الأسئلة والاستفسارات عن كلية طب الأسنان ..

[d.tooty]

الدرجه المموزونه قصدك كل المواااااد
ولا بس المواد اللي طالبتها الكليه ( الاحيا والكيما والفيزيا زالانقلش )
؟؟؟؟؟؟؟؟؟؟؟؟؟؟

[Glamor Mada]

امممم شوفي الجداول دي وإن شاء الله تفهمي كيف الطريقة .. هالجداول رح تطلعلكم في الاودس بعد ما تطلع نتايج الفرز في اخر السنة إن شاء الله
الجدول دا يبينلك كل مصطلح رح يجي في الجدول الثاني



الجدول الثاني هوا ترتيب الرغبات لوحده من الطالبات في دفعة 10
استبعدت رغبتها الأولى اللي هيا كانت كلية طب الأسنان بسبب انو النسبة الخاصة للطالبة ( متوسط درجات الطالبة في المواد المطلوبه للكلية اللي هيا كيميا+احياء+فيزيا+انجلش ) كانت اقل من موزونة الكلية اللي هيا 93.888
واستبعدت الرغبة الثانية كمان لأنه نسبتها كانت اقل من 92.666
يعني اللي يحدد قبولك في الكلية هيا ( النسبة الخاصه للطالب )


امممم إن شاء الله تكوني فهمتي عليا
بس انتي لا تشيلي هم الحين ركزي على دراستك واختباراتك وانشاءالله خير .. لكل مجتهد نصيب ويارب تنقبلي في الكلية اللي تحبيها

[d.tooty]

^
^
^
يعطيييييك الف عاااافيه وضحت دحين

[Dr.commint]

السلام عليكم ورحمه الله وبركاته كيفكم إن شاء الله تمااام ابي رد منكم باسرع وقت ممكن ضرووري
كيف افتح ملف في المستشفى:\ابي اسوي تقويم للسعوديين فقط ولا عااادي لغير السعوديين والله محتاجكم
مالي غيركم ؟؟؟؟؟ الي يرد له مني خالص الدعااء

[خريجة معلوماتية]

السلام عليكم ورحمة الله وبركاته

روح يوم الاحد كلية طب الاسنان واسال الاستعلامات كل بعد فترة يكون في فتح ملفات

ويعملوا لك كشف كامل للأسنان ويعرفو ايش اللي تحتاجة (( تنظيف - خلع - حشو )) هذي اذا

كانت المشاكل خفيفة في الاسنان اما اذا تحتاج جراحة يحولوك للمستشفى العام ويفتحوا لك ملف

ومافي اي تفرقة يفتحوا للكل

والله يوفقك يارب

[Dr~NanoOok]

فتح الملف عام للسعوديين والمقيمين
وطريقة فتحه انك تروح لعيادات الاسنان بالمستشفي الجامعي
وتقولهم انك تبغي تفتح ملف
لكن في اوقات ما يستقبلوا حالات جديدة عشان الازدحام
لكن يرجعوا يعطوك موعد تاني للفتح

وبعدها لازم يعملولك فحص شامل لاسنانك ويشوفوا ايش حتحتاج من العلاجات
بعدين يشوفوا امكانية تحويلك لقسم التقويم

[ملك الصخراء]

السلام و البركة عليكم
جميعا
اخش في الموضوع


هل ممكن اذا جبت في كل المواد درجات عالية الا في الانجليزي ليفل فور جبت تحت التسعين (84) أني أتقبل مع العلم انو المواد التانية إنشا الله فوق 95 و أنجلش لفل ثري 90



شكرًا

[anoar0000]

ان شاء الله ربي يساعدك

[Dr~NanoOok]

وعليكم السلام ورحمة الله

بالنسبة للدرجات .. فللاسف ما عندي فكره عنها
لأني ما درست التحضيري

لكن اذا جبت درجات عالية بالمواد كلها.. فإن شاء الله المعدل حيبقى عالي
لكن برضو شد حيلك بالانجلش.. لأنه على حد علمي بأنه بيأثر كتير على المعدل

انت أعمل اللي عليك والباقي على ربك.. وباذن الله موفق

[M!SS Lara]

ان شاء الله حتنقبل وبسهوله :)