شرح الرياضيات ( تم تعديل العنوان )

[الزيتونة]

*__________________*
تكملة درس (كثيرات الحدود )
بعد مااخذنا الشيء البسيط عن كثيرات الحدود
الحين راح ناخذ الشيء الدسم من كثيرات الحدود
احتاج تفتيح مخ وعقل
تجي كثيرات حدود في عدة حالات
ممكن نشوفها في حالة
جمع وطرح كثيرات الحدود..
ضرب كثيرات الحدود....
قسمة كثيرات الحدود...
يعني فهمنا انه كثيرات الحدود تجي في حالة الجمع والطرح وفي حالة الضرب وفي حالة القسمة... ممتاز؟؟
الحين راح ناخذ كل وحده منهم ونحلها ونشوف كيف طريقة كل وحدة منهم
_________
يتبع

[الزيتونة]

*_______________*
تكملة للدرس السابق
في حالة الجمع والطرح
مثال :(3س2+5س+7)+(س2-3)
الخطوات المتبعة كالتالي
1: اشوف كثيرة الحدود في اي درجة
لقيت انها من الدرجة الثانية
2: الحين اروح ارتب واخذ الحدود المتشابهة بالاس او بالدرجة مثل ماقلنا صار اسم الاس هنا درجة واحطهم مع بعض
كالتالي
3س2 +س2+5س+7-3
4س2+5س+4
جمعت المتغيرين وهنا المتغيرين اللي درجتهم وحدة هما 3 و1 اللي ماهو باين عندنا بس لو ركزنا راح نلاقيه تحت السين فلو شفتم س وحدها قلنا قبل كذا هيه ماهي وحدها هيه تعتبر حد والحد مكون من ثلاثة خانات الثابت والمتغير والدرجة وهنا جاني س2 يعني الثابت واحد بس ماكتبوه وطلبوا منا اننا نعرفة واكيد كلنا عرفنا انه موجود يعني لازم ننتبه
لو سألنا من وين جات 4 نقول هيه مجموع ال3 مع 1 والاس مايتغير ناخذ واحد منه بس
(يعني في الجمع والطرح يبقى الاس ثابت مانجمعهم مع بعض )

[همس الغلا]

يعطيكي العافية زيتونة متابعة ....وانتظر المزيد...مشكورة

[سـعود]

انا خطة ب ونجحت الطريقة الصحيحة واللي تريح الجميع ولايضيع الوقت في مواضيع غير مطلوبه -اما حضور الدورة التاهيليه او الحصول على ملخصها من شخص ثقة

[الزيتونة]

حياك الله همس الغلا
اخ سعود مافهمت من كلامك ويش تقصد او ويش علاقته بموضوعنا ياليت تشرحلي صايرة ماافهم الا بالشرح ...وإذا كنت تقصد اني جالسة اتفلسف عليكم فأسمحلي اقول انك فهمت الموضوع خطأ
انا اخذت المفردات قبل ماابدأ و طلبت من الكل انه يدلي بدلوه حتى نفهم اكثر ولكن مالقيت غير متابعة فقط وانا جالسة اشرح لنفسي ولغيري واللي يحب يستفيد حياه الله
ولاني مااحب اكون انانية حبيت اني اساعد باللي اقدر عليه وللمرة الثانية حياك الله

[الزيتونة]

*__________________*

طيب ناخذ الحين بعض التمارين ونحلها عشان نعرف كيف انه كثيرات الحدود ممكن تجي في حالة الجمع او الطرح وفي حالة الضرب وفي حالة القسمة
وكيف نتعامل مع كل وحده منهم
الجمع : ذكرناه سابقا
الطرح : (3س2+5س+7)-(س2-3)
اول شغلة افك الاقواس عشان الاشارات ماتلخبطني
راح تصير كالتالي 3س2+5س+7-س2+3
ثاني خطوة ارتب الاسس المتشابهه مع بعض
3س2-س2+5س+7+3
الناتج 4س+5س+10
_______
فيه طريقة ثانية ممكن تكون سهلة واي الطرق لو استخدمنا هذه او تلك كلها صحيحة
الطريقة الثانية اني ارتبها بهالطريقة
3س2+5س+7
س2 -3
___________
2س2+5س+10

الضرب
القانون في كثيرة الحدود تختلف عن القانون في كثيرة الجمع والطرح
فلازم تركيز شوية وانتباه
في الضرب احنا مابننظر للترتيب لا
احنا بننظر للحد اللي في القوس الاول ونضربه في القوس الثاني كله
أيضاً في الضرب الاسس هنا بنجمعها ماهو مثل السابق ناخذ واحد منها بس
لا هنا احنا بنجمع الاسس مع بعض ونضرب المتغيرات في بعضها
ناخذ مثال :
(3س3-2س2+4)(2س2+3س+1)
=3س3(2س2+3س+1)-2س2(2س2+3س+1)+4(2س2+3س+1)
=(6س5+9س4+3س3)+(-4س4-6س3-2س2)+(8س2+12س+4)
=6س5+5س4-3س3+6س2+12س+4

وخلصنا الحل اشوى مابغينا ننتهي
باقي لنا القسمة
نكملها بكرة ان شاء الله
الحين تصبحون على خير
اتمنى لكل من استفاد ان لاينساني بدعوة في ظهر الغيب ...

[همس الغلا]

الله يوفقك إن شاء الله انا قاعدة اذاكر الفصل هذا وااراجع معك المعلومات يعطيكي العافية

[نغم الحياه]

[quote=الزيتونة;595939]

*__________________*

طيب ناخذ الحين بعض التمارين ونحلها عشان نعرف كيف انه كثيرات الحدود ممكن تجي في حالة الجمع او الطرح وفي حالة الضرب وفي حالة القسمة
وكيف نتعامل مع كل وحده منهم
الجمع : ذكرناه سابقا
الطرح : (3س2+5س+7)-(س2-3)
اول شغلة افك الاقواس عشان الاشارات ماتلخبطني
راح تصير كالتالي 3س2+5س+7-س2+3
ثاني خطوة ارتب الاسس المتشابهه مع بعض
3س2-س2+5س+7+3
الناتج 4س+5س+10
_______
فيه طريقة ثانية ممكن تكون سهلة واي الطرق لو استخدمنا هذه او تلك كلها صحيحة
الطريقة الثانية اني ارتبها بهالطريقة
3س2+5س+7
س2 -3
___________
2س2+5س+10

..................

أختي الزيتونه أشكرك كل الشكر
بس حبيت أنبه على خطأ في الحساب
بالنسبه لعملية الطرح إنتي كاتبه الناتج في الطريقه الأولى خطأ
إنتي كتبتي الناتج 4س+5س+10

بس الناتج الصحيح اللي إنتي كاتبته في الطريقه الثانيه

أتمنى منك تسوي تعديل للناتج
وشكرا

والله إنتي يالزيتونه ماقصرتي والله وأنا أشهد لك
لكن بس حبيت أنبه عشان محد يخربط

والله يجزاكي كل الخير يارب

[دودي وبس]

عندي سؤال لو سمحتي اول شي انتي قلتي ان كثيرت الحدود هاذي <<<< (3س2+5س+7)-(س2-3)
نرتبها كذا<<< 3س2+5س+7-س2+3
سؤالي ليه الـ3 كانت سالب وصارت موجب يعني احنا ماسوينا شي بس نزلناها من القوس المفروض مايصير فيها شي ... مو؟؟؟؟
والسؤال الثاني
حليتي كثيرت الحدود بالطريقه الاولى كذا
3س2-س2+5س+7+3
الناتج 4س+5س+10
تيب وحليتيها نفسها بالطريقه الثانيه كذا
3س2+5س+7
س2 -3
___________
2س2+5س+10
سؤالي يقول ليه النتيجه مو زي بعض يعني الطريقه الولى الناتج غير الطريقه الثانيه .. يعني عادي كل الاجابات صح ولا كيف ..؟؟
وسؤال ثالث انتي في الطريقه الولى حولتي الـ3 الى موجب وفي الطريقه الثانيه لما شلتي الاقواس ماحولتيها الى موجب ... واييي؟
انا عارفه ان اسألتي كثييره مرااا سوري بس وربي طفشت من كثر ما افكر
انتظر الاجابه ومراا شكرااا

[دودي وبس]

اممم عندي استفسار دوبني قرات الكتاب وطلعت بهاذا الاستنتاج هل هوا صحيح ام خاطأ
ويقولك ااذا كنا نبغا نطرح كثيرت الحدود نغير اشارات القوس الثاني واذا كنا نبغا نجمع مانغير الاشارات
هاااا شووو راييييك ؟؟؟ <<< يجييي مني ولا اسكت احسن هعععع هرجي كثرر