||الطلاب والطالبات المستجدين في قسم اللغات الأوروبية حياكم الله وبياكم ||~

[Al-Joharh]

^

الآن كيف أعرف المبنى والغرفة والساعة واليوم للمادة اللي اخترتها

بس طالع أسماء الأستاذات والمادة وبس

فين ومتى مو طالع ؟؟

وكمان لو رحت الأحد ان شاء الله للشؤون هل يقدرو يغيروا لي ولا ؟؟

لأنه بس 3 مواد اللي انضافت لي وأنا خايفه تخرب الخطة ولا الجدول

وزي ما سمعت الحذف والإضافة يقفل يوم الخميس خايفة يروح علي

[white rose]

المشاركة الأصلية كتبت بواسطة Al-Joharh :"( لا تقولين وأنا انبسطت ع بالي اللي حطيتها هي الصح -_- هذه مو حلوة الجديدة ربك يعين

لا اللي حملتيها الصح

الله يقويكم انتو قدها وراح تخلصوها على خير

المشاركة الأصلية كتبت بواسطة Al-Joharh وكمان شيء << أحس أني زودتها ههههههههههه أنتي قلتي أضيف 5 مواد التعبير الشفهي 1 + القراءة والاستيعاب 1 + التعبير الكتابي 1 + الثقافة + التحرير الكتابي << طبعا أفضل 5 وفي الخطة 6 مواد خايفة أنقص مواد تخرب الخطة ولا يزيد عالمستويات الجاية مترددة وحاسه نفسي ضايعة ,, ههههههه وين زمان تجي كل أبلة تقول أنا عليكم كذا وكذا مو ألحين حووووسة حتى عالأقل نزلوا الجدول بس واللي تبغى تعدل تعدل :) وكمان شيء ثاني جد جد جد شكراااااااااااااااااااا لكم ع ردودوكم تفيدونا يعطيكم ألف عافيه وتحملونا شوي ^^

ايوه خمسة كفاية والاترام الجاية فيها مواد لها متطلبات وقتها حتحتاجين تدرسين مواد خفيفة من المستويات الاولى تساعدك انك تركزين بموادك الدسمة

بشكل عام يفضل انك ما تمشين على الخطة عشان تقدري تحافظين على معدلك بشكل رئيسي

ولا ربي يكفيك شر الحوسة انتي ماشية تمام الله يسعدك وبإذن الله تتعاوني مع الاخت _Besh وتساعدو بعض

وننتظر منكم تجمعات تعيد للمسار الفرنسي مجده هنا بالمنتدى ان شاء الله وتناقشو كلاستكم وتنورونا

المشاركة الأصلية كتبت بواسطة Al-Joharh ^ الآن كيف أعرف المبنى والغرفة والساعة واليوم للمادة اللي اخترتها بس طالع أسماء الأستاذات والمادة وبس فين ومتى مو طالع ؟؟ وكمان لو رحت الأحد ان شاء الله للشؤون هل يقدرو يغيروا لي ولا ؟؟ لأنه بس 3 مواد اللي انضافت لي وأنا خايفه تخرب الخطة ولا الجدول وزي ما سمعت الحذف والإضافة يقفل يوم الخميس خايفة يروح علي

المبنى والغرفة والساعة من جدول الطالب الدراسي او جدول الطالب نسخة الطباعة

امشي على المسار الطالب ~> التسجيل ~> جدول الطالب الدراسي او جدول الطالب [ نسخة الطباعة ]

الاحد العادة اول يوم تكون الاجهزة عطلانة روحي ثاني يوم اضمن لكم الاثنين

وان شاء الله راح تنضاف لك من عندهم وحتى لو انقفلت من عندك راح تفضل مفتوحة عندهم خلال الاسبوع الجاي ان شاء الله

الله ييسر لك كل خير :-)

[_Besh]

الجوهرة ، بالضبط زي ماقالت الجميلة ^
لازم ماناخذ نفس الخطة عشان نبقي مواد سهلة للأترام الجاية
عشان لو اعتمد المعدل بس ع مواد التخصص يمكن يكون شويا صعب علينا نثبته مرتفع.

وايت روز الله يسعدك ويوفقك ويسهل كل أمورك يارب ♡

[Al-Joharh]

^
حلو أنك قلتي يسعدك ربي

يصير اذا رحت ان شاء الله الإثنين

أقولهم أبغى أضيف ثقافة 2 والتحرير الكتابي

وبكذا تصير 5 مواد

طيب اش ذي u.t.r..

ما عرفت ذي الأيام ؟؟؟

ووومشكورة جميلتي وايت روز وجميلتي بيش

^_^

[Engy93]

مرحبا,
أخت white rose الله يسعدك بغيت أسألك اذا في ملخصات أو شي يخص قسم اللغة الفرنسية في منتدى الملخصات لأني نفسي أتعرف على ماهية المواد و مالقيت شي

[_Besh]

U : أحد
m : اثنين
t : ثلاثاء
w : أربعاء
r : خميس
وبس :)

[Al-Joharh]

المشاركة الأصلية كتبت بواسطة _besh u : أحد m : اثنين t : ثلاثاء w : أربعاء r : خميس وبس :)

غيروها كانت s. الأحد غيروا الرموز :)

[SOUS..]

اخت white rose السلام عليكم كيفك ان شاء الله طيبه طيب صحبتي ماتبا ينزل معدلها لا انو ماشاء الله عالي 4,50 تبا تحاول قد ماتقدر تحافظ عليه هيا كانت ناويه تمشي علي الخطه حقت اللغة الانخليزيه ادا باذن الله تم قبولها وعدت من الاختبار عشان ماكانت حابه تلخبط وكدا ايش تنصحينها تنزل الترم دا غير مواد التخصص ؟؟؟؟؟
نزلت هيا ثقافة 2 دحين ايش ممكن تنزل كمان لا انو لسه ما اختبرت باقي الاسبوع الجاي زي ماتعرفي وهيا خايفه تقفل عليها الشعب حقت المواد العامه ومايبقالها غير مواد التخصص لا انو الله واعلم متا تطلع نتيجه الاختبار
وان شاء الله اذا تم قبولها فتخصص ايش تنزل؟؟
وكيف تنصحينها تمشي بخطتها تنزل اربعه مواد كل ترم او 5 او كيف !!!!؟؟ ( واسفه كتير الاسئله)
اتمنا تساعدينها ومشكووره سلفا ويعطيك الف عافيه ياارب

[white rose]

_Besh و Al-Joharh

تعاونكم يثلج الصدر الله يوفقكم وييسر لكم كل خير ويرزقكم بكل دعوة ضعفها

المشاركة الأصلية كتبت بواسطة Engy93 مرحبا, أخت white rose الله يسعدك بغيت أسألك اذا في ملخصات أو شي يخص قسم اللغة الفرنسية في منتدى الملخصات لأني نفسي أتعرف على ماهية المواد و مالقيت شي

حياك الله اختي

ومرحبتين منورتنا

ملخصات خاصة بقسم اللغة الفرنسية للامانة ما كان عندنا طالبات يفيدونا عن المواد والكتب تواجدهم جدا نادر

لكن عندنا ملخصات لمادة الفرنسي 1 و2 اللي اخذوها طلاب وطالبات اللغة الانجليزية من قسم الفرنسي :

ملخصات مواد الفرنسي [ Lanf 241 & Lanf 221 ]

الله يوفقك :-)

المشاركة الأصلية كتبت بواسطة SOUS.. اخت white rose السلام عليكم كيفك ان شاء الله طيبه طيب صحبتي ماتبا ينزل معدلها لا انو ماشاء الله عالي 4,50 تبا تحاول قد ماتقدر تحافظ عليه هيا كانت ناويه تمشي علي الخطه حقت اللغة الانخليزيه ادا باذن الله تم قبولها وعدت من الاختبار عشان ماكانت حابه تلخبط وكدا ايش تنصحينها تنزل الترم دا غير مواد التخصص ؟؟؟؟؟ نزلت هيا ثقافة 2 دحين ايش ممكن تنزل كمان لا انو لسه ما اختبرت باقي الاسبوع الجاي زي ماتعرفي وهيا خايفه تقفل عليها الشعب حقت المواد العامه ومايبقالها غير مواد التخصص لا انو الله واعلم متا تطلع نتيجه الاختبار وان شاء الله اذا تم قبولها فتخصص ايش تنزل؟؟ وكيف تنصحينها تمشي بخطتها تنزل اربعه مواد كل ترم او 5 او كيف !!!!؟؟ ( واسفه كتير الاسئله) اتمنا تساعدينها ومشكووره سلفا ويعطيك الف عافيه ياارب

هلا أختي

وعليكم السلام ورحمة الله وبركاته

بخير الله يجعلك باحسن واتم حال

ما شاء الله تبارك الرحمن ربي يحميها ويوفقها

اذا صحبتك لغتها الانجليزية بيرفكت كتابة وتحدثاً يصير تنزل مواد التخصص الثلاث

لكن اذا لغتها لك عليها ويبغالها شغل بسيط تنزل مادتين من التخصص قراءة 1 واستماع وتحدث 1 واذا اللغة ضعيفة يصير تاخذ هالترم كلو مواد عامة وترفع معدلها وتطور من لغتها

لان بالتخصص ما تتعلمين لغة يعاملوك على انك متعلمة اللغة ويعطوك استراتيجات وقواعد تمشي عليها لذلك الاغلب معدلهم ينزل لان الاختبارات من برى الكتب يعني لازم تكون عندك حصيلة لغوية وكلمات من برى المنهج عشان تقدرين تحافظين على معدلك

الافضل انها تنزل مواد عامة 4 مواد تعتبر كافية لها واذا عدت بالاختبار ان شاء الله وقتها تنزل مواد التخصص من عندهم اما اذا لا قدر الله ما عدت بالاختبار يصير تتخصص باي قسم وتدرس المواد العامة وتشتغل على لغتها وترجع الترم الثاني تقدم على الاختبار وتحول على القسم

الخطة للامانة الاغلب ما يلتزمون فيها عشان المعدل والمواد تكون دسمة واذا ما فهمتيها راح تاثر سلباً على معدلك لا قدر الله لذلك نتأنى فيها وما نستعجل والاغلب بس بيزيدو ترم واحد وممكن تزيدي بس صيفي واحد اذا مو حابة انها تزيد ترم دراسي

والاغلب ينزل خمس مواد بالكثير بالترم الواحد بس فيها شغل على الطالبة وزي ما قلت لك يعتمد على مستواك باللغة كثير وممكن تنزلي 4 حسب قدرتك ولغتك

والعفو الله ينور بصيرتكم ويفتحها بوجهكم :-)

[SOUS..]

اوكي مرررررررررررا شكرا اختwhite rose خلاص هيانزلت ثقافه 2 والتحرير الكتابي مقفله كل الشعب والفكر الفلسفي مافي غير شعبه وحده ومقفله والشباب والقيم المواطنه مافي ماتحددت فصول ماحصلت غير مقدمة في العلوم الطبيعيه ومع دكتور كمان مودكتوره بتشوف بتحاول تروح الفيصيله و تنزل من عند الشؤون التحرير الكتابي وادا ان شاءالله تم قبولها بتخصص حتنزل قراءة 1 والاستماع والتحدث 1 حتنزل مادتين تخصص عشان تجرب القسم وتشوف كيف والكتابه 1 تخلي الترم التاني لو ارتاحت لتخصص ان شاء الله وكملت وتحذف التحرير الكتابي لا انو عربي وهيا مو شاطره بالعربي فتخاف ينزل معدلها لا انو العربي هو الي نزل معدلها بسنه التحضريه كانت جايبه فيه c وبتخلي الترم التاني داعوواتك اخت white rose انو تعدي من الاختبار ويتم قبولها بتخصص