ممنوع العبايات .. !! < خير ..

[سلطان747]

الحل الامثل اقفال قسم البنات في الجامعة وكل وحده تنطق في بيت ابوها

[بنت جدة المنكوبة]

المشاركة الأصلية كتبت بواسطة سلطان747 الحل الامثل اقفال قسم البنات في الجامعة وكل وحده تنطق في بيت ابوها

من جد
البنت تكون أفضل في البيت
تتعلم صنعة أمها وجدتها
علشان تطلع أم صالحة لنفسها ولزوجها ولولادها

[lovelymeme]

السلام عليكم:
اخواتي عارفين انه احنا الجامعة الوحيده الي يلبسون فيهاالبنات العباية
انا معاكم ان احنا تعودنا لكن لازم نحاول ونرجع لشي الصح بالذات انه
احنا في منطقةحاره ورطبة ....

[ربي معاية =)]

المشاركة الأصلية كتبت بواسطة سلطان747 الحل الامثل اقفال قسم البنات في الجامعة وكل وحده تنطق في بيت ابوها

يبغى يكحلهـا عمـاهـا

قرار غبـي ميـه في الميـه لو ان الادارة تهمها مصلحه البنات كانت اهتمت في المباني والجداول والمحضارات .. الخ

مو تهتم في العبايات واللبس والكلام الفاضي بللهي يعني لو البنت لبست زيهم الرسمي > على قولهم
بتفهم اكثر من اللي لابسه بتطلون وعبايه

؟؟؟؟؟؟؟؟؟

من جد يعني تخلف صراحه ايش فرقت .؟!
ومن جدهم البنات لو جربو الجري والفرفرة من مبنى لمبنى تحت اشعه الشـمس البـاردة جدآ كان عرفوا ان الله حق

واللي يقولوا معاهم حق في ذا القرار انتي كذا والا كذا مو لابسـه العبايه فَـ ليـش داخله عرض
الموضوع للي معارض القرار ولازم نشوف له حل صراحه خاصه للمساكين اللي يفتشوا عند البوابات > الحمد لله مو منهم

> أتذكر مرة كنت في مبنى 7 وكنت افطر في امان الله
وفجـأة نطت بحلقي وحدة قالت بصوت عالي العبـايه ممنوعه لو سمحتي يا طالبه شيليها > عندها اسلوب احسن من غيرها

طليـت فيها بنص عين وقولت طيب مو شايفتني افطر افرشها واكل عليها مثلا
قالت هاتي البطاقه ومدري ايش ومخالفه وكلام فاضي >
قولت لا تتعبي نفسك وقومت ورميت اكلي وخرجت من المبنى ولا فتحت فمها > شخصيه

ومرة كمان بنفس المبنى > كنت يومها رايقه لاخر حد
جت عندي وحدة شفت ضحكتها من بعد مترين
وقالت يا قلبي ياعمري العبايه ممنوعه > مدري ايش عندها تغازل
طليت فيها وابتسمت ابتسامه عذبه > اهم شي
وقولت تراني طالعه دحين وطلعت هههههه

يا بنات خليكم قويات ولكم هيبه مو قله حياء وادب لا والله بالعكس يعني ايش معنى انتي اللي تكتبي مخالفه وثلاثه ارباع الجامعه تمشي ولا احد يقولها شي

ونصيحه لا تعطوا الشؤون وجه بس من غير وقاحه وخليكي احسن منهم

> ادري طولت بس من قهري ههههههه

[فجر مظلم]

في بنات حالهم مستوره يعني ما يقدروا يشتروا ملابس كثير للجامعة فيستحوا انو يشيلوا العبايه بسبب هاده الموضوع

وكمان انا كنت ادرس تحضيري في السلامه صراحه هناك الاستاذات والله كانهم طالبات ما تعريفهم انفجعت لما عرفت انهم استاذات >>>> طبعا ما اقصد الشماته
والبنات الي يلبسوا السكيني والغير محتشم
انا صراحه افضل حل يناسب كل الاطراف
الكل يلبس زي موحد مثلا بلايز طويله بيضا وتنانير طويله سودا (ايام البرد)
وبلايز نص كم وتنانير قصيره للحد المعقول يعني تحت الركبه (ايام الحر)
يعني وقتها محد يكون عندو عذر يلبس العبايه
و ردعا للمشاكل
هذا رأيي والله المستعان ع القرارت الي تطلع من تحت الارض

[lujain.alsagh]

مــا اروع هــذه الجامعه .. =))

[TOP SECRET]

انا عن حالي بصراحه افضل البس بنطلون واتحرك على راحتي اما اني البس تنوره مدري كيف
مو متقبله الوضع واصلا الكل ضارب كلام الامن في الجدار البسو الي يريحكم وسوو الي تبغوه مني < حركات
واصلا ماراح يلحقو على علانه وفلانه يعني فلوها وربكم يحلها .. :)