فتح القبول ببرنامج الانتظام في جامعة الملك عبدالعزيز -استفسارات واجوبة

[يلدرم]

المشاركة الأصلية كتبت بواسطة المستبدة سؤال بالله يايلدرم هل السنة دي نظام التأهيلي حيكون زي السنوات اللي فاتت ايام ماكان برسوم اللي مايجيب معدل عالي ماعاد يكمل او يخلوه انتساب ,, وكمان اللي يرحوا رابغ في السنة التحضيرية هل يقدروا يتسكنوا في كليات جدة

اي طالب حتى لو انتظام ماينجح في مواد السنة التحضيرية وبمعدل فوق 2 ماراح يكمل في الجامعة

وماعندي معلومة عن رابغ

[المستبدة]

المشاركة الأصلية كتبت بواسطة يلدرم اي طالب حتى لو انتظام ماينجح في مواد السنة التحضيرية وبمعدل فوق 2 ماراح يكمل في الجامعة

شكرااا جزيلا ,, بس ماادري ليه اتوقع انو التأهيلي اكيد حيختلفوا عن الانتظام و الانتقالي في المعدلات

لأنو من زمان التأهيلي وهوا سمعته مو اوك

[يلدرم]

المشاركة الأصلية كتبت بواسطة المستبدة شكرااا جزيلا ,, بس ماادري ليه اتوقع انو التأهيلي اكيد حيختلفوا عن الانتظام و الانتقالي في المعدلات لأنو من زمان التأهيلي وهوا سمعته مو اوك

التاهيلي اول كان معدل 3 عشان يصير انتظام لكن دا قبل السنة التحضيرية ونظامها

طلاب الانتظام كان عشان يطرد منالجامعة لازم يأخد 3 اذارات لان معدله تحت 2

الان عند الجميع فرصة 3 اترام لاجتياز السنة التحضيرية ولو معدله فوق ال2 وانتهت فرصته وماقدر يعدي من مادة خلال المدة المحددة له حسب النظام يطوى قيده

والجامعة في القوانين الجديدة مافرقت ولا ذكرت اي شئ بين الانتظام والانتقالي والتاهيلي في التسكين

[المستبدة]

صح هم ماذكروا اي شي وهذا اللي يقهر بس اخويا قبل شوية كان في عمادة القبول
وقالولوا للتأهيلي 3.5 وممكن يكون ل 3 ... دا يعني ممكن الطالب يجتاز السنة وينجح بكل المواد
بس بمعدل 3 ومايتسكن يعني ينطرد
يعني في فرق بين التأهيلي و الانتظام والانتقالي بالنسبة للمعدلات .. والله أعلم

[يلدرم]

المشاركة الأصلية كتبت بواسطة المستبدة صح هم ماذكروا اي شي وهذا اللي يقهر بس اخويا قبل شوية كان في عمادة القبول وقالولوا للتأهيلي 3.5 وممكن يكون ل 3 ... دا يعني ممكن الطالب يجتاز السنة وينجح بكل المواد بس بمعدل 3 ومايتسكن يعني ينطرد يعني في فرق بين التأهيلي و الانتظام والانتقالي بالنسبة للمعدلات .. والله أعلم

فيه عضوات اتذكر وقت تسجيلهم في الجامعة تاهيلي قبل سنتين واحداهم موجودة الان قال لي ان لها زميلات حولو انتظام بمعدل 3

وبعدين ترى 3 يعنى معدل درجات الطالب 70

الواحد يشد حيله عشان يدخل تخصص ممتاز مو بس انه درس في جامعة أي تخصص

[المستبدة]

المشاركة الأصلية كتبت بواسطة يلدرم فيه عضوات اتذكر وقت تسجيلهم في الجامعة تاهيلي قبل سنتين واحداهم موجودة الان قال لي ان لها زميلات حولو انتظام بمعدل 3 وبعدين ترى 3 يعنى معدل درجات الطالب 70 الواحد يشد حيله عشان يدخل تخصص ممتاز مو بس انه درس في جامعة أي تخصص

صح كلامك هوا دا اللي مفروض يصير بس مين يقدر ,, بالذات الاولاد :)

شكراااا جزيلا لك يلدرم على تجاوبك ,, والله يوفقك كل الطلاب والطالبات يااااااااااااااااارب

[يلدرم]

المشاركة الأصلية كتبت بواسطة المستبدة صح كلامك هوا دا اللي مفروض يصير بس مين يقدر ,, بالذات الاولاد :) شكراااا جزيلا لك يلدرم على تجاوبك ,, والله يوفقك كل الطلاب والطالبات يااااااااااااااااارب

اذا فهم ان دي اخر فرصة له وهذا مستقبله راح يسوي المستحيل

قولو له جيب معدل 4 وراح نزوجك وتشوفي كيف الدرجات تكون

[hanaa_11]

لو سمحت التقديم بطلب جديد في الانتساب وقف ولا باقي؟؟ لانو الصفحه الي فاتحاها مافيها غير((تعديل طلب_استعلام او طباعة طلب_نسيت كلمة المرور)
انا سجلت بس قريب ليه في صفحته كذا وهوا ماسجل يبغى يسجل

[عصر الحاسب]

المشاركة الأصلية كتبت بواسطة المستبدة صح هم ماذكروا اي شي وهذا اللي يقهر بس اخويا قبل شوية كان في عمادة القبول وقالولوا للتأهيلي 3.5 وممكن يكون ل 3 ... دا يعني ممكن الطالب يجتاز السنة وينجح بكل المواد بس بمعدل 3 ومايتسكن يعني ينطرد يعني في فرق بين التأهيلي و الانتظام والانتقالي بالنسبة للمعدلات .. والله أعلم

سياسة التعليم الجامعية الذاتية- كان يذكرها لنا د.محمد الهاشمي أنه لا تخلي الواقع يفرض نفسه عليك

يعني لا تحوجي نفسك للثلاثة ولا للاثنين ولا للطرد ولا لغيره ، غير كذا المعدل النازل لأول سنة في الجامعة يكون

صعب جدا تداركه مستقبلا وبعد التخصص تزيد المواد دسامة

[Joda Majed]

الحمد لله ع كل حال ..

انا رحت اليوم الموعد حقي الثلاثاء .. وتم كل شي ع خير مع صعوبات وحرق اعصاب بشكل مش طبيعي جدا

وللاسف يعني انه انا تخصصي علمي وجايبه نسبه 95 واطريت ادخل مسار اداري بس عشان اهرب من التأهيلي

لانه مجازفه بحد ذاتها .. والي خلاني ادخل مسار اداري انه في الموقع والمقاعد المتاحه كاتبين انه الادبي متاح

واروح هناك وانا خلاص معتمده انه ادبي انتظام واتفاااجاء قدام الشاشه انه الانتظام مسكر من تاريخ 10 واحنا اليوم 13

يعني في اي منطق ذا الكلام !!!!! نفس الحرمه الي قدام الشاشه قالت لي انه الانتظام مسكر من فتره

والين دحين شوفو في المقاعد المتاحه انو الادبي انتظام مفتوح وهوا في الاصل مسكر ..

واليوم التأهيلي سكر ع البنات واطرو يحولون لفرع البنات ..

يعني من جد شي مااادري كيف اوصفه ..