هـنآ .. جمـيع الإستفسارات الخآصة لكلية إقتصاد منزلي ..~

[MANAMENO]

السلام عليكم انا ابغا ادخل تصميم داخلى بس مره اتلخبطت من كلام البنات
ابغا اعرف الاختبار الى يسوه قبل مايختارولنا التخصوصات لانو احنا سنه تحضيري مانختار بنفسنه هما يشوفو المعدل والبنات ويحطونا زي ما يشوفو الله يخليكي رديلي وفهميني
شكرا

[Twix~}..]

وعليكم السلاااام ...

مين قال هما يختارولك ويحطوكي في التخصص ..

انتي الي تختاري التخصص الي تبغي .. وعلى فكرهـ يا تحضيري خليكم متااابعين الاوديس على طول راح تنزلكم التخصصات بعد فترهـ عشان ترتبو التخصصات في الكليه الي انتو مختارينها بالاولويه .. يعني انتي اقتصاد منزلي ترتبي تصميم داخلي بعدين نسيج بعدين تعذية ...الخ

على ايامنا فتحو ترتيب التخصصات على نهاية رمضان واستمر الى بعد العيد بكم يوم .. وبعدها نزلت نتيجة الفرز = (( انتي في اي تخصص )) دخلتي .. فانتبهو لدي النقطه لانهم ما يعلنو عنها ايامنا بنات كتير ما عرفو انو فتح ترتيب التخصصات وحاااسو في اول اسبوع في الجامعه عشان يتخصصو ..

غير كدا انتي تابعي متى اختبار التصميم وادخلي واختبري اعتقد هو قبل ما تتخصصي لانو على اساسو حيشوفو يقبلوكي في القسم ولا لا ...

ان شاء الله اكون فدتكـ ..

[ساكنه في بيتنا]

المشاركة الأصلية كتبت بواسطة orkida حبيت اسأل لو اتخصصت دراسات طفولة اقدر اكمل ماجستير بعدين وايش المسارات الي ممكن اكمل فيها ؟؟ وإدارة سكن اقدر اكمل ماجستير بعدين ولا ؟؟ واخر سؤال شهادتي في دراسات طفولة تأهلني ادرس مثلا المرحلة الابتدائية ولا وهل الشهادة تربوية ولا ؟؟ ياليت تفيدوني

يب ممكن تكملي ماستر طفوله

المسارات و الله ما اعرف حاليا لأنهم ما فتحوا التقديم على ماستر الطفوله الا السنه دي بعد ماكانوا

مقفلينوا من فتره ..

مممم لا ما اعتقد لأنو الطفوله تهتم اكتر شي بالأطفال من 3-6 .. بس في تكاليف نعملها ممكن نختار حتى سن 9 سنوات ..




الشهاده التربويه دي حكايتها حكاااايه ..

نحن دارسين تربوي بس في الوثيقه ما يكتبوا الشي دا .. فبعد ماطفشناهم وطفشونا .. ساروا يعطونا وإفاده قلك قلك انو دارسين تربوي فما يحتاج ندرس تربوي

بس لمن تقدمي على الديوان يقالوا انو محا يقبلوا فيها ولازم تجيبي شهاده تربويه !!!

فدا الموضوع سيبيه على ربك

[orkida]

^^^
تيب وانتي ايش قولك
التخصص له مستقبل
يعني بعد تعب اربع سنين
حتفيدنا الشهادة ؟؟ اعطيني
شورك بصدق بلييز :)

[ساكنه في بيتنا]

بصراحه ربنا

مستقبل وظيفي انتي وحظك ..


حاليا الحمد لله فيه تحسن كبيييييييير و وعي للقسم .. حتى بعض المدارس الأهليه سار تعاملها مع الخريجات من القسم احسن شويتين و سار في نوادي صيفيه و حاجات زي الدورات كتييييييير طالبين فيها دراسات طفوله ..

يعني من النهايه لو بدك تتوظفي وظيفه حكوميه رددي يا لييييييييييييييييييييييييييييل

لو بدك تتوظفي في شي تستمتعي فيه سواء كان اهلي و لا خاص مرررررره حيكون حمآآآآآآآآآآآآآٍس ^_^


انتي بس لا تحطمي نفسك لو حابه القسم و اعطي نفسك الثقه إنك تقدري تعملي أي شي ومحد حيوقف طموحك و أحلامك

لا ظيفه ولا غيرها ..

لانو محد في الحياه يتخرج من اي كليه و يتوظف بسرعه .. إلا في حالات نادره مستثناه



في كل الأحوال .. ربنا يكتبلك الخير :) ..

[orkida]

^^
امين ياارب الله يسمع منك
انشاءالله ...

[مجرد طموح]

حابه أستفسر عن قسم التغذيه وعلوم الأطعمه عندكم بالجامعه
رح يتفرع ولا يضم للعلوم الصحيه ولا مثل ماهو
ولا ممكن يتقفل ؟
أنا من جامعة الأميره نوره ومصير القسم فيها ؟؟؟؟؟؟؟؟؟؟؟؟؟؟؟؟؟ يقولوا لازال تحت الدراسه
حابه اكمل ماجستير علوم أطعمه فإذا حال القسم عندكم مثل حالنا أفكر اغير تخصص الماستر لتغذيه إكلينيكيه
وكمان بثقل عليك بإستفسار ثاني بالنسبة للبرنامج التاهيلي لفنيات التغذيه حتى تكون أخصائية تغذيه وإلي معتمد من الهيئه السعوديه للتخصصات الصحيه موجود عندكم بجده ياليت تعطيني تفاصيل لو عندكم موجود
شااااااااااااااااكره لك

[jody 66]

حابه اسئل لو تخصصت اداره سكن ومؤسسات فين رح يكون

اي فرع بالجامعه نفسها ولا في الفروع التانيه

[jody 66]

ويييييييييييين الرد ياااهووو

[Twix~}..]

التخصص بالجامعه نفسها بكلية الاقتصاد المنزلي ..

:)