تجمع المستجدين و المستجدات دفعة 2012 - استفساراتكم هنا||~

[saroona39]

المشاركة الأصلية كتبت بواسطة فقدتكـ السلام عليكم بنات انا حروح الجامعه ان شاء الله اشوف اش سار على التخصص وانزل جدولي ازا نزل ليه ان شاء الله اكون مقبوله في الكيمياء حابه استفسر عن الجدول حطيت ليه كدا جدول لكدا تخصص احتياط وانا ناويه احول بعد سمستر ان شاء الله لتخصص تاني اسس كيمياء 231 عربي 101 ثقافه 101 امس وسلامة 200 كيمياء عامه 202 عملي كيمياء 281 كدا كويس جدولي وكيف المواد بليز اقدر ارفع فيها معدلي ولا لا

نفس المواد الي بنزلها ، قريت موضوع انو لازم آخذ تفاضل وتكامل لانه اساسي عشان أقدر أحول

صحيحة دي المعلومة؟؟

[تذكار غموض]

لا يا سارونه اهم شيء انك نفس جدول فقدتك كذا تمام ....
بالتوفيق

[LeLou]

المشاركة الأصلية كتبت بواسطة Bnan السلام عليكم ,, بنآت أنا تخصصت فيزياء في الفيصلية بس أنا أبغا أرفع معدلي وأحول لكلية تانية أضفت مادتين حرة و مادتين عامة كلهم 11 ساعة ! اان شاء الله اذا جبت درجات كويسة فيها تتوقعو يترفع معدلي كتير ؟

و عليكم السلام و رحمة الله و بركاته..
خذي هذا الرابط:~
http://www.yicf.com/gpa.php
و دخلي فيه معدلك + الساعات المكتسبة سابقًا + عدد المواد + نوع المعدل (5)..
و بعدين دخلي درجات افتراضية و شوفي قد أيه راح يصير معدلك..

بالتوفيق||~

[RAWAN^_^]

بنات الفيصليه آحد سأل متى تبدأ المحآضرآت ؟؟

في بنات يقولون من يوم الاثنين وبنات يقولون السبت ><

[Prestige01]

السلام عليكم


بسالكم انا من الفيصليه وبدخل تخصص فيزيا طبيه لما بدي اعمل جدولي من نفس فرعي ولا اروح السليمانيه ..

بلييييييييييييز ردو عليا ضروري ..

[Cherry blossoms]

مساء النوور بنات....


مين عندها فكره متى نبدأ ماث وكيمياء

في محاضرات لها اول اسبوع ولا ادوام من السبت؟؟!!

وهالرمز ايش هو l7d تبع المبنى اللي فهمته انو مبنى7 طيب اي مدخل؟؟


موفقين

[أمل وطموح]

طيب أنت من أي فرع ؟
أنا بالسليمانية وعندي ماث 202 مع أستاذة مها محمد وهي كاتبة على موقعها أنها راح تبدأ يوم الأربعاء
أما البقية ما أدري عنهم

[LeLou]

المشاركة الأصلية كتبت بواسطة prestige01 السلام عليكم بسالكم انا من الفيصليه وبدخل تخصص فيزيا طبيه لما بدي اعمل جدولي من نفس فرعي ولا اروح السليمانيه .. بلييييييييييييز ردو عليا ضروري ..

و الله ما أعرف يا عسل,,
إنتِ أسألي في الفرع عندكم و شوفي كيف..
لكن,,
التخصص شفت الإعلان عندنا أنه تروحي للاستاذة اعتماد العسكري في الشؤون الأكاديمية تحولك..
و البنات إللي ماشيين في التخصص حولوا من عند الاستاذة خديجة..
لذلك أتوقع لو بتحولي راح يكون من عندنا..
دا اللي أعرفه..
بالتوفيق||~

المشاركة الأصلية كتبت بواسطة cherry blossoms مساء النوور بنات.... مين عندها فكره متى نبدأ ماث وكيمياء في محاضرات لها اول اسبوع ولا ادوام من السبت؟؟!! وهالرمز ايش هو l7d تبع المبنى اللي فهمته انو مبنى7 طيب اي مدخل؟؟ موفقين

و الله يا عسل دا شي يرجع لدكتوراتكم متى يبدؤوا عادة ..
بس الماث يبدؤوا دائمًا بدري من الأسبوع الأول..
أتوقع الأربعاء يبدؤوا..
//

عادي لو في السابع..
ادخلي من أي مكان أهم شي توصلي للغرفة..
إذا إنتِ في السليمانية..
حطي جدولك هنا..
و أنا أحاول أقول لك كيف توصلي للغرف و المباني..
بالتوفيق||~

[Cherry blossoms]

L7d

060b ماده معمل كيمياء281


///

l7d

057b ماده معمل كيمياء202

ايوة انا عارفه انو في 7 لكن كيف اوصله

//

420

201b عربي101


ايووه انا بالسليمانيه

[سحابة صيف ،]

اللي يسأل عن الدوام ،
مسؤولة ب الحذف و الاضافة - الفيصلية

قالت لا أشوفكم إلا السبت الجاي ههههههه
يلا نعمة من ربنا