{.. استفسـآرات الـرآغبين في التخصص بقسم اللغـآت الأوربيـــــة..} ::تفضـلوآ هنــــآ ::

[ام حمدان]

وعليكم السلام ورحمة الله وبركاته

عزيزتي مافهمت عليكي ايش تقصدي بانك لااول ولاثاني ؟

عموما القصد انه شروطهم لازم تكوني جايبه 95 وفوق في مواد الانجليزي الي درستيه في التحضيري+معدل لايقل عن 4.50
لانك انتظام
والفرنسي نفس الشروط لكن يتساهلوا فيه اذا اختلت الشروط لانه الاقبال عليه قليل جدا
ومااعرف صراحه اذا كان فيه فرنسي في فرع الفيصليه تقدري تسئليهم في منتدى كليه التربيه للبنات

إن شاء الله اكون افدتك

بالتوفيق

[Ά7ţαјҚ ღ Άήα]

طيب ايش هيا الالكا..؟
هيا نفسها ماده الانجليزي اللي ندرسها بالتحضيري..؟
وبالنسبه لتخصص الفرنسي
انا لما رحت اليوم الارشادي
لقيت مطويه عن الفرنسي ومكتوب فيها ان القسم يفتح احضانه بدون شروط مسبقه
بستثناء شرط الرغبه الصادق والاستعداد لبذل مجهول
معقوله مافي شروط..؟
لانو انا حلمي ادخل فرنسي واخاف احط قسم اداب وبعدين مايدخلوني لا انجليزي ولا فرنسي واتورط
مع اني خلاص خلصت كل مستويات الانجليزي بالسنه التحضيري دحين
وبس درست المستوى الثالث والرابع

[ام حمدان]

الكا elca هو الانجليزي الي في التحضيري

طيب انتي قصدك انك لمن دخلتي التحضيري
درستي على طول ليفيل 3 و4 مابداتي من اول ليفل صح ؟
اوكي مافي مشكله المهم انه درجاتك كانت فيهم 95 ومافوق +معدل لايقل ن 4.50 --هذا اذا كنتي تبغي انقلش
اما الفرنسي --نفس شروط الانقلش بس قللتلك يتساهلوا في القبول لانه قليل جدا الي يدخلوه

انتي لو الشروط منطبقه عليك لاتخافي راح تنقبلي بسهوله إن شاء الله سواء عندنا في الجامه او في الفيصليه بس اذا كنتي في الفيصليه لازم تتاكدي اذا فيه فرنسي او لا لاني مااعرف بصراحه

بالتوفيق

[Ά7ţαјҚ ღ Άήα]

مشكوووره ياقلبي
تعبتك معايا
وان شاء الله ربي يكتب اللي فيه الخير ليا ولكل البنات
جزاكي الله الف خير

[عزف الأنين]

السلـآم عليكم ..

بنات لو سمحتو اختبار القبول للانقلش كيف طريقته .؟؟
يعني هل اختيارات والا اسئله عاديه والا شلون طريقته.....؟
ومن وين لازم اذاكر .؟ وكم المفروض اجيب ؟؟
ومتي وقته علي بدايه السنه والا بالصيف ؟
وشششششكرآإ حبايب البىآ

[عزف الأنين]

بنااااااااات وينكم !!!!!!!!!!!!!!!!!!!!!!!!!!!!!
ليه مااحد يجاوووووووووووووب

[ام حمدان]

^
عزيزتي سبق ورديت عليكي في الرد رقم 100
وهذا ردي نسخته لك من جديد

^ وعليكم السلام ورحمة الله وبركاته عزيزتي انتي انتساب ولا انتظام لانه في فرق في المعايير الانتساب معدل لايقل ن 4 ودرجات الكا1و2 لاتقل عن 90 الانتظام معدل لايقل عن 4.50 ودرجات الكا1 و2 لاتقل ن 95 اذا ماانطبقت عليك المعايير ينعمل لك اختبار بشرط درجات الالكا لاتقل ن 80 الاختبار تحريري فقط اذا انتساب عباره عن كتابه براقراف عن موضوع معين مااعرف كم لازم تجيبي فيه بس هم من خلاله يقيسوا مستوى كتابتك كيف وعلى اساسه يتم قبولك من عدمه الانتظام لهم اختبار تحريري + مقابله والموعد لو كنتي انتساب او انتظام يتحدد موعدالاختبار عالترم الجاي إن شاء الله ووقت ماينزل الموعد بنعلن عنه إن شاء الله وفقك الله ويسر امورك

[عزف الأنين]

ام حمدآإنـ

شكرآإ حبيبتي والله ماتقصرين ..
بس انا كان سؤالي كيف طريقة اختبار القبول ؟؟
من حيث الاسئله كيف تكون ؟؟
انتي قلتي اختبار تحريري بس كيف يكون ؟؟
انا فيه بنت قالت لى انه تكتبين تعبير بس هي مو متاكده
بس يعني لو كلامها صح تعبير وعليه 100 درجه !!!!!

وآآسسفه غلـآإى ازعجتكـ ..
والله يحررم يدياتك عن النار ..

[ام حمدان]

هلا عزيزتي
وانا ياقلبي فالرد تكلمت عن اختبار القبول :)
سبق وكتبت لك في الرد انه الاختبار عباره عن كتابه براقراف عن موضوع معين لكن مااعرف كم الدرجه عليه لان الي اختبروا ماقد جابوا سيرته الدرجه كم بالضبط بس من خلال الاختبار يعرفوا مستوى كتابتك و لغتك

وفقك الله ويسر امرك

[rose sky]

مساء الخيرات صبايا

انا حلمي احول انجلش بس احس اني اميل للفرنســـــــــــــــي ونفسي اتعلم هاللغه

بس خايفه يكون في اختبار او شروط تعقيديه لدخول هالقسم ..

ياليت من جد احد يفيدني عن قسم الفرنســـــــــي .. .. لاني كنت سنه تحضيري بالجامعه وحولوني جغرافيا بالفيصليه .. ..ومافيها فرنسي بس فرع السليمانيه
ياليت اللي يداوموا بالسليمانيه يمروا القسم ويستفسروا عن موعد التحويل والشروط للفرنسي لانه في صبايا كثير خاطرهم يحولوا .. ..
من جد تاخذوا اجر فينـــــــــــــــــــا

وبالتوفيق للجميع