تجمع بنات تصميم داخلي ..( متجدد ) ..

[yanaso]

مرحبا صبايا
انا تخصص تغدية اوكي
انا حابه قسمكم مره ونفسي ادخل بس مو عارفه ايش اعمل او كيف اتصرف يعني لو ابغى انقل متى وكيف وايش الطريقه ودا الاختبار اللى يعملو متى واي احد يقدر يجي يختبر ولا ناس معينه وايش طبيعتو؟

[Roa'a]

روحي للشؤون وكلميهم
وقدمي على اختبار التصميم وقوليلهم انا بدي احول
اعرف وحده سوت كدا وقدمت على الاختبار وانقبلت تصميم وحولت

[yanaso]

انا ادرس تغدية في الكليه اللى في الرحاب عشان كدا اصلا مو عارفه الشؤون ايت وفين وبوابه كم
والبنت اللى تعرفيها متى عملت كدا؟
طفشتك خخ

[بكـآء آلـرٍـوٍح ..!]

^

يآعسل انا سمعت انو راح يفتح عندكم السنة الجآية التصميم الداخلي وان شاء الله جد يكونو صادقين ويفتح فـ اذا حآبة أسئلي في الجامعة واسئلي عندكم كمآن .. ^_^

شوفي هذا الموضوع واطلعي على الاخبار

http://www.skaau.com/vb/showthread.php?t=166161


واذا عرفتي اي شي عن الاختبار الي بيكون في الجامعه او اي شي عن التصميم الي في الجامعه ياريت تبلغينآ هنا واكون لك شاكره :$

موفقه يآرب

[yanaso]

ياقلبي ايوا قالو حيفتح بس خايفه يضحكو علينا زي ماضحكو في التغزيه عرفتي كيف قالو تغزيه صحيه دحين ماعرف كيف غيرو كلامهم يعني انا ادرس تغزية 08

[عـ,,,ـل]

في سؤال محيرني

دحين هندسه الديكور هيا نفسها التصميم الداخلي ولا ايش بالزبط

بليز ردو لاني مني فاهمه دا الشي؟

[بكـآء آلـرٍـوٍح ..!]

^

هو اصلآ القسم اسمه تصميم داخلي وتتخرجي وتسيري مهندسة ديكور .. ^_^

[Roa'a]

تتخرجي بمسمى "مصممه داخلية" وليس مهندسه
لكن الاسم الدارج عند الناس هندسة ديكور لأنو الدراسه اغلبها
هندسية ورسم معماري هندسي
عشان كدا الاغلب بيقول هندسة ديكور ولكن هو تصميم داخلي

[عـ,,,ـل]

مره شكرا ياعسولات

بس كمان في سؤال

انا كنت علمي في المدرسه بس دحين انتساب وطبعا اداري

يقبلوني ولالا

وايش المعدل المطلوب لدا التخصص

[Roa'a]

لا القبول بس للمسارا لعلمي
والمعدل مايكون اقل من 3 ونص حسب ماسمعت لانو اول
كان مايكون اقل من 3 بس مدري دحين كيف

=)