تجمع الخريجين "مسار التنظيم والتطوير الإداري"

[ناصر2009]

الاخوة الاعزاء السلام عليكم ورحمة الله
اولا الاخوان اللي معاهم مادة بحث وتدريب عند الدكتور السفلان
انا اتصلت بالدكتور وقال لي فيه ورقة عبارة عن خطوات البحث موجودة عن سكرتير قسم الادارة العامة ولازم ان الطالب ياخذها حتى لو فيه احد قريب لك والا تعرفه يقدر ياخذها ويرسلها وكان ودي استفسر اذا فيه احد من الاخوان اخذها ولو يضعها هنا الله يجزاه خير
ثانيا الاخ سطام الله يوفقك ودي ترسل لي مذكرة الراي العام لانها معي هالفصل
ثالثا يا اخوان انا ارسلت معاملة الكترونية علشان اعرف كم بقي لي واي خطة لانه ما ادري خطتنا هي 128ساعة والا 129 والا 131 ولا فادوني بشي يقولون اتصل على الشؤون التعليمية بالكلية ولاني عارف الرقم المهم الشئ الثاني ارسلت معاملة ثانية اطلب يحطون لي بالحذف والاضافة مواد معينة قاموا الاخوان الله يجزاهم خير واضافوها لي على الجدول على طول وصار عندي 21 ساعة مع العلم اني مخلص 107 ما ادري اعتبروني خريج والا من عندهم حطوها لانه 21 +107 يعني 128 فهل انا متخرج والا باقي لي ساعتين او ثلاث تكفون يارجال اللي عنده خبر يفيدني وموفقين جميعكم باذن الله

[قطرات حبي]

شباب كيف موادي الله يسعدكم ؟؟
ادري انووو ضغط والله يعيني كيف بذااكر .. بس اعطووني ارائكم ..

[Top_Quality]

أخوي ناصر
بالنسبه لعدد ساعات التخرج تعتمد على بداية خطة الدراسه إلي بدأتها إذا كانت 128 فراح تكون 128 فقط
انا مثلا بداية الخطة كانت 128 وهي المطلوبه لتخرجي..وإن شاء الله نتخرج جميعا هذا الفصل.

أختي قطرات حبي
إللي يشوف مصيبة غيره تهون عليه مصيبته...الله يعينا جميعا على هذا الفصل
أنا أخذت مادة الحكومه الإلكترونيه..ماده خفيفه بس عيبها مذكرتها ما عجبتني شخصيا.
بالنسبه لمادة قراءات إدارية بالإنجليزي سمعت عنها إنها مادة سهلة
بالنسبه لموادك الحره..ما اعرف عنها شي

أرجوا من الأخوان من يفيدني عن موادي الحره

[أبن تربة]

أخواني : اسعد الله جميع اوقاتكم بالخير
والف مبروك التخرج مقدماً
لدي استفسار ارجوا افادتي فيه مشكورين حيث اني لم اسدد بعد وعندي هذا الترم مادة بحث وتدريب هل بعد ما اسدد لا زوم اروح للجامعة لتنزيل المادة عند دكتور او تنزل عند دكتور من اختيارهم وماهو برايكم افضل دكتور.
اسف على الاطاله .... ولكم جزيل الشكر

[خالد بن عبدالعزيز]

اخت قطرات بالنسبه لماده الحكومه الاكترونيه ماده سهله والكتاب حقها اروع مره واضح وسهل وباذن الله تاخذي فيها درجه حلوه بالنسبه للقراءات الاداريه الماده هذه على حسب الدكتور طبعا احنا الشباب اذا هي عند اسعد مرره سهله اذا عند غيره صعبه وانا معك في ماده الاجهزة والبحث والباقي ماعند خبر عنه
اخوي ابن تربه اذا سددت ان تقدر تضيف الشعبه الخاصه بالبحث والدكتور طبعا اذا كان متوفر ماتنزل داريكت وافضل دكتور هو اسعد وبعدين سالم وبعدين بالخيور
وبالتوفيق للجميع

[سنكولا]

المشاركة الأصلية كتبت بواسطة ناصر2009 الاخوة الاعزاء السلام عليكم ورحمة الله اولا الاخوان اللي معاهم مادة بحث وتدريب عند الدكتور السفلان انا اتصلت بالدكتور وقال لي فيه ورقة عبارة عن خطوات البحث موجودة عن سكرتير قسم الادارة العامة ولازم ان الطالب ياخذها حتى لو فيه احد قريب لك والا تعرفه يقدر ياخذها ويرسلها وكان ودي استفسر اذا فيه احد من الاخوان اخذها ولو يضعها هنا الله يجزاه خير ثانيا الاخ سطام الله يوفقك ودي ترسل لي مذكرة الراي العام لانها معي هالفصل ثالثا يا اخوان انا ارسلت معاملة الكترونية علشان اعرف كم بقي لي واي خطة لانه ما ادري خطتنا هي 128ساعة والا 129 والا 131 ولا فادوني بشي يقولون اتصل على الشؤون التعليمية بالكلية ولاني عارف الرقم المهم الشئ الثاني ارسلت معاملة ثانية اطلب يحطون لي بالحذف والاضافة مواد معينة قاموا الاخوان الله يجزاهم خير واضافوها لي على الجدول على طول وصار عندي 21 ساعة مع العلم اني مخلص 107 ما ادري اعتبروني خريج والا من عندهم حطوها لانه 21 +107 يعني 128 فهل انا متخرج والا باقي لي ساعتين او ثلاث تكفون يارجال اللي عنده خبر يفيدني وموفقين جميعكم باذن الله

انا معك اخوي ناصر في الرأي العام بالله اذا جاك شي نزلها لو تكرمت..

الي اعرفه ان دفعه 06 مطلوب منهم 128 ساعة عشان كذا يمكن هم اضافوها على طوول للجدول.. ولا تنسى تغير حالتك الدراسيه الى متوقع تخرجه بس يبيلك تروح لهم واذا لخبطت عليك الامور رح لهم مره وحدة خلص كل امورك ...

بالتوفيق...

[سنكولا]

مافيه اخبار عن دكتور البحث عبدالله سالم

حاولت اكلمه مايرد الي يوصله يعطينا خبر تكفوون

[ابوعبدالاله(1)]

الدكاتره بالدور الرابع قسم الادره العامه
والدتور الادريسي هو أمين القسم

[باكوجا]

وفق الله الجميع

[عالي نجم]

تجمع مبارك إن شاء الله . والشكر موصول لمجودي 2009 و خالد عبدالعزيز وسطام الشتوي والبقية

وعقبال التخرج في يوم 26/2/1431هـ ان شاء الله

وعندي سؤال لو سمحتوا لي
هل ممكن اني اعدل وضعي الدراسي الى متوقع تخرجة عبر المعاملات الالكترونية او ارسال ايميل للشئون التعليمية ام لابد من الحضور للجامعة ؟؟

ولكم جزيل الشكر