تجمع لعمل ترتيب الجداول واختيار الاساتذة

[فاطمتو]

طيب ياحلوة متى يفتحووووها؟؟
وبسألك أنا أنتساب متى يكون التسديد؟؟
الله يوفق الجميع ان شاء الله :)

[نوره الحمودي]

اسماء الأستاذات لمواد الانتساب نزلت

تقدري تطلعي عليها و ممكن المشرفين و المشرفات يساعدوك :)


بالتوفيق

[فاطمتو]

ياحلوين فتحت الشعب للانتساب ولا لا؟؟؟
ومتى موعد التسديد للانتساب؟؟؟
افيدوووووني ربي يسععععدكم
ومشكوووورين مقدما

[MoOon.]

المشاركة الأصلية كتبت بواسطة كرزه12 بنات انا متاخره شوي بالخطة وهذا جدولي لمستوى الخامس 1-مناهج البحث 2- النظريات 3- علم اجتماع حضري 4- علم اجتماع اقتصادي 5- التشريعات 6- الفكر الفلسفي اوالشباب احسسسه مرررره صعبب ايش رايكم عندكم اقتراحات؟؟؟

اهليين كرزة ،،
بالعكس جدولك حلو

المناهج ،، اتأكدي من استاذه نورة المساعد اللي درسوا معها في ناس يمدحوها
نظريات ،، خذيها مع هنادي او نادية كلهم تمام واسئلتهم حلوة
حضري ،، خذيه مع الاستاذ عبد المجيد ابراهيم جدا متعاون
اقتصادي ،، كثير يمدحون رها حتى انا يمكن انزل اقتصادي واخذ معها
تشريعات ،، خذيه مع غادة محفوظ حلوة اسئلتها
وخذي الشباب ،، مع حنان السريحي رائعة الاستاذة واسئلتها حلوة

وبالتوفيق ،،

[ريانة المشاعر]

المشاركة الأصلية كتبت بواسطة مووني2 السلام عليكم انا طالبة جديده بالقسم اول ترم لي ومالي عارفه اختار المواد لانه ودي ارفع معدلي نصحوني بهذي المواد كأول ترم لي بما انه فيها الصعب وفيها السهل بس ابي رايكم برضو مدخل علم اجتماع علم انسان شباب وقيم وثقافه وتشريعات اتمنى تفيدوني بالاساتذه كمان الله يسعدكم وكمان ابي اعرف ترتيب الجداول واختيار المواد قبل او بعد التسديد اتمنى تفيدوني مالي غيركم بعد الله احس نفسي حايسه

انصحكانك تمشين على الخطه عشان ما تتلخبطين
بنسبه للمواد
مدخل علم الاجتماع مع الاستاذه نورة الجعيييد مررا تمام هذي الاستاذه
علم الانسان كمان عند الاستاذه نورة الجعيييد
شباب وقيم المواطنه انا اخذتها مع الاستاذ محمد الغامدي شرحها مرررا ما عجبني بس جاات الاسئلة مررا حلوووووووة
ثقافه عايدة ولا سوسن كلهم تمام
تشريعات لسسى ما اخذتها بس ناس يمدحون غادة و نا يمحون رينا حتى انا محتارة مو عارفه اخذها عند مين ان شاء الله باخذها هدا الترم ..

بتوفيق يا عسسسل ..

المشاركة الأصلية كتبت بواسطة &امون& السلام عليكم... انا دا تاني سمستر ف التخصص ما اخدت الا ثقافه 2 وعربي 2 ومدخل علم الاجتماع ومعدلي 2.59 والله اذاكر بس مو عارفه ليه مره مقهوره ع نفسي ابغ معدلي يرتفع فكرت اخد الترم دا الشباب وقيم المواطنه..الفكر الفلسفي..مناهج بحث..ثقافه3..علم الانسان العام كيف؟؟؟ تمام ولا لا اعطوني رايكم وكل ماده مع مين... ترى انا ما اعرف ولا احد ف القسم...

برضوا انصحك تمشين على الخطه حق القسسم
علم الانسان اوك مع الاستاذه نورة الجعيد
الفكر الفلسفي انا اخذته مع الاستاذ محمد الميداني شرحه مرررا تمام و جات الاسئلة حلوووة هي صح المادة كلامها كتييير بسس شدي حيلك فيها
ثقافه 3 مرررا المنهج حلوو انا اخذته مع الاستاذه عايدة و الاسئلة اصلا موحده
مناهج بحث ان شاء الله افكر اخذها هدا الترم يمدحون نورة المساعد بس يقولون المادة دسمه
الشباب اخذتها مع الاستاذ محمد الغامدي شرحه مررا ما عجبني بس جات الاسئلة مرررا لزيزة و حلوة ..


موفقه يا عسسسسل ..

[بآسمه الحربي]

الاحصاء مع علوم طبيعية لا خففي ع نفسك ، ماهو صعب بس يبي لهم تركيز :)
مشكلات وطبي كثير كلها دششش على بعضووو يعني كل واحد قرقر واجد ^^

والباقي عادي بس ذي احسها من وجهه نظري م انصحك سوي توازن عشان مايصير كله صعب ولا كله سهل

وبالتوووفيق ي عسسسل ؛^^


يعني افهم من كلامكْ مشكلات وطبي ماتصير مع بعض
امممم يبغالي اجل اوازن فيهاا


-


السلام عليكم ورحمة الله وبركاتة ..

اخش ع الموضوع ع طول

ابغى رأيكم سريع بـ الموآد اللي اخترتها لآني بججد محححتاره ..

اقتصادي - رها
سكان - حنان السريحي
مدخل رعاية - رها
نظريات - ايش احسن عواطف \ هيفاء كبره \ ايمن الاسكندراني
او آخذ بدآل النظريات حضري \او طبي \وايش الاستآدة الكويسة في المادتين :$




ومشكورين مقدماً ..


اقتصادي مرررررا كويس مع رها شرح يفتح نفسك ربي يسعدها
وبرضوا سكان مع حنان كويس حلو جداً ماراح تندمي
نظريات امممم مااقد اخذت مع احد من اللي ذكرتيهم

النظريات صعب كله علماء يلخبطك

[بآسمه الحربي]

-

الاحصاء الاجتماعي - الاجتماع السياسي - الاجتماع التربوي
نظم وبناء المجتمع - مع المادة الحرة علم النفس النمو



كذا كويس

[MoOon.]

المشاركة الأصلية كتبت بواسطة اللهم يسر السلام عليكم ورحمه الله وبركاته ... زي موواضح في العنوان ياليت تقولوا لي كيف ارتب جدولي انا مخلصه كل مواد حقت المستويات الاربعه باقي لي نجليزي 102ومقدمه في العلوم الطبيعيه واخذت من المستوى السادس تشريعات اجتماعيه ...فما ادري انزل الانجليزي هذا الترم والا الجاي طبعا ابى انزل 6 مواد ان شاء الله ... (علم اجتماع حضري وتغير اجتماعي هذي راح انزلها لان لها متطلب ..الحضري.. الاقتصادي ..ومحتاره الانجليزي ..ومقدمه العلوم الطبيعيه مقرر حر لوباخذه بنزل قران ..)هذي المواداللي ممكن انزلها بس محتاره ...وافيدوني في احسن استاذات ... وسؤال تاني معلمات التعليم عن بعد هم نفس اللي يدرسوا الانتساب كثرت اسأله... وجزاكم الله الجنه ... لااله الا انت سبحانك اني كنت من الظالمين........

وعليكم السلام ،،

اانا اشوف الافضل تنزلين انجليزي وتفتكين منه حتى انا افكر انزله هـ الترم
وخذي الحضري مع عبد المجيد ابراهيم اسئلته حلوة
تغير بصراحة ماعندي خلفية عن المادة ولا الاستاذه
مقدمة في العلوم الطبيعية سمعت انها دسمة شوي وان شاء الله يفيدونك فيها البنات اكثر لان حتى انا
ودي انزلها هالترم معي بس مدري محتارة
وممكن تاخذي اسري مع محمد الغامدي اسئلته حلوة بس شرحه احسه مو مفهوم
وخذي مادة حرة

وبالتوفيق

[MoOon.]

المشاركة الأصلية كتبت بواسطة ريانة المشاعر اولا يعطيييك آلف عاافيه على ها الموضوع الخنفشاري الى رااح يفيد الجميع ان شاء الله .. اماا بنسسبة للمواد الى اخذتها و حابه تستفيدون منهاا .. اخذت مدخل الى علم الانسان - نورة الجعيد << و مررررا تمام .. و اتمنى القى لها مادة عشان اخذها هدا الترم .. و اخذت نظريات - هنادي خاان << المادة شوي دسمة مع العلماء يبي لها تركيز بس الاستاذه حبوبة بسس انصحكم تذاكرون ها المادة اول ب اول و طبعا الفكر الفلسفي مع محمد الميداني برضوا مرررا تمام و اسالته مرررا حلوووة و ثقافه مع عايدة برضوا شرحها حلوو و قيم المواطنه مع الاستاذه محمد الغامدي شرحه ما عجبني بسس جات الاسئلة مرررا حلووة اخذت مادى حرا علم نفسس النموو انصحكم انكم تاخذونها مع الاستاذه دلال المقاطي الماادة مررررا حلوووووة وربي و الاسىلة احلى و احلى .. ^ ^ اماا بنسبة للمواد الى افكر اخذها هدا الترم مناهج << نورة المساعد بنات يمدحونها و بنااات يقولون مرررا لا .. محتارة تشريعاات << ما اعرف اخذها مع ميين احصاء << برضوا ما اعرف اخذها عند مين .. سكان << على كلامكم تقولون حنان السريحي اقتصادي << برضوا على كلامكم رها فضل احسوو دسسسم .. بسس هدا بسس اقتراح .. اتمنى تفيدوني .. خاصه ها الترم ابي اجيب معدل بإذن الله ..

المناهج ،، الافضل تتأكدي من البنات اللي اخذوا مع نورة المساعد
تشريعات ،، انا اخذتها مع غادة محفوظ استاذه عسل واسئلتها حلوة
احصاء ،، ماعندي خلفية ان شاء الله يفيدونك فيها البنات
سكان ،، حنان السريحي جدا رائعة واسئلتها مرا حلوة
واقتصادي ،، كثيير يمدحون رها

وبالتوفيق ياررب

[rooty_sj]

يعطيكم العافية راح امشي ع كلامكم ..
ربي يسعدكم طمنتوني الله يطمنكم