هنا ستكون الاخبار بعد الاحصاء والرياضيات

[noo0oona]

المشاركة الأصلية كتبت بواسطة funtoon للأسف خطأ // الاجابة 19

حياتي سوري بس ممكن اعرف كيف طلع الناتج؟؟

[Mêяcïful Şouľ]

الحمدلله الإختبار كان كويس

ومو بالصعوبة التي توقعتها .. واجهت صعوبة في التعاريف

وأكتر شي تعبني سؤال الـ الوسط الموزون Wieghted mean .. مرة غير المثال اللي في الكتاب .. لكني قعدت أقسم في الحاسبة حتى طلع لي واحد من الخيارات وحطيته خخ

ومبروك لأهل الرياضيات .. على أيامنا الترم الأول كانت الأسئلة زي الطلاسم !

المشاركة الأصلية كتبت بواسطة noo0oona حياتي سوري بس ممكن اعرف كيف طلع الناتج؟؟

صاحبي غلط بنفس السؤال !

عرض الفئة إذا أعطاكي قيمتين بس .. فتضيفي بعدها قيمة ..

مثلاً : 38 - 20

تحطي تحت العشرين القيمة اللي بعد 38 واللي هي 39

ويصير تطرحي عادي .. تطرحي 20 من 39 ويطلع لك الناتج 19 ..

[funtoon]

نحسب الـ width بطريقتين:
1) من الـ class limit ،، بطريقتين برضو :
- نطرح بداية الـ كلاس من بداية الكلاس اللي بعدو ،، أو العكس بالنهايات
- نطرح بداية الكلاس من نهاية الكلاس نفسها ونزود عليها عدد صحيح < وانتي تبعن حتستخدمي دي لأنو ماعندك الكلاسز اللي بعدها

او الطريقة التانية تجيبي الباوندري وتطلعي الـ width ،، ودي واضحة فـ الكتاب

2) من الـ boundries
- نطرح بداية الباوندري من نهايتها


وأي خدمة تانيه احنا موجودين
بس خلاص طنشو الاحصاء وهاتو الكيميا

[slashik]

إممممم..إختبار الإحصاء أكثر من رائع..

إذا موقورنت بأسئلة الترم الأول..بصراحة مساكين راحو فيها..

و في نفس الوقت إحنا رحنا فيها في الرياضيات الترم الأول..

يعني التعويض كان موجود للخطتين..ومازالت الكفة متعادلة..

الشيء الثاني إللي بأتكلم فيه وغاب عن الكثيرين..إللي هو توزيع جدول الاختبار..

بصراحة توزيع احترافي..وفينهم في الترم الأول..ترى الجدول لعب دور كبير في النتائج السيئة في الترم الأول..

يعني مثلا..الرياضيات إللي كنا نختبرها يوم(الإثنين)..الأن يختبروها يوم (السبت).....فرق كبير..

لأنه نسبة المذاكرة عندهم عالية (ثلاثة أيام)..أما عندنا كانت يوم واحد..
ناهيك عن الأسئلة إللي جاتنا..وشوف الأسئلة حقتهم كيف..

فالكفة اكيد رح ترجح لصالحهم..بالنسبة للرياضيات..

أما الإحصاء..ماكان فيه فرق كبير..لأنه كان عندهم يومين للمذاكرة..وإحنا ثلاثة ايام..حتى في ناس ماذاكروا إلا يوم الخميس والجمعة..يعني يومين فقط..وإللي ممكن وإللي استفدنا منه هو سهولة أسئلة الاختبار..فرقت عن أسئلتهم بشكل كبير..

عموما في النهاية خطة ب هم إللي كسبوا المعركة..

استفادو من تمديد ساعات المذاكرة..ومن سهولة الاختبار..

أما إحنا فقط من سهولة الاختبار..

لتكون النتيجة..2-1 لصالح خطة ب

يتوقـــslashikـــــع

[mermaid]

Wieghted mean

منجد مره حست في دا السؤال مع انو مرررره سهل بس في الاخير الحمدلله حليتوو

قعدت اخر وحده في الكلاس عشان دا السؤال الاهبل هههههه

عالعموم كان الاحصاء حلووووو ماشي حالو والاسئله تقريبا واضحه بس في بعض الاسئله مادري ايش تبغى بالزبط

بالتووووووووووووووووووووفيق في الكيماااااااااء لكل خطه أ

[مسك الختام]

اهليييييين

انا اول مرة ارد في المنتدى لكن على اطلاع بكل شي من الترم الاول

وبصراحه اشكر كل الي ساعدوني بمواضيعهم الحلوه في الاحصاء

بالذات تجمع الاحصاء الي كان الشرح اسئلتكم مرررررررررررة شكرا

والاختبار كان حلو لا باس به بس لازم نحط بصمتنا خخخ

[تخصص 13]

المشاركة الأصلية كتبت بواسطة mêяcïful Şouľ الحمدلله الإختبار كان كويس ومو بالصعوبة التي توقعتها .. واجهت صعوبة في التعاريف وأكتر شي تعبني سؤال الـ الوسط الموزون wieghted mean .. مرة غير المثال اللي في الكتاب .. لكني قعدت أقسم في الحاسبة حتى طلع لي واحد من الخيارات وحطيته خخ ومبروك لأهل الرياضيات .. على أيامنا الترم الأول كانت الأسئلة زي الطلاسم ! صاحبي غلط بنفس السؤال ! عرض الفئة إذا أعطاكي قيمتين بس .. فتضيفي بعدها قيمة .. مثلاً : 38 - 20 تحطي تحت العشرين القيمة اللي بعد 38 واللي هي 39 ويصير تطرحي عادي .. تطرحي 20 من 39 ويطلع لك الناتج 19 ..

نفس غلطتي نسيت ازود واحد

وانا كمان حوستني التعاريف حسيت كل التعاريف دخلت على بعض
بس الحمد لله عده على خير


وعلى قولتك اسئلة الرياضيات على ايامنا كانت رموز وطلاسم وكانت الاسئلة تحسسك كانك ماذاكرتي شي وعلى حذهم دحين كمان خلولهم الاختبار يومالسبت مو زينا ياحسرة علينا ايامنا كان يوم الاثنين حتى النهائي وي فكرتني بالاختبار النهائي للرضيات كاندمار لكن درجتي ما طوقعت اخذها بعد الحفلة الي عملناها داك اليوم

وبالتوفيق في الاختبارات الجاية لكل التحضيري

[مجرد شخص]

هكذا انتم دائما في القمم كما عهتكم

القمم هي من تتزين بكم وانتم متربعين عليها

وفقكم الله يأهل التحضيري

[*~M!sS Mfa76a]

المشاركة الأصلية كتبت بواسطة مجرد شخص هكذا انتم دائما في القمم كما عهتكم القمم هي من تتزين بكم وانتم متربعين عليها وفقكم الله يأهل التحضيري

اللـه يعطيك العآفيه يآ شيخ ,,
و يوفقك و يسعدك وين مآ رحت ..

فيك الخير و البركه واللـه
لآ عدمنآ اهتمآمكـ و طلتكـ
.
.

.

بالتوفيق للجميع ..

~