][ تجمع للجداول و تعديلها و الحذف و الإضافة ][

[flowerqueen]

المشاركة الأصلية كتبت بواسطة lelou و عليكم السلام و رحمة الله و بركاته.. صحباتي اللي يآخذوا صيفي حاليًا قالوا لي أنهم سألوا الشؤون و قالوا لهم الحذف و الإضافة يبدأ من عندهم يوم 19 رمضان بإذن الله.. كمان يا حلوة الحذف و الإضافة لينا احنا مفتوحة حاليًا تقدري تعدليه بنفسك =) + لو ما قدرتي تجي الجامعة على أول أسبوع تقدري تشوفي لك واحدة من صحباتك أو قريباتك إذا رايحة الجامعة يصير تاخذ ورقة حذف و إضافة و تعبيها لك باسمك و رقمك الجامعي و المواد اللي تبغي تضيفيها و تديها للشؤون يعملوا لك هي.. بالتوفيق||~

مشكورة ماقصرتي بس كمان عندي سؤال ثاني الشؤون التعليمية اللي في الفيصلية والسليمانية هيبدوأ الحذف والاضافة في نفس الموعد

[LeLou]

المشاركة الأصلية كتبت بواسطة flowerqueen مشكورة ماقصرتي بس كمان عندي سؤال ثاني الشؤون التعليمية اللي في الفيصلية والسليمانية هيبدوأ الحذف والاضافة في نفس الموعد

بالنسبة للفيصلية ما عندي علم صراحةً..

موفقة||~

[samrona]

المشاركة الأصلية كتبت بواسطة flowerqueen مشكورة ماقصرتي بس كمان عندي سؤال ثاني الشؤون التعليمية اللي في الفيصلية والسليمانية هيبدوأ الحذف والاضافة في نفس الموعد

ايوة الفيصلية و السليمانية في نفس الموعد :)

[حنان 90]

يا جماعة , الاودس كان مقفل معي , و اليوم فتح بس كل الشعب مغلقة ؟ معقولة امتلات بهذه السرعة ؟ احد صار له كذا !

[Hakuna Matata]

أنا مستوى ثآلت ، بيوكيمستري
حآبة أسال عن أستآذة : خديجة بالعمش / كيمياء حيوية عامه ، كيف شرحهآ و أسالتهآ و اذا تنصحوني أخذ معآهآ ؟
و كمان سوسن خوجة / أمن و سلامة مختبرآت ؟
لمآ اعمل بحث عن شعت كيميآء عامة ، ما يطلعلي غير معآمل ! مع إيتسآم ؟

[دعاء ..]

مسآء الخير حبايبي ..
احتآج رايكم وَ مساعدتكم فِ الجدول من ناحية المواد و الاستاذات !!

* بيولوجيا خلية / عائشه العلواني
* آيض / جهاد يوسف
* انزيمات / عزه حسن
* آسس تغذية / رويدة الليلي
* معمل كيمياء عامه
* ثقافه 3

وربي يسعدكم

[الشيمآء]

المشاركة الأصلية كتبت بواسطة Hakuna Matata أنا مستوى ثآلت ، بيوكيمستري حآبة أسال عن أستآذة : خديجة بالعمش / كيمياء حيوية عامه ، كيف شرحهآ و أسالتهآ و اذا تنصحوني أخذ معآهآ ؟ و كمان سوسن خوجة / أمن و سلامة مختبرآت ؟ لمآ اعمل بحث عن شعت كيميآء عامة ، ما يطلعلي غير معآمل ! مع إيتسآم ؟

د.خديجة بالعمش ما عندي فكرة عنها،
د. سوسن شرحها مو داكا الشي، بس أسئلتها سهلة ، و ما أتوقع تمسك أمن و سلامة غالبًا تتغير لمونزا -_-
بالنسبة للكيمياء فممكن تكوني سجلتِ في بعض المواد بحيث كل شعب كيم 202 و 230 تتعارض فما تطلع لك،
الغي خيار مراعاة تعارض الوقت و شوفي :) .

المشاركة الأصلية كتبت بواسطة دعاء .. مسآء الخير حبايبي .. احتآج رايكم وَ مساعدتكم فِ الجدول من ناحية المواد و الاستاذات !! * بيولوجيا خلية / عائشه العلواني * آيض / جهاد يوسف * انزيمات / عزه حسن * آسس تغذية / رويدة الليلي * معمل كيمياء عامه * ثقافه 3 وربي يسعدكم

جدولك كويس و متوازن،
بالنسبة للأستاذات فاسألي في كلية العلوم للبنات

بالتوفيق .

[حنان 90]

عندي مشكلة , باقي لي 7 ساعات اختيارية , و كل المواد الباقية ب 4ساعات او ساعتين ؟؟ كيف اكون ال 7 ! احد صار لها كذا من قبل ؟
علما اني اخذت 7 ساعات اختيارية (بدل ال6 المطلوبة )

الخلاصة , اقدر بس اخذ 6 ساعات اختيارية و يصير المجموع 17 ساعة اختيارية و 7 حرة ؟

معقد الموضوع عارفة

[Hakuna Matata]

عندي إستفسآر ، دحين أي مآدة أنزلهآ ينزل معآهآ معمل ؟
زي الاحيآء و الكيميآء !
أنا مستوى ثآلت على كذآ حيكون عندي 4 معآمل !
هذا شيء عآدي ولا حيكون عليآ ضغط ؟

[LeLou]

المشاركة الأصلية كتبت بواسطة حنان 90 عندي مشكلة , باقي لي 7 ساعات اختيارية , و كل المواد الباقية ب 4ساعات او ساعتين ؟؟ كيف اكون ال 7 ! احد صار لها كذا من قبل ؟ علما اني اخذت 7 ساعات اختيارية (بدل ال6 المطلوبة ) الخلاصة , اقدر بس اخذ 6 ساعات اختيارية و يصير المجموع 17 ساعة اختيارية و 7 حرة ؟ معقد الموضوع عارفة

مو شرط ممكن تاخذي 8 ساعات ما تفرق،، تزيد ساعة و لا أنها تنقص..
قصدك أخذتي 7 ساعات حرة؟!
شوفي أنا ما أعرف إذا ح يمشي الحال كذا و لا لآ،، لكن الأفضل تسألي مرشدتك الأكاديمية..
تقدري تاخذي 8 ساعات و إذا انتِ مو تخرج استني الترم الجاي يمكن يفتحوا مادة ب 3 ساعات..
أنا احتمال آخذ 15 ساعة اختيارية و احنا المفروض 9..
في قسمنا و الأحياء كمان يقولوا عادي..

موفقة و بالعكس موضوعك مو معقد أبدًا و ربنا يسهل لك عزيزتي..

المشاركة الأصلية كتبت بواسطة hakuna matata عندي إستفسآر ، دحين أي مآدة أنزلهآ ينزل معآهآ معمل ؟ زي الاحيآء و الكيميآء ! أنا مستوى ثآلت على كذآ حيكون عندي 4 معآمل ! هذا شيء عآدي ولا حيكون عليآ ضغط ؟

مو شرط في مواد لها معامل و مواد ما لها معامل..
تعرفي إما عن طريق الأوديس بأنك تشوفي مواعيد المادة،، إذا لها وقت فيه 3 ساعات متواصلة في يوم واحد فقط إذا دا هو الاب..
أو من خلال توصيف المقررات في صفحة القسم في موقع الجامعة..
و في موضوع مثبت في كل قسم هنا عندنا في المنتدى في توصيف المقررات لجميع الأقسام..
تشوفي إذا المادة لها عملي أو لآ..
و بصراحة 4 معامل تعتبر كثيرة شوية،، لمن إذا اضطريتي حاولي قدر المستطاع أنه ما يكون عندك في يوم واحد معملين..
لأنه احتمال تختبري المعملين في نفس اليوم و دا شي مو في مصلحتك طبعًا أبدًا..

بالتوفيق||~