>>حملة حياتي بلا أغاني لها أسمى المعاني<<

[.,.نيــــــــــــــــــــران.,.]

المشاركة الأصلية كتبت بواسطة محمد الكعبي من جهت التقسيم ، أكتبي التقسيم وأنا أضبطه ماتوقف على هذي بالمرة أو سوي التقسيم كامل وأرفعيه وأنا أنزله إذا كان تبغون تودوه لمحل قلولي بدري عشان أكلم الرجال ما يروح ويسحبه

هل أقدر أرفع مجلدات؟
أنا حاطة في السيدي 4 مجلدات و فيديو الحملة

[batbot]

عندي افكار لنشر الحملة وهي
1)عن طريق الايميل بحيث يكون هناك ايميل جديد كل اسبوع
2)قروب خاص بالحملة في الفيس بوك
3)توزيع منشورات في الاماكن اللي يكون فيها اغاني زي الكافيهات والملاهي ......
4)ارسال رسائل لاصحاب المنتديات الخاصة بالاغاني
اما بالنسبة لداخل الجامعة يكون كتالي
1) نشر مطويات وتوفير البدائل
2) نسوي محاضرات تعرفية عن الحملة وياريت يكون لكل كلي اسبوعين
3) كمان ممكن نرسل رسائل بلوتوث فيها كلمة بسيطة ومؤثره او قصص

[.,.نيــــــــــــــــــــران.,.]

^
^

أفكارك جدا جميلة

وبإذن الله نطبقها سوا :)

............................

محمد انتظر ردك

[طقوس ..~]

يالله ..

ممممممممممم يعني لازم نخلص من السي دي قبل 13

ممم طيب محمد .. الدقه تكون نفس المحلآت .. يعني ماتفرق مو؟

[dr.hope]

نيران


هل حتسوو بنرات ؟؟

اذا ايوه قوليلي كم ومقاساتها عشان في واحد الوالد يتعامل معاه ان شاء الله احاول يعملنا سعر طيب

وكمان الاشياء التانية اللي حتنطبع فين حتطبعوها وكيف وايش هيا ؟؟ لإني برضو ممكن افيدكم من دي الناحية

وان شاء الله اجيبلكم اسعار حلوة


سامحوني على دخولي المتقطع بس والله مشغول مع الاهل انا الكبير وكل شغل البيت فوق راسي

لي عودة بأذن الله

[M!ss Mojy]

نيــــــرآآن جاري اضافة ملف الاشعار بعد التعديل

بنات انا بسألكم بخصوص تلصيق المنشورات في الجامعة

هل هذا مسموح ؟؟

لان افتكر وحده من صحباتي في قروب عزتي اسلامي كان عندهم منشورات نوزعها وكمان اعلان نلصقه في الجامعه

ولمن لصقوه في الجامعة في ناس من الشؤون شالوه

وقالت انو ممنوع نوزع اي شي الا لمن توافق عليه الشؤون او شي زي كذا

فياليت تنسقوا الموضوع مع الشؤون قبل لا نبدا في التوزيع


وكمان شغلة شو رايكم انا اتكفل بالتوزيع في قسم الكليات الطبية - طالبات

وممكن اكلم صحباتي يساعدوني او من بنات المنتدى الي معايا في الطب اعرف كثير ممكن يساعدوني

شوو رايكم ؟

[بآسكن روبنز]

نيران باسكن أبا الانبياء في صوت مزعج يطلع معاها وكمان أنا العبد وزوجتي ومبحر في اصوات بتطلع معاها بس أخف من أبا الانبياء

قلت قبل ان الاناشيد بعضها جودتها متدنيه :/

طقوس من جد سووووووووووووووووري مرآ نسيـــت ..

عاتي ياعسل مين ماينسى وسط الزحمه دي كلها ماشاء الله تبارك الله

مس ازعاج هلا وغلا بآسكن وحشتينااااا يابت

وه بس مس ازعاز

<~ متابعه معكم بس من بعيد لبعيد على ماخلصت الرنات =)

نيران ..~ لمن مس موجي تعتمد الاشعار ... نعملها رنات ولا نكتفي بالاناشيد ...؟؟

ماشاء الله تبارك الله وصلت الحمله لمستوى بالفعل ممتاز

بدينا نلمس الاشياء الي كنا نتكلم عنها ونتمناها ..~

ربي يوفقنا

وعندي فكره لـ قياس مدى‘ـآ الاقبال على الحمله

عند آحد الشع ـآرٍآت بعد ماتتوزع نعتمد نقطه معينه عشان تكون نقطة تخلص من اشرٍطٌة الاغ ـآني

عشان نقيس مدى‘ـآ اقبال الطالبات و الطلاب وآلآستج ـآبه مع الحمله و بالمره نوفر لهم نقطة بدآيه

لتخلص من آشرٍطٌة آلآغ ـآني ..؟


آرٍآئكٌـــم ..؟

[M!ss Mojy]

دكتور هوب اهلا


كويس كذا زادوا الاولاد عشان نقدر نوصل الحملة لاكبر قدر ممكن من الشباب والبنات

وممكن ياهوب انت توزع في الكليات الطبية - طلاب

شوو رايك ؟



باسكن ~

اهلا اهلا

وفكرتك جداااااااا رااائعة

وان شاء الله نقدر نطبقها

[cinnabon]

المشاركة الأصلية كتبت بواسطة .,.نيــــــــــــــــــــران.,. [motr]المرحلة التنفيذية :[/motr] * نحتاج مطبعة تطبع لنا (المطوية + التواقيع + الشعار الكبير ) * نحتاج محل ينسخ لنا السيدي >> ماأدري اذا محمد وفر الناسخ وللا لا؟ * نحتاج مجموعة من جهة البنين يتعاونون معانا وينشرون في الشطر عندهم * الa4 والنشرة اللي حيسويها روحي وطن أمرها هين ان شاء الله أنا راح أتكفل فيهم * دحين مين يعرف محلات طباعة ونسخ للاشياء ذول؟؟ * وكم تقترحوا يكون عدد الطبوعات والمنسوخات؟ وعلى فكرة اللي راح تودي تطبع راح يندفع لها المبلغ مننا وكذلك بالنسبة للاولاد

نيران نسخ السيدي مو صعب كل كم دقيقة او ثانية بالنيرو تكووون جاهزة

وقعدت كمان ادور ع طابعات تطبع ع السيدي مباشرة بدل اللصق لقييت ابسون بس ابغا اشوف كم سعرها وكم تطبع

[.,.نيــــــــــــــــــــران.,.]

المشاركة الأصلية كتبت بواسطة dr.hope نيران هل حتسوو بنرات ؟؟ اذا ايوه قوليلي كم ومقاساتها عشان في واحد الوالد يتعامل معاه ان شاء الله احاول يعملنا سعر طيب وكمان الاشياء التانية اللي حتنطبع فين حتطبعوها وكيف وايش هيا ؟؟ لإني برضو ممكن افيدكم من دي الناحية وان شاء الله اجيبلكم اسعار حلوة سامحوني على دخولي المتقطع بس والله مشغول مع الاهل انا الكبير وكل شغل البيت فوق راسي لي عودة بأذن الله

بس ممكن توضحلي ايش هي البنرات؟
أنا اعرف زي اللي تسويها مس ازعاج هنا في المنتدى وحاطتها فنتون في توقيعها :)

الاشياء الثانية اللي حتنطبع:
السيديهات + الشعار الكبير

المطوية اتكفل بيها الاخ محمد الكعبي هو اللي حيجيب لنا المحل

الله يديك العافية دكتور هوب ويخليك لاهل يارب :)