Econ 204 (( بالتفصيل ))

[bent oo bas]

انا موجوده بس مع المطر مافي جامعه يومين لكن عشان خااااطر عيونكم
انا حاشتري الكتاااب الجديد وحانزل ورد في الكتاب الجديد بالكاااامل والكتااب القديم بالكامل
في شي كمان احنا اخدنا البرمجه الخطيه وباقيلنا شي بسيط في الفصل الاخير بس ما اعرف كيف وضع الجامعه حتعوضنا عن اليومين ولا لا
وحانزل كل شي اخدتو في هادي اليومين واسفه على التاخير لانو كتابي ماكان معايا من الاثنين
لكن انا في اقرب وقت حانزل اشتري الكتاب الجديد :) باذن ربي

[ألف باء تاء]

الله يوفقك ويسعدك يا بنوته

قولي لنا إذا السمبلكس معانا أو لا؟؟ من فصل البرمجه الخطيه؟؟


:)

[ألف باء تاء]

عقدني الكمي مع إني كنت أحبه,

إللي أبغى أعرفه مع أني إدري إنكم راح تحقروا إجابة سؤالي,

ص 343 فصل تحليل المدخلات والمخرجات

مثال 8-1

آخر فقره في السؤال, الإنتاج الكلي, كيف طلعت إجابته؟؟؟؟!!!!

كيف طلع الناتج أ 67.33

و طلعت نتيجة ب 102؟؟


ياليت أحد يجاوبني والله يوفقه يارب ويسهل له أموره

:)

[سبأ]

انتي شكلك الكتاب القديم ؟

انا الجديد .. اعطيني رقم المثال .. ~



المهم فتحت الفصل وقراته .. ولسه ما بدأت مذاكرته

بس حديكي فكرهـ عن اللي تبغيه

بالنسبه للانتاج الكلي ~

طبعا ً اول شي على قول الاستاذهـ حطي القاعدات قدامك ورصيها عشان تحلي

اول شي ايجاد مصفوفه ليونتيف
واكيد تعرفي كيف تحليها ~
ثانياً .. ايجاد المعكوس
وعلى طول تقولي .. لها اربع طرق .. !
1 _ محدد المصفوفه
2 _ مصفوفة المرافقات
3 _ مبدل المصفوفه
4 _ ايجاد معكوس المصفوفه .. وهو المهم

ومنها تقدري تطلعي الانتاج الكلي .. كيف ..!

حطي القانون وامشي عليه بمفهومك

الانتاج الكلي = 1/ محدد المصفوفه x معكوس المصفوفه x الطلب الجديد ( ط1 / ط2 ) مثلا ً =)


ملحوظه : الطلب الجديد ( معطى في المسأله )

وعادي تقسمي وتضربي عادي .. طبعا ً ضرب المصفوفه زي ما اخدناها
الاول في الاول + الثاني في الثاني
ويطلع معاكي الناتج


جربي وقولي ايش سار معاكي .. =)

[ألف باء تاء]

المشاركة الأصلية كتبت بواسطة سبأ انتي شكلك الكتاب القديم ؟ وعادي تقسمي وتضربي عادي .. طبعا ً ضرب المصفوفه زي ما اخدناها الاول في الاول + الثاني في الثاني ويطلع معاكي الناتج جربي وقولي ايش سار معاكي .. =)

الله يسعدك يارب وييسر لك أمورك

إللي أتوقعه إن كتابي جديد لأن رقم الطبعه, 1429 1430


بس أنا هنا موقفه في هالنقطه

وعادي تقسمي وتضربي عادي .. طبعا ً ضرب المصفوفه زي ما اخدناها
الاول في الاول + الثاني في الثاني
ويطلع معاكي الناتج

رقم المسأله 8-1

والمسائل إللي بعدها كمان أوقف عند نفس النقطه هذي

يعني إذا فهمت هالنقطه راح أفهم المسائل الباقيه إن شاء الله,

أنا لما ذاكرت ضرب المصفوفات في الفصل الرابع تقريبا, كانت الأسئله عدد نضربه في مصفوفات

وهذي المسائل كسر نضربه في مصفوفات, أنا قسمت البسط على المقام وضربته في المصفوفه الأولى أممممممممممم

أنا أصلا ملخبطه بس الله يعافيك لو تقولي لي كيف ضرب المصفوفات في كسر

وكيف طلع هالناتج

والله يوفقك يارب,

:)

[سبأ]

وهذي المسائل كسر نضربه في مصفوفات, أنا قسمت البسط على المقام وضربته في المصفوفه الأولى أممممممممممم أنا أصلا ملخبطه بس الله يعافيك لو تقولي لي كيف ضرب المصفوفات في كسر وكيف طلع هالناتج والله يوفقك يارب,

وإياكي يارب وللجميع


والله شوفي .. انا التمرين ما حضرتوا
بس افتكر بعدها قالت لنا الاستاذهـ انو مصفوفه من تلات اعمدهـ في النادر ما تجي
يعني عامودين ويالله تطلع النتيجه

وبالنسبه للكسر ..
حليتها دوبي وطلعت النتيجه .. كيف .!

طبعا ً اول حاجه تضربي المعكوس x الطلب النهائي .. ( الاول في الاول + الثاني في الثاني )
النواتج حتطلع لك ..
> 57.5
> 102
وعلى شكل مصفوفه .. حلو ؟
بعدين 1/ 0.854
تقسميها عادي وتضربيها في 57.5 فقط ( بس ليش مدري )

حيطلع لك ..
> 67.33
> 102


قاعدهـ افكر من اول ليه طلع بدي الطرييقه مو عارفه
بس هو دا الحل .. ويارب تجي وحدهـ من البنات وتعطينا الاجابه وتفيدنا ~

وسؤالك كان حلو بيفيد الكل وقت المذاكرهـ =)

[life is]

الله ييسرلك امرك منتظرين الباقي على احر من الجمر
على فكره بنات انا عايده الماده بس مو كسل مني لا والله
بس الاسئله جات كثيره واغلبها يبغالها حل مطول علشان نختار الاجابه
وكانت الاسئله اختياري غير كذا الاستاذه سوزان حذفت اشياء كثيره
وفي الاختبار جابتها ولمن سألناها قالت محدش يكلمني!!!
الله يستر هذي السنه يارب يراعونا

[ألف باء تاء]

المشاركة الأصلية كتبت بواسطة سبأ طبعا ً اول حاجه تضربي المعكوس x الطلب النهائي .. ( الاول في الاول + الثاني في الثاني ) النواتج حتطلع لك .. > 57.5 > 102 وعلى شكل مصفوفه .. حلو ؟ بعدين 1/ 0.854 تقسميها عادي وتضربيها في 57.5 فقط ( بس ليش مدري ) حيطلع لك .. > 67.33 > 102 قاعدهـ افكر من اول ليه طلع بدي الطرييقه مو عارفه بس هو دا الحل .. ويارب تجي وحدهـ من البنات وتعطينا الاجابه وتفيدنا ~ وسؤالك كان حلو بيفيد الكل وقت المذاكرهـ =)

ياليت أحد يفيدنا يا بنات في النقطه هذي

[bent oo bas]

أنا الصراحة اعرفها بطريقة ثانيه ما اعرف هادا الشرح

[bent oo bas]

السلام عليكم
هادا الفصل في الجديد والقديم زي بعض
اللي معانا
مثال ( 9 – 1 ) صـ 357
مثال ( 9 – 2 ) ، ( 9 – 3) صـ 357
مثال ( 9 – 4 ) ، ( 9 – 5) صـ 358
مثال ( 9 – 6 ) صـ 359
مثال ( 9 - 7 ) ، ( 9 – 8 ) صـ 360
مثال ( 9- 9 ) صـ 361
وبعدها محذوف رقم 3- اذا كانت المدة بالايام صـ 361
ومحذوف صـ 366،365،364،363،362
وبعدين جملة الاستثمار معانا
مثال (9- 14) صـ 367
(9 – 15 )،(9 – 16) صـ368
مثال ( 9- 18 ) صـ 369 محذووووووف
مثال( 9- 19) معانا صـ 370
مثال ( 9 – 20) محذوووووف صـ 371
ومثال ( 9 -21) محذووووف صـ 371
ومعانا مثال ( 9 – 22 ) صـ 374
والخصم التجاري والقيمة الحالية لمبلغ صـ 376 محذووووف وصـ 377 وصـ 378 محذوووفه
معانا* الاستثمار بنظام الفوائد المركبة
وهاذا اخر شي وصلنالو يوم الاثنين وبعدها ماخلونا نروح الجامعة
واذا جاه شي جديد حانزلو على طول باذن ربي