قآئمة الشُعب الدرآسية.. نزلتْ ع الأودس ):

[redcandle]

بنات ايش رايكم بجدولي هادا
بوتري سمانتك ترجمه ابلايد ريسيرش
بس انا افضل اخد الريسيرش في ترم يكون بس اربع مواد
وكمان اذا ابغى ابدل الريسيرش ابدل بالنقد ولا ماينفع بوتري و نقد في نفس الترم
مررررررره حيرانه ساعدوني بليزززز

[شهووووده]

بنات بليييييييز محتاجه رأيكم ايش المواد اللي ىخذها هذا الترم

باقي لي 8 مواد ع التخرج

ريسيرش-بويتري-كريتيسيزم-مودرن-شكسبير-سيمنار-براكتيكم1-براكتيكم2

لاتبخلوا عليه بنصيحتكم

وربي يوفق الجمييييييييييع

[حنين الود]

المشاركة الأصلية كتبت بواسطة redcandle بنات ايش رايكم بجدولي هادا بوتري سمانتك ترجمه ابلايد ريسيرش بس انا افضل اخد الريسيرش في ترم يكون بس اربع مواد وكمان اذا ابغى ابدل الريسيرش ابدل بالنقد ولا ماينفع بوتري و نقد في نفس الترم مررررررره حيرانه ساعدوني بليزززز

انا اقول خلي الترجمه لترم ثاني عشانها سهله ترفعلك المعدل خذي الترجمه مع النقد الترم الجاي
والترم هذا خذي بويتري وابلايد وريسيرش وسيمانتك مواد مختلفه عن بعض والسيمانتك يرفعلك المعدل ويكون عندك وقت للريسيرش والابلايد وبويتري ونقد في ترم واحد مادري بس ماشجع عشان ماتحوسي وتتلخبطي خذي مواد مختلفه عن بعض احسن

[حنين الود]

المشاركة الأصلية كتبت بواسطة شهووووده بنات بليييييييز محتاجه رأيكم ايش المواد اللي ىخذها هذا الترم باقي لي 8 مواد ع التخرج ريسيرش-بويتري-كريتيسيزم-مودرن-شكسبير-سيمنار-براكتيكم1-براكتيكم2 لاتبخلوا عليه بنصيحتكم وربي يوفق الجمييييييييييع

اهم شي الترم هادا تاخذي الريسيرش والبويتري والبراكتيكم 1 وشكسبير
والترم الثاني براكتيكم 2 ومودرن وكريتيسيزم وسيمنار

[حنين الود]

المشاركة الأصلية كتبت بواسطة الإمبراطورة أهلآ.. السيمآنتكس منْ الموآد السهلة.. والممتعة.. لآ تشيلي همهآ أبدآ.. أنآ درستني د. أفنآنْ وكآن تمآم والحمدُلله.. بس أصحك تأخذيه مع د. منآل إذآ تقدري..,, دُمتم سآلمين.. (:

طيب ايش كتابها اذا متذكره اسمو بليز وعن ايش هيا الماده وتنصحيني دحين اخدها والا اخليها لبعدين مع مواد صعبه ؟؟
وايش رأيك باللغويات الاجتماعيه ايش اصعب هيا والا السيمانتكس
معليش تعبتك

[redcandle]

المشاركة الأصلية كتبت بواسطة حنين الود انا اقول خلي الترجمه لترم ثاني عشانها سهله ترفعلك المعدل خذي الترجمه مع النقد الترم الجاي والترم هذا خذي بويتري وابلايد وريسيرش وسيمانتك مواد مختلفه عن بعض والسيمانتك يرفعلك المعدل ويكون عندك وقت للريسيرش والابلايد وبويتري ونقد في ترم واحد مادري بس ماشجع عشان ماتحوسي وتتلخبطي خذي مواد مختلفه عن بعض احسن

لازم اخد الترجمه هادا الترم لانو كيف اخد براكتيكم 1 الترم الجاي إن شاء الله ولا ايش رايك

[غـــرور]

المشاركة الأصلية كتبت بواسطة الإمبراطورة أنآ عنْ نفسي أخذتْ الكريتيسيزم قبل البويتري.. وعآدي كآنْ مآشي حآلو.. أصلآ مآلو علآقة بالبويتري.. (مآدة حِفظ) مُوفقة.. (:

طيب مع ميـن أخذتيــه ..!

وهل هو صعب ولآ سهـل يعني أقدر أجيب فيـه درجـآت عاااااالــيه :(


معليش تعبتك معي بأسئلتي ..


( الله يجزآكي خير )

[الإمبراطورة]

المشاركة الأصلية كتبت بواسطة حنين الود طيب ايش كتابها اذا متذكره اسمو بليز وعن ايش هيا الماده وتنصحيني دحين اخدها والا اخليها لبعدين مع مواد صعبه ؟؟ وايش رأيك باللغويات الاجتماعيه ايش اصعب هيا والا السيمانتكس معليش تعبتك

أهلآ.. آسفة ع التأخير (كُنت مشغووولة)
الكتآب كآنْ:

A course book , byJames R. Hurford and Brendan Heasley. Cambridge University

مآ أدري إذآ تغير أو لآ... هو المنهج المُعتمد من أول..

المآدة.. هي علم المعآني وعن دلآلآت المعآني..
المآدة سهلة.. وتعتمد ع المذآكرة.. إذآ ذآكرتِ وفهمتِ خلآص.. (الإختبآرآت حـ تكون سهلة)
المآدة عمومآ تُعتبر سهلة بالمقآرنة ببعض موآد اللغويآت..,,


بالنسبة للـ socio .. لسه مآ أخذته .. فـ مآ أقدر أفتيك


بالتوفيق..
(:

[الإمبراطورة]

المشاركة الأصلية كتبت بواسطة غـــرور طيب مع ميـن أخذتيــه ..! وهل هو صعب ولآ سهـل يعني أقدر أجيب فيـه درجـآت عاااااالــيه :( معليش تعبتك معي بأسئلتي .. ( الله يجزآكي خير )

أهلين.. عزيزتي..
شُوفي أنآ أخذته الترم اللي قبل المآضي..
وكآنتْ أ. سهآم .. مرة تمآم وأسئلتهآ حلوة (منوعة.. موضوعية..ومقآلية)..
وعلى مآ أعتقد إنو الأستآذة غيرت أُسلوبهآ وأسئلتهآ..

فـ لو تسألي البنآت اللي أخذوه السيمستر اللي رآح أفضل وحـ يفيدوكِ أكثر *_^

(هي المآدة حِفظ ) ومع أسلوبهآ الجديد صآر الإعتمآد ع الـ writing أكثر..
كُل الأسئلة essay questions
(وإذآ الكتآبة عندك تمآم.. لآ تشيلي همه حـ تجيبي درجآت عآلية)..



دُمتم سآلمين..
(:

[الإمبراطورة]

المشاركة الأصلية كتبت بواسطة redcandle بنات ايش رايكم بجدولي هادا بوتري سمانتك ترجمه ابلايد ريسيرش بس انا افضل اخد الريسيرش في ترم يكون بس اربع مواد وكمان اذا ابغى ابدل الريسيرش ابدل بالنقد ولا ماينفع بوتري و نقد في نفس الترم مررررررره حيرانه ساعدوني بليزززز

أهلآ عزيزتي..
جدولك حلو..مآ شآء الله..
وأنصحك لآ تآخذي البويتري والكريتسيزم مع بعض أبدآ

وإذآ تقدري تخلي أربع موآد بالجدول (إذآ كآنْ معهم research) أفضل {إذآ مآ يلخبط خُطتك}
إلآ إذآ أخذتيه مع د. مآيسة ود. إيمآن بآسلآمة (لأن طلبآتهم أقل)


الـريسيرش مهم جدآ . . لآزم تضيفيه..,,



مُوفقة..
(: