكسير الرجول العـآلمي الحمد لله

و صلّ الله و بـآرك

انطباعي الحفل ماشي الله يعطيهم العافية .. التنظيم ماهو ذاك الزود فيه فوضى و المفروض يعلنوا أنه بيغلق كذهـ بدري و يعطوا مهلة للخروج مو ع طول يطفوآ الأنوار و يخرجونـآ :×

::

بالنسبة لِـ شنطكم و أغراضكم ممنوع طبعًا تمشوا بالمسيرة بأي شنطـة فحطوها بنفس القاعة اللي حيدخلوكم إياها تحت الكرسي وخلوكم فاكرين لا تضيعوآ المكان :)
لأنه لو مشيتوا فيها قبل ما تدخلوا قاعة الحفل راح يسحبوها منك و يؤرموها ع جنب

الملابس مو مره دققوا لكن الأفضل ما يكون شيء فوق الركبة شفتهم ماسكين وحدهـ و مهزئينها و صراحة المنظـر ماهو مناسب أبدًا

- ما كرموا الأوائل على الدفع بالبكـآلوريوس

- و البسطة أنك بتشوفي زميلاتك و بنات تخصصك بعد إنقطـآع

موفقيــــن يـآرب أهل حفلة الثـلآثاء و الأربعــآء :)