درجااات السسسسسسسلوك

[احمد سكلنس]

اول شي وربي ما قريت كلام تاتلين دا اولا تانيا الاختبار ولا كان يبغالو تفكير حتى انتي لو بس قراتي كان تعرفي تجاوبي انا مني فاهم فين الصعوبه في كدا
كيف مراعينا ؟؟؟؟ ترا ما زود ولا احد نص درجه لا تجلسو تقولو كلام منتو عارفينو وادا تبغو افتحو موضوع جديد واسالو الشباب !!!
معليش الدكتور مره طيب وحقاني وشرحو اوكي وكمان قدركم واعطاكم فرصه وانتو ما استغليتوها صح ولا انا غلطان

[samya]

والله ياآخ احمد إذا آنتا ولد وتقدر وقت ماتبغى تروح عندو وتكلمو.. هذا شي جميل بالنسبه لك
نحنا إذا نبغى نقلو حرف يسكتنا ولاحتى يدينا اصلا مجال نتكلم.. هذا شي الشي الثاني طريقتو في توزيع الدرجات جدا سييييئه
آغلب المواد تتقسم الدرجات ع دوريين+فاينل+كويزات+اسايمنات..الخ ليش؟عشان الوحده لمن تكون درجاتها في الدوري بطاله يكون في شي يرفعها..
في مره وحده قالتلو لو سمحت تقدر تدينا واجب عليه درجات قام قلها واجب؟ قام مدري إش قلها وضحك هوا والشباب عليها!!!
ولمعلوماتك الخمسه درجات الي هيا الفرصه الي تتكلم عنها+الاختبار الثاني لما سار ساعتين مو ساعه جات بعد فضل لله مننا نحنا البنات الي جلسنا كل شويه نشتكيه ع الي سار في الدوري الاول..
غير إنو في البدايه ماكان يحل معانا تمارين خارجيه عشان نعرف كيف طريقه الاسئلة وبالفعل انصدمنا من الاختبار الاول لأنو ماكان يشرح إلا من امثلة الكتاب التاإاإافهه
وع فكره سهوله الإختبار الثاني جات من بعد ما طلبنا منو يحل تمارين خارجيه عشا نعرف كيف صياغة الإختبار..
وبعدين سلامات الفاينل حاط فراغات وطالب إجابات نهائيه!! مسائل إش ياطولها في النهايه طالب آخر نتيجه
مثال ع ذالك جداول الصادر آول.. الخ
آولا هاذي ماده علميه بحت المفروض يحاسب ع طريقه الحل.. ع ماآضن نحنا ندرس محاسبه
يعني ياتصيب ياتخيب!!
كان يمدينا بكلللل بساطه نغش الإجابه النهائيه ونرتاح بس حمدلله خايفين من ربنا
ع العموم آنا بأطالب رئيسة القسم ماتخلي مواد المحاسبه المتبقيه تكون شبكه.. الله يخلي دكتوراتنا بكل بساطه تجيبي آفضل درجه بإذن الله وإنتو الله يهنيكم مع د.علي والله يوفقكم ويوفقنا..
ثاني شي نحنا مانتكلم ع شرحو .. شرحو حلو ومحد قال شي..

[احمد سكلنس]

طيب اوكي ماده علمية حلو كتير يعني لو جبلك السوال من الى انتي تحليه يعني راح تعرفي ادا في الاجابه القصيرة ما قدرتو راح تقدرو في الطويلة نتكلم بمنطق شويه ؟؟

[Basmah.t.b]

^ بس في الاخير هوا حيحاسب على اللي في الفراغ لكن لو قلنا حل طويل على الاقل حيحاسب على الطريقة بس هوا اصلا دكتور مافيه يصحح ويتعب نفسه

[طيش على جديه]

معليييييييييييييييييييييش الدكتور علي شي مو طبيعي يا جماعه مدري هوا الغلط مني ولا اييه .. الدوري الاول قولنا اوكي اول دوري ومو مشكله.... بس الدوري التاني اكلت التمارين اكل وانا من النوووع اللي افهم معاه .... ليه مااجيب درجااات ابفهمم .. وبعديين ابى اشوف طالب او طالبه ماخدين عنده a ابا اشووف ... عشااان اقول انو هوا دكتوور طبيعي ممكن يكون عنده طلاب شطار ومتوسطين وعادي عشان اقتنع انو الغلط مو منوو مننا

[تاتلين]

المشاركة الأصلية كتبت بواسطة احمد سكلنس اول شي وربي ما قريت كلام تاتلين دا اولا تانيا الاختبار ولا كان يبغالو تفكير حتى انتي لو بس قراتي كان تعرفي تجاوبي انا مني فاهم فين الصعوبه في كدا كيف مراعينا ؟؟؟؟ ترا ما زود ولا احد نص درجه لا تجلسو تقولو كلام منتو عارفينو وادا تبغو افتحو موضوع جديد واسالو الشباب !!! معليش الدكتور مره طيب وحقاني وشرحو اوكي وكمان قدركم واعطاكم فرصه وانتو ما استغليتوها صح ولا انا غلطان

احمد منزل موضوع ومتعبني خليتني اروح اجيب لك الرابط اللي كتبت فيه الاسئله وفي النهايه ماقريتهطيب انا اوريك.<<<امزح عاد لاتخاف مني

خلاص احس شوي وتقوم مضاربه هنا الاولاد ماشاء الله ماشين تمام معاه وواضح بالدرجات اما البنات مساكين رحنا فيها معاه ...انا قلت قبل الدكتور ماشاء الله عاجبني شخصيا وافهم منه بس في الاختبار ماادري وش يصير لي مااجاوب زين..
الحل زي ماقالت ساميه مواد التخصص ماتكون شبكه ونرتاح ع الاقل دكتوره قدامنا نسألها ونتناقش ونروح مكتبها...

عموما موفقين جميعا...

[احمد سكلنس]

المهم ما راح نجلس نتكلم في اللي راح الحمدلله على كل حال والله يوفقكم وتعوضوها في باقي المواد

[احمد سكلنس]

هههههههههههه والله معليش بس يومها انشغلت ونسيت افتحها واقراها عالعموم مشكورة ياعسل واعوضلك هيا المره التانيه

[احمد سكلنس]

انا اخد a وفي معايا كم واحد

[Joda Majed]

المشاركة الأصلية كتبت بواسطة احمد سكلنس طيب اوكي ماده علمية حلو كتير يعني لو جبلك السوال من الى انتي تحليه يعني راح تعرفي ادا في الاجابه القصيرة ما قدرتو راح تقدرو في الطويلة نتكلم بمنطق شويه ؟؟

ياسسسسسسلاام ؟؟

يعني اذا انا حاله المساأله الي طولها خمسين شبر كلها صح وجيت باخر سطر سهيت وطار صفر من بين الاصفار

المنطق يقول يا اخ احمد الدرجه كامله تطير واخذ صفر محلها برايك كذا ؟؟!!!

انت الي تكلم بمنطق شويا ولاتجلس تدافع عنه بالشكل ذا وانت ماحسيت بالظلم الي جا لجميع الطالبات بسببه

وارجع اقولك وبالخط العريض احنا مابنتكلم عن شرحه طيب بنتكلم عن اسلوبه معانا يا طالبات بس

ليتها بس بنت وحدا الي اشتكت بنقولك العيب منها .. لاكن كلنا اشتكينا من الشي نفسه .. يعني ؟!!

جرب جرب ؟ ترم كامل نحطك اجباري قدام شاشه الي شاشتنا بالبيت اكبر منها ونخليك تجلس وانت وبختك يا تشوف زي الناس يا ضاعت عليك المحاضره

ويلا اجلس اهرج ونادي بالدكتور وهوا صافك حطب ولو رد يجلس يتريق عليك ويضحك

ولو ولو ولو ولو يا مكثر مشاكلنا معاه بسبب اسلوبه السيئ

واللهِ مادري مين فينا الي لازم ينتكلم بمنطق !!